鍾培生
鍾培生

鍾培生拍片舉證「短人叻過高佬」 公開揶揄193@ERROR:唔應該存在嘅人類

影視娛樂

廣告

鍾培生曾公開被林作笑其身高167cm,所以才落實上擂台應戰。個子不高的鍾培生近日拍片為短人發聲,力撐短人叻過高佬,並舉出歷史人物和身邊友人等實例以證短人多計,期間更提及ERROR的193(郭嘉駿),揶揄應該要劏嚟做研究,直言「咁高把鬼咩」,果然有錢有自信﹗

文:東方新地|圖:鍾培生YouTube影片截圖、鍾培生IG

鍾培生以「我觀察高佬比矮仔難成功」為題,拍片為短人發聲,直指短人多成功人士。 鍾培生解釋拍片是為支持「國際矮仔自豪日」,並指今集會公審某啲人,以及列舉歷史人物以證短人係叻過高佬﹗不過鍾培生指自己雖然個子唔高,但強調自己的effective height有4米高﹗

鍾培生神邏輯:成日諗嘢所以矮

鍾培生在片段開初一輪嘴話:「你有冇見過一個歷史偉人有兩米高?冇吖嘛,通常好醒嗰啲都係矮仔嚟嘅,以我個人邏輯呢,我哋細個諗太多嘢,所以唔瞓覺,啲人打完波去瞓晏覺,但我哋打完波唔瞓繼續諗嘢,之後都係繼續諗嘢,唔瞓覺就矮,所以通常醒嗰批都係細粒啲﹗」

鍾培生
鍾培生話同一班矮仔朋友都好proud of自己係矮仔。(圖片來源:鍾培生YouTube影片截圖)

鍾培生公審高佬朋友:unfriend佢

鍾培生又指自己同一班矮仔朋友有個矮仔Group,大家都好proud of是矮仔,他指有一個1米83男性朋友私下inbox,指被異性嫌唔夠高,鍾培生勞氣話:「呢個契弟叫Ricky Yung ,我要公審佢,頂你個肺,我unfriend佢,我哋班朋友要一齊杯葛佢,呢啲人真係需要抵制。」

鍾培生指自己十六歲入讀大學,但都不及偉大勁,他舉例亞歷山大帝咁強都係矮仔﹗(圖片來源:鍾培生YouTube影片截圖)
鍾培生舉例亞歷山大大帝咁強都係矮仔,順勢自誇自己十六歲入讀大學﹗(圖片來源:鍾培生YouTube影片截圖)

鍾培生講193:條友好抵死

鍾培生又指最近有看Error節目,又話自己好尊重193:「佢喺《花姐ERROR遊》度去台灣,193被成堆曱甴圍住,好勇猛,我同friend講幾好笑,條友好抵死,我friend問『乜Q193呀?』我話因為條友有1米93所以叫193,我頂你個肺,佢話『即刻叫Bill Gate劏嚟研究吓,乜嘢人類嚟㗎?』真係要被科學家拎去研究嘅人嚟,真係唔應該存在嘅人類嚟嘅。」

鍾培生最初話尊敬193,但又借朋友把口指「呢啲唔應該生存喺世界嘅人類」。(圖片來源:鍾培生YouTube影片截圖)
鍾培生最初話尊敬193,但又借朋友把口指「呢啲唔應該生存喺世界嘅人類」。(圖片來源:鍾培生YouTube影片截圖)

鍾培生話講完外國人要講番中國人,指曹操大約1.55至57左右,被歷史學家以「姿貌短小」形容, 鍾培生勞氣話:「 你老X ﹗你條契弟,曹操咁勁被你用呢四個字形容,好似我將來被人寫自傳,鍾培生姿貌短小,真係過份﹗不過曹操媾女好叻, 講得出嘅姓氏嘅女子都同佢有關係。」

(圖片來源:鍾培生YouTube影片截圖)
鍾培生指歷史偉人都唔高﹗(圖片來源:鍾培生YouTube影片截圖)

鍾培生又指點解香港人咁心急,係因為被擋住看不到天空,缺乏維他命D,佢話:「咪係被啲193、兩米呢啲仆街巨人呢,擋住咗我哋個視野,就係你哋擋住咗個太陽﹗」

鍾培生指18年他上擂台,由兩米高鬼抬轎抬佢出場「咁高咪又係抬轎抬我出嚟﹗」(圖片來源:)
鍾培生指18年他上擂台,由兩米高鬼佬抬轎抬佢出場:「咁高咪又係抬轎抬我出嚟﹗」(圖片來源:)

然後再數一堆歴史人物,他指「希特拉比德國人平均高6、7cm,所以呢條契弟殺咗咁多人囉﹗」之後再數出列寧、拿破崙、乾隆都是個子矮小,鍾培生話:「拿破崙咪又係矮仔,咁高做乜啫,咪好似18年我打拳,咁高咪又係負責抬我驕,啲鬼佬兩米。」最後鍾培生總結:「根據歷史例證、我身邊朋友,以致我嘅觀察所得,醒目嘅人一定矮,我身邊叻嘅矮仔數極數唔完,但成功嘅高佬friend我真係諗唔到邊個﹗」

鍾培生指曾怪責媽媽生得佢咁矮:「點解爸爸咁高我咁矮﹗點知媽媽話我似阿爺喎,我即刻收口﹗(圖片來源:鍾培生YouTube影片截圖)
鍾培生指曾怪責媽媽生得佢咁矮:「點解爸爸咁高我咁矮﹗點知媽媽話我似阿爺喎,我即刻收口﹗」(圖片來源:鍾培生YouTube影片截圖)
(圖片來源:鍾培生YouTube影片截圖)
鍾培生不時強調:「咁高把鬼咩﹗」(圖片來源:鍾培生YouTube影片截圖)

網民:無說服力,尤其出自矮仔口中

鍾培生拍片舉證短人叻過高 揶揄193@ERROR:畀Bill Gate劏嚟研究

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地