豪遊咖啡 陳豪
豪遊咖啡 陳豪

豪遊咖啡|袁偉豪輸畀陳豪9條街 網民一人一個窩心建議!

影視娛樂

廣告

由陳豪與袁偉豪主持的咖啡節目《豪遊咖啡》,雖然兩人同樣邀請相熟的藝人朋友上節目一齊歎咖啡,但光是Youtube點擊率都已經相差一大截,陳豪贏足9條街!網民都紛紛留言表示:「不如開套《新春軟飯王》畀佢啦。」

陳豪點擊率贏袁偉豪9條街

由陳豪與袁偉豪主持的咖啡節目《豪遊咖啡》,今晚已經是最後一集,由節目開播之前,觀眾們都已經認為經常脾氣暴走的袁偉豪不適合拍攝咖啡節目。節目開播之後,兩豪在Youtube點擊率都相差一大截!陳豪與李佳芯的一集錄得11萬點擊率的同時,袁偉豪和黃翠如的一集只錄得2萬點擊率,相距只有一天的視頻,陳豪竟然贏袁偉豪5倍!

陳豪 & 李佳芯 118,029 Views VS 袁偉豪 & 黃翠如 24,245 Views

豪遊咖啡 陳豪 豪遊咖啡 只係相差一日,點擊率就多5倍!
只係相差一日,點擊率就多5倍!(圖片來源:Youtube@TVB Official 截圖)

陳豪 & 胡定欣 45,618 Views VS 袁偉豪 & 黃智雯 11,125 Views

豪遊咖啡 陳豪 豪遊咖啡 負評王搞到零負評嘅黃智雯都冇人睇
負評王搞到零負評嘅黃智雯都冇人睇(圖片來源:Youtube@TVB Official 截圖)

袁偉豪差評屢屢 網民:不如開套《新春軟飯王》畀佢啦

一向形象麻麻、經常爆seed暴走的袁偉豪,雖然今次伙拍「好好先生」陳豪一起拍節目,但依然未能夠挽回「軟飯王」的形象。不少網民都毫不留情地在袁偉豪的《豪遊咖啡》Youtube影片下留言:「講真人地黎諾懿夠食軟飯啦又唔見人地俾人攻擊。自己檢討下人格問題啦」、「《豪遊咖啡》唔啱袁偉豪拍,豪遊軟飯啱佢啲」、「不如開套《新春軟飯王》畀佢啦」等。

豪遊咖啡 陳豪 豪遊咖啡 袁偉豪今次洗地失敗,繼續被網民狠批!
袁偉豪今次洗地失敗,繼續被網民狠批!(圖片來源:Youtube@TVB Official 截圖)

陳茵媺染疫後康復撐老公

除此之外,陳豪更邀請了重量級嘉賓陳茵媺當壓軸嘉賓。早前中招染病的陳茵媺,在康復後即刻撐老公場,非常甜蜜。在接受訪問的時候,陳豪都有提及到非常擔心獨自隔離的陳茵媺:「因為佢自己一個,所以我日日都要揸車入去送嘢俾佢,佢一唔聽電話,我就諗係唔係要開始撞門入去啊!」

豪遊咖啡 陳豪 陳豪仲有重量級嘉賓陳茵媺撐場,太太陳茵媺染疫後康復即刻撐老公!
陳豪仲有重量級嘉賓陳茵媺撐場,太太陳茵媺染疫後康復即刻撐老公!(圖片來源:TVB提供)
豪遊咖啡 陳豪 Mo拖實Aimee步行至咖啡小店。
Mo拖實Aimee步行至咖啡小店。(圖片來源:TVB提供)

豪遊咖啡|「雙豪」首度合作節目

陳豪出名是愛啡之人,曾推出節目《品味咖啡》更開設了自家品牌咖啡店,今次聯同自認愛啡、IG經常出Po分享咖啡拉花照的袁偉豪合作,主持節目《豪遊咖啡》,兩解構過去兩年香港咖啡店與打卡文化盛行,以及製作咖啡的過程。

豪遊咖啡 陳豪 袁偉豪 首次合作的二人明顯不熟。
首次合作的二人明顯不熟。(圖片來源:大會提供)
豪遊咖啡 陳豪 袁偉豪 咖啡節目當然要有主角咖啡。
咖啡節目當然要有主角咖啡。(圖片來源:大會提供)

袁偉豪負評不斷

港男出身的袁偉豪,於2017年因拍攝節目《打工捱世界II》邂逅張寶兒,二人同年認愛,但戀情未被看好。網民指袁偉豪拜金想入贅女家、「食軟飯」等等的評語,加上不少相關的報導,令袁偉豪壓力爆煲,經常爆Seed鬧爆網民,甚至試過在網上公開鬧傳媒,形象插水。

豪遊咖啡 陳豪 陳豪 袁偉豪 豪遊咖啡 袁偉豪 蔡思貝 法證先鋒5 但現實中兩人似乎「面左左」。
袁偉豪和蔡思貝受訪時「面左左」。(圖片來源:YouTube@TVB娛樂新聞台)
豪遊咖啡 陳豪 陳豪 袁偉豪 豪遊咖啡 袁偉豪係咪食緊誠實豆沙包?
袁偉豪係咪食緊誠實豆沙包?(圖片來源:YouTube@張寶兒Bowie Cheung)

