郭柏妍 芊芊
郭柏妍 芊芊

郭柏妍開YouTube講《下流上車族》 點樣反勝蘇皓兒演芊芊 被指魔音咁回應

影視娛樂

廣告

有份參演TVB台慶劇《下流上車族》的港姐郭柏妍(Rosita),憑於劇中飾演「車芊芊」一角而人氣急升,今年更因該色競逐入圍台慶「最佳女配角」、「飛躍進步女藝員」及「最受歡迎電視女角」3個項目爭獎,郭柏妍趁「芊芊」熱潮仍在,近日特別開YouTube頻道,分享更多《下流》的拍攝秘辛,包括當初自己最初不獲選芊芊一角,只是執二攤演出!

郭柏妍 芊芊 郭柏妍
郭柏妍見到劇本入面芊芊有好多戲份,大為興奮(圖片來源:IG@rositakpyy)
郭柏妍 芊芊 芊芊角色原本屬意蘇皓兒
芊芊角色原本屬意蘇皓兒(圖片來源:IG@chloe_so)

郭柏妍爭贏長腿蘇皓兒 興奮失而復得

2020年港姐季軍郭柏妍近日於YouTube開個人頻道,並上載首條影片《下流上車族Q&A》,公開拍劇感受。之前一直傳郭柏妍是執二攤,芊芊本來屬意同樣長腿的蘇皓兒(Chloe)演出,但因Chloe演技備受批評而遭撤換,郭柏妍於片中首個回應的問題,就是收到《下流》的劇本:「因為我冇見過劇本上會有咁多我個名,全部都係芊芊…感覺又驚又喜,因為場場都有我!」

後來郭柏妍卻獲通知未能演出:「我知道都有幾個人選可以畀監製揀,亦唔知會唔會中,所以都幾緊張,後來試完鏡後經理人同講嗰邊話唔使喇。」喜出望外是事隔一天,經理人又跟她說:「佢哋搵番你做,當時我真係好開心,因為我知道呢個機會好難得。」

郭柏妍 芊芊 郭柏妍最初知道監製揀咗第二個後十分失望
郭柏妍最初知道監製揀咗第二個後十分失望(圖片來源:YouTube@@rositakpyy)
郭柏妍 芊芊 好開心失而復得
好開心失而復得(圖片來源:YouTube@@rositakpyy)

難忘踩板經常PK殯儀館練女僕舞

郭柏妍又於分享了兩件難忘,包括於劇中因角色需要應付不少踩滑板場面:「其中一幕踩滑板,要着住OL衫,然後要一邊踩滑板,一邊派傳單畀男跑友,我又冇著鞋,加埋要講對白,又驚個咪跌啦,所以我都幾surprise還原到劇本想我講嘅嘢。」

另外,她還透露另一件難忘事是8號風球時去學女僕舞,因為拍攝現場經常要等roll機開拍,所以就趁空閒把握時間練習:「我好記得自己喺殯儀館跳女僕,每一個工作人員行過都會喺度笑,所以就覺得好搞笑。」

郭柏妍 芊芊 郭柏妍試過於殯儀館等開拍期間不斷練女僕舞
郭柏妍試過於殯儀館等開拍期間不斷練女僕舞(圖片來源:YouTube@@rositakpyy)
郭柏妍 芊芊 郭柏妍的女僕造型大為可愛
郭柏妍的女僕造型大為可愛(圖片來源:IG@rositakpyy)
郭柏妍 芊芊 郭柏妍為角色苦練踩板一個月,更經常PK(圖片來源:TVB《下流上車族》劇照
郭柏妍為角色苦練踩板一個月,更經常PK(圖片來源:TVB《下流上車族》劇照

江美儀吹頭戲釋前嫌 讚效果感動

至於郭柏妍也有分享於劇中跟「父親」林敏驄及「母親」江美儀的對手戲,包括有一幕林敏驄到她的新家看看女兒生活過得怎樣:「呢場戲係一鏡到底,同埋好帶到畀大家睇我同daddy之間嘅父女情,自己好鐘意同深刻。」

