黎瑞恩
黎瑞恩

黎瑞恩暗寸學生買觀星筆射眼 揚言:與其打打殺殺不如去做義工!

影視娛樂

廣告

浸大學生會會長方仲賢日前在深水埗鴨寮街購買10支觀星筆,遭便衣警員截查並指他藏有「鐳射槍」,並以「涉嫌藏有攻擊性武器」罪名拘捕。藝人黎瑞恩昨日在她的私人Facebook說:「為確證雷射筆之安全可靠,試吓射完佢雙眼,通過安全標準嘅話,要求警方要立即放人兼道歉!」留言引來極大迴響。

撰文:Be|圖片:黎瑞恩FB、潘小濤FB

黎瑞恩暗寸學生買觀星筆射眼

黎瑞恩今日在她的私人Facebook說:「為確證雷射筆之安全可靠,試吓射完佢雙眼,通過安全標準嘅話,要求警方要立即放人兼道歉!」

黎瑞恩和朋友激烈討論

小恩子出帖後,引來不少朋友為此事留言及作出激烈討論,有朋友認為她盲撐,但小恩子否認,並說如果鐳射筆真的不傷眼,她要求警方道歉。另外又有朋友留言:「雷射筆有好多級數,在鴨寮街賣得都是合法,如唔賣得早就拉左喇!」小恩子立即回應:「翻版碟合唔合法呀!鴨寮街都有得賣喎!」

 

「係咪真係當全香港人係白癡」

又有朋友指出很多老師講課都有用鐳射筆做教學上的指示,小恩子回應:「老師講課用雷射筆係射黑板喎!唔係射眼㗎喎!」朋友再留言:「咁你又肯定那個學生買嚟射人眼睛,可能佢真係去觀星呢?唔好未審先判,就正如藝人嘅是是非非一樣,要冷靜思考,細心分析。」小恩子隨即說:「我真係才疏學淺,450nm波長雷射筆可以用來照幾光年以外的星星?地球幾時發展到同星星距離得幾百米,觀星係用追星儀同天文望遠鏡是常識吧!係咪真係當全香港人係白癡!」

 

帖子一出即被截圖及在網上瘋傳,有人留言表示:「又一個過氣偽人 #黎瑞恩,盲撐差佬濫權濫捕,睇下會唔會步倫伯後塵先 #扑爛CD啦 #歡迎廣傳」

傳媒人潘小濤也有在其FB轉發相關報道,並說「睇完篇報導後,冇嘢好講。」帖子一出,引來很多回應,當中有支持亦有反對,有人更揚言要罷睇小恩子的演唱會和罷聽歌曲,小恩子都有留言回應,稱不想爭辯落去,仲又話不希望有流血事件,與其打打殺殺不如去做義工!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..