自認EQ低

現年41歲的袁偉豪,曾於訪問中提到自己由17歲就開始工作,今年已是他入行第25年,他直言知道好多機會係得來不易,因此他無論是在幕前、幕後,甚至人際關係上,都希望能做到最好:「不過有時可能唔夠瞓,啲EQ就會低啲,導致到可能喺個言行上就會比較率直,不過我自己本身就唔係太識用啲花言巧語去表達自己,或者叫做同人哋去交流,我只係希望可以直接啲去表達到件事,可能咁就會導致近年人哋對我嘅印象唔係太好。」

爆Seed鬧傳媒:欠咗你哋?

袁偉豪早前被冠以「三億駙馬」外號,又被網民開post群插走樣,曾嬲豬發長文爆Seed,今年九月,金像獎最佳男配角得主馮皓揚退修TVB藝員訓練班的相關新聞中,導師之一的袁偉豪被網民質疑導師資格,事後袁偉豪在Facebook轉發相關的報道,嬲嬲留言:「我欠咗你哋班傳媒?」

豪遊咖啡 陳豪 陳豪 袁偉豪 豪遊咖啡 袁偉豪 近日King Jer報導一則關於馮皓揚羊羊)在上完第一堂TVB藝員訓練班,就與公司商討決定退學的消息,King Jer於文中及配圖均提及訓練班有一位客席星級導師袁偉豪出現,結果惹來袁偉豪不滿指:「我欠咗你哋班傳謀?」網民都狠批他的回應態度差,好唔得體。
近日King Jer報導一則關於馮皓揚(羊羊)在上完第一堂TVB藝員訓練班,就與公司商討決定退學的消息,King Jer於文中及配圖均提及訓練班有一位客席星級導師袁偉豪出現,結果惹來袁偉豪不滿指:「我欠咗你哋班傳謀?」網民都狠批他的回應態度差,好唔得體。(圖片來源:Facebook截圖)

婚後多閒言感覺灰心

袁偉豪又表示作為藝人,好多事都身不由己:「事實嘅真與假都唔知係咪嗰回事,再加上除咗自己本身,都要同好多單合作,先可以成就到大家睇到的娛樂新聞。我唔係話好刻意去製造新聞,只係有時大家喺工作上各有所需,佢有佢寫、我有我自己,但偶爾都會好氣餒。」袁偉豪續說:「自己辛辛苦苦經營咗咁耐嘅工作,亦都喺自己人生上有咗個選擇、搵到個我適合嘅人,去建立我嘅家庭,可以喺感情上覺得安穩,雖然我係男士,但都可以話係心靈上有個依靠,但係好似係近呢兩年,自從我結婚以後,真係多咗好多閒言閒語,或者啲是非黑白,我都覺得有啲灰心。」

豪遊咖啡 陳豪 陳豪 袁偉豪 豪遊咖啡 袁偉豪 袁偉豪自2020年和張寶兒結婚,之後網上曾出現他「嫁畀張寶兒」才可得到6,000萬豪宅、「食軟飯」、「袁偉豪)係姓張」等言論。
袁偉豪自2020年和張寶兒結婚,之後網上曾出現他「嫁畀張寶兒」才可得到6,000萬豪宅、「食軟飯」、「(袁偉豪)係姓張」等言論。(圖片來源:IG@benontheroad)

擔心互聯網存檔影響接Job

主持人陳圖安指只要問心無愧就可以,但袁偉豪就話:「而家互聯網發展好快,同埋會存檔,裡面有好多嘅報道、有好多嘅事情都唔係真係有咁嘅事實,但都會存咗檔,可能我啲工作客戶想了解我,就會SEARCH我嘅資料,嗰啲唔係屬實嘅資料就會留咗檔,我好難去澄清所有嘅事,呢方面就會令我覺得唔係咁好。」

袁偉豪因一杯咖啡吸引張寶兒留意

袁偉豪17年拍攝旅遊節目《打工捱世界II》而認識了張寶兒,一trip定情,袁偉豪話:「每一日我都會飲咖啡,有一日佢走嚟同我講『你都幾似鬼佬㗎喎﹗』,咁我飄飄然,心諗你都幾欣賞我喎﹗之後就同佢人傾人生、音樂,互相試探,傾過會唔會想快啲結婚,跟住我問佢:『咁你會唔會做我背後女人?』,其實嗰時坐緊車轉景,我吔喺車度前後座位,互傳訊息,問完嗰句佢就冇答我喎﹗大家對住個非洲大草原,靜咗﹗」

豪遊咖啡 陳豪 陳豪 袁偉豪 豪遊咖啡 袁偉豪 袁偉豪大爆未拍拖前,曾試探張寶兒問對方是否願意做其背後女人?
袁偉豪大爆未拍拖前,曾試探張寶兒問對方是否願意做其背後女人?(圖片來源:《人夫放假約出去滾》截圖)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:Youtube@TVB娛樂新聞台、Youtube@TVB Official 截圖資料或影片來源:原文刊於東方新地