魷魚遊戲
魷魚遊戲

魷魚遊戲|譚俊彥與男主角李政宰如孖生兄弟 笑言:啲人以為我去韓國搵同一個醫生!

影視娛樂

廣告

被喻為「韓版大屠殺」的驚慄韓劇《魷魚遊戲》日前在Netflix上架,在83個國家及地區推出即成為網民熱話,繼日前攻進全球人氣榜亞軍後,亦穩坐香港、台灣、泰國及馬來西亞等地排行榜榜首,創下佳績!《魷魚遊戲》的男主角李政宰被指與無綫小生、狄龍之子譚俊彥撞樣,就連譚俊彥本人都覺得好似,套劇依家爆紅,譚俊彥都有so吖!

撰文:東方新地 圖片:Netflix影片截圖、譚俊彥IG

《魷魚遊戲》熱爆全球

由韓國影帝李政宰主演、男神孔劉及李炳憲客串的韓劇《魷魚遊戲》熱爆全球,影片在Netflix上架後火速佔據各地人氣排行榜冠軍,旋即成為Netflix香港排行榜首位,引起極大回響,劇中遊戲迫出人類為求生存所產生出來的人性險惡,以及劇中的刺激血腥程度,被韓媒稱為「史上最強18禁之作」!

《魷魚遊戲》於影視串流平台Netflix上架數天,不但登上香港Netflix點播排行榜的冠軍位置,更成為首套能夠打入全球排行榜第2位的韓劇。(圖片來源:Netflix影片截圖)
《魷魚遊戲》於影視串流平台Netflix上架數天,不但登上香港Netflix點播排行榜的冠軍位置,更成為首套能夠打入全球排行榜第2位的韓劇。(圖片來源:Netflix影片截圖)
《魷魚遊戲》靈感源自韓國民間遊戲,故事講述456人獲邀參加一場神秘比賽,勝出者可以獲得456億韓圜(約3億港元)巨額獎金,至於失敗者則落得慘死下場,被形容為韓版《大逃殺》。(圖片來源:Netflix影片截圖)
《魷魚遊戲》靈感源自韓國民間遊戲,故事講述456人獲邀參加一場神秘比賽,勝出者可以獲得456億韓圜(約3億港元)巨額獎金,至於失敗者則落得慘死下場,被形容為韓版《大逃殺》。(圖片來源:Netflix影片截圖)

神態與外形神複製

其中48歲的男主角李政宰被指與41歲的無綫藝人譚俊彥如同孖生兄弟,成為熱話。有指李政宰與譚俊彥無論眼神、髮型同面形都非常相似,相似程度超過90%!更有網友笑言,如果拍港版《魷魚遊戲》,第一人選一定係譚俊彥!

劇中三大主角,左起朴海秀、李政宰及鄭浩妍。(圖片來源:劇照)
劇中三大主角,左起朴海秀、李政宰及鄭浩妍。(圖片來源:劇照)
有香港網友睇劇時,不自覺有種親切感,因為劇中男主角李政宰同譚俊彥撞晒樣!(圖片來源:劇照)
有香港網友睇劇時,不自覺有種親切感,因為劇中男主角李政宰同譚俊彥撞晒樣!(圖片來源:劇照)

網民覺得有親切感

不少網民留言表示「唔怪之得我睇時咁有親切感」、「yes,一睇《魷魚遊戲》見到頹版李政宰…好熟口臉」、「之前與神同行已經覺得好似,睇埋魷魚遊戲仲似」等等。

李政宰無論任何一個角度與神態,都好似譚俊彥。(圖片來源:劇照)
李政宰無論任何一個角度與神態,都好似譚俊彥。(圖片來源:劇照)
無綫小生、狄龍之子譚俊彥。(圖片來源:譚俊彥IG)
無綫小生、狄龍之子譚俊彥。(圖片來源:譚俊彥IG)

譚俊彥話好彩飛唔到韓國

譚俊彥被指同李政宰「撞樣」,他接受傳媒訪問時笑說雖然冇睇過套劇,但有極多朋友Cap相傳給他,他自覺表情、角度都真係幾似,好搞笑,對於有觀眾話睇時有親切感,譚俊彥話咁就好喇,畀到大家親切感,更笑指好彩依家飛唔到韓國,如果唔係一定畀人話佢去韓國搵同一個醫生!

譚俊彥話冇睇過《魷魚遊戲》,不過睇完朋友SEND來的照片,都覺得自己好似李政宰!(圖片來源:譚俊彥IG)
譚俊彥話冇睇過《魷魚遊戲》,不過睇完朋友SEND來的照片,都覺得自己好似李政宰!(圖片來源:譚俊彥IG)
有網友笑言如果《魷》劇拍香港版,男主角第一人選絕對是譚俊彥。(圖片來源:譚俊彥IG)
有網友笑言如果《魷》劇拍香港版,男主角第一人選絕對是譚俊彥。(圖片來源:譚俊彥IG)

譚俊彥挾人氣有新劇推出

譚俊彥與李政宰撞樣人氣急升,就連社交平台See See TVB也玩埋一份,po出由譚俊彥、李政宰及童星譚真一多張照片合成的圖片,並搞笑寫道:「肥仔有次去韓國旅行見到譚俊彥先生,不過條友好寸,叫佢譚生都唔睬人。」順帶一提,譚俊彥做男一的新劇《換命真相》將於10月18日推出,女一是鄧佩儀,25集播到去台慶月,唔知係咪想推佢做視帝,同韓國影帝李政宰拉近距離呢?

就連「see see TVB」都玩埋一份,把譚真一、譚俊彥及李政宰的照片混在一起考大家眼力。(圖片來源:SEE SEE TVB圖片)
就連「see see TVB」都玩埋一份,把譚真一、譚俊彥及李政宰的照片混在一起考大家眼力。(圖片來源:SEE SEE TVB圖片)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地