至於在劇中與江美儀飾演母女,郭柏妍指二人常為買樓爭執:「有場佢幫我吹頭,之後我哋傾完冰釋前嫌,呢場我都好鐘意,而且美儀姐又好戲,啟發我好多,令到出嚟好感動。」

郭柏妍 芊芊 郭柏妍親口話同林敏驄嘅一鏡到底講父女情嘅場口好難忘
郭柏妍親口話同林敏驄嘅一鏡到底講父女情嘅場口好難忘(圖片來源:YouTube@@rositakpyy)
郭柏妍 芊芊 郭柏妍讚賞江美儀著黑絲好睇之外,又話呢場吹頭戲份凸顯到母女情
郭柏妍讚賞江美儀著黑絲好睇之外,又話呢場吹頭戲份凸顯到母女情(圖片來源:YouTube@@rositakpyy)
郭柏妍 芊芊 郭柏妍希望原班人馬可以有機會再度上陣演出《下流上車族》第二季!
郭柏妍希望原班人馬可以有機會再度上陣演出《下流上車族》第二季!(圖片來源:IG@rositakpyy)

爆羅毓儀年紀大反而做阿妹

車芊芊令郭柏妍人氣急升,日前更獲頒「Yahoo搜尋人氣大獎」中人氣急星獎,郭柏妍被問到於街上可否叫她芊芊時就說:「梗係得啦,套劇出咗街之後我真係好開心好多人叫我芊芊!」又搞笑將26歲飾演她妹妹蔓蔓的羅毓儀跟25歲的自己做比較:「就算係妹妹蔓蔓,其實年資都比我深,年紀都比我大,好多人都話睇唔出囉!」

郭柏妍更希望《下流上車族》能開第二季,並以原班人馬上陣演出。

郭柏妍 芊芊 郭柏妍指自己年資淺,更指演妹妹的羅毓儀比她年紀更大
郭柏妍指自己年資淺,更指演妹妹的羅毓儀比她年紀更大(圖片來源:YouTube@@rositakpyy)
郭柏妍 芊芊 獲無綫力捧的郭柏妍於早前的「Yahoo搜尋人氣大獎」頒獎禮中奪得人氣急星獎
獲無綫力捧的郭柏妍於早前的「Yahoo搜尋人氣大獎」頒獎禮中奪得人氣急星獎(圖片來源:IG@rositakpyy)

片尾彩蛋搞爛gag 又搞陳慧嫻事

郭柏妍呢條片,仲有一個搞爛gag嘅尾片彩蛋,佢讀出網民留言話「有網民問點解芊芊冇哥哥」,郭柏妍就答話:「因為芊芊缺哥」,字幕君不但打出「陳慧嫻」個名,又播出陳慧嫻《千千厥歌》嘅部份歌詞,擺到明玩食字,之後又播埋郭柏妍於《東華》嘅魔音表演,抵死得嚟仲識玩埋網片風格貼地氣!

郭柏妍 芊芊 郭柏妍搞爛gag
郭柏妍搞爛gag(圖片來源:YouTube@@rositakpyy)
郭柏妍 芊芊 自己擺自己上枱重提魔音事件
自己擺自己上枱重提魔音事件(圖片來源:YouTube@@rositakpyy)

郭柏妍YouTube頻道《下流上車族Q&A》影片

郭柏妍起底 重溫入行後精彩演出

郭柏妍於2020年因參選香港小姐並奪得季軍而入行,當時因甜美外表而被封「港版周子瑜」,入行後演繹不同角色,可算機會多多。

郭柏妍 芊芊 蘇皓兒 郭柏妍眼大大仙氣十足,仲係高學歷港姐。
郭柏妍眼大大仙氣十足,仲係高學歷港姐。(圖片來源:IG@rositakpyy)

因2個原因報名參選港姐獲季軍

2020年郭柏妍23歲,以更廣泛學習和多認識新朋友為由,報名參加《2020年香港小姐競選》。她曾接受訪問提過自己小時候很貪玩,很喜歡玩鬼屋、過山車等機動遊戲,但長大後她大多時間都留在家中,性格變得比較安靜,較少和朋友外出,直到參選港姐之後,才又變回大膽。她坦言自己因為沒有相關的演藝工作經驗,所以一開始都不太習慣望住鏡頭,但隨著參選的過程,慢慢便開始適應鏡頭。她希望在工作上可以獲得多方面的發展,找出自己的長處。

郭柏妍因為長相甜美,而且回應問題時謙虛有禮,而被網民一致好評,參選港姐時已被形容為「港版子瑜」,甚至被視為熱門。她最後獲得季軍並且加入TVB。

郭柏妍 芊芊 白色強人2 郭柏妍是2020年度的港姐季軍。
郭柏妍是2020年度的港姐季軍。(圖片來源:TVB《2020年香港小姐競選》截圖)
郭柏妍 芊芊 白色強人2 參選港姐時郭柏妍已被封為「港版子瑜」。
參選港姐時郭柏妍已被封為「港版子瑜」。(圖片來源:TVB《2020年香港小姐競選》截圖)
郭柏妍 芊芊 白色強人2 郭柏妍
郭柏妍小時候曾學過跳舞。(圖片來源:YouTube@TVB USA Official)
郭柏妍 芊芊 白色強人2 郭柏妍
她自言細個時比較大膽。(圖片來源:YouTube@TVB USA Official)

雙生陌生人|郭柏妍戴假金髮變身小野貓

郭柏妍在早前播畢的劇集《雙生陌生人》中,亦曾以金髮女郎形象示人,令人眼前一亮。劇中她穿上Deep V裝大跳鋼管舞,突破她選港姐入行以來的斯文形象,原來她只用3個小時去練習鋼管舞。

郭柏妍 芊芊 白色強人2 這次跳鋼管舞的戲份,是郭柏妍首次在幕前的性感演出。
這次跳鋼管舞的戲份,是郭柏妍首次在幕前的性感演出。(圖片來源:TVB《雙生陌生人》截圖)
郭柏妍 芊芊 白色強人2 當中有大露背。
當中有大露背。(圖片來源:TVB《雙生陌生人》截圖)
郭柏妍 芊芊 郭柏妍將自己練習鋼管舞的片段放上網
郭柏妍將自己練習鋼管舞的片段放上網(圖片來源:IG@rositakpyy)

郭柏妍在劇集《青春不要臉》中憑「陽光妹」清純 Image 贏盡關注,雖然只有幾秒鏡頭,但手上拎住一盒檸檬茶邊行邊飲的郭柏妍,成功重現經典陽光檸檬茶廣告中的學生妹形象,獲網民大讚「令人眼前一亮」、「好有初戀Feel」、「好pure好true」、「好有仙氣」、「好可愛」。

郭柏妍 芊芊 蘇皓兒 郭柏妍po出自己拍攝時的花絮照。
郭柏妍在《青春不要臉》扮陽光妹。(圖片來源:IG@rositakpyy)
郭柏妍 芊芊 白色強人2 呢幕回眸一笑好有初戀嘅感覺!
曾經在《青春不要臉》扮演陽光學生妹,亦獲讚又pure又true。(圖片來源:《青春不要臉》截圖)

文武雙全 港大碩士畢業

郭柏妍在中學時期便是步操樂團成員,並曾在「香港步操樂團公開賽」中,獲得2011年度銀獎及2012年度金獎。除此之外,她又曾代表學校多次參與學界游泳比賽並打入八強,及在香港學校朗誦節取得中五級女子粵語詩詞獨誦優異獎。中學畢業後,她曾就讀於香港高等教育科技學院的食品安全學科,並畢業於香港大學食物安全管理碩士課程。

郭柏妍 芊芊 白色強人2 郭柏妍
小時候的郭柏妍。(圖片來源:IG@rositakpyy)
郭柏妍 芊芊 白色強人2 最近正密密拍劇的郭柏妍,話要度到期先可以參加到《飛越木人巷》。
郭柏妍係學界游泳健將。(圖片來源:IG@rositakpyy)
郭柏妍 芊芊 白色強人2 郭柏妍加入TVB未夠一年已拍過《白色強人II》、《青春不要臉》等劇集,有不少發揮機會。
曾多次代表學校參加學界泳賽,並打入八強。(圖片來源:IG@rositakpyy)

自爆A0從未拍過拖 公開5個擇偶條件

郭柏妍亦曾自爆自己A0,原因是身邊少有異性朋友,而且大學讀書的時候,女同學都比較多,所以便好難識到異性,又曾在《#後生仔傾吓偈》中坦言雖然有男性追求,但是因為不合適,所以未有進一步發展。

她指自己的心儀對象是要比她高,而且要健談、開朗、風趣和上進的人,余德丞就是其理想對象,又指自己不是一見鍾情的類型,而是要經過相處才會在一起。可是最後她強調拍拖暫時不是自己首要的選擇,而是現今的演藝工作,因為演藝工作是自己鍾意做的事情。

郭柏妍 芊芊 白色強人2 郭柏妍
郭柏妍指自己身邊一直較少有異性朋友。(圖片來源:YouTube@TVB USA Official)
郭柏妍 芊芊 白色強人2 郭柏妍
她的目標由原來的學業變成事業,拍拖只屬次要。(圖片來源:YouTube@TVB USA Official)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:YouTube@@rositakpyy、IG@rositakpyy