郭富城、劉德華過半百做老竇!盤點8位圈中老來得B男星

影視娛樂

廣告

曾幾何時,以為佢哋唔會結婚、更加唔會做爸爸,不過緣份嘅嘢話嚟就嚟,另一半如是、兒女亦都一樣,以下呢班圈中男星失驚無神做完老襯再做老竇,無論生仔定生女,隔住個mon都感受到老來得B有幾感恩、初生兒女有幾萬千寵愛集一身!

原文刊於《東方新地》

52歲郭富城

當年同名模熊黛林拍拖八年都未有打算畀個名份,當外界以為天王城城仲未玩夠時,郭富城15年突然承認與年輕22年的內地網紅方媛(Moka)拍拖,17年再娶埋過門。婚結得急原來老婆已經有餡,同年52歲城城宣布長女Chantelle出世,去年四月,次女Charlotte亦誕生。

郭富城、劉德華過半百做老竇!盤點8位圈中老來得B男星

50歲劉德華

天王中嘅天王、男神中嘅男神劉德華除咗勤力過隻牛,亦都出名專一,86年相識後便對女友朱麗倩一條心,秘密拍拖23年後終於因為出席岳父喪禮驚爆秘婚。11年50歲嘅劉華宣布吾家有喜,爸爸年紀唔細,媽媽亦都以46歲高齡產女夠晒勇,女兒向蕙今年8歲。

郭富城、劉德華過半百做老竇!盤點8位圈中老來得B男星

56歲呂方

九十年代,呂方與鄭裕玲展開長達十六年嘅愛情長跑,一直公開表示有不婚、不生育共識。估唔到今年初突然被爆與拍拖七年嘅女友Rainbow 秘婚,太太更已經懷有五個月身孕,今年八月,囡囡出世,56歲呂方正
式宣布做老竇。

郭富城、劉德華過半百做老竇!盤點8位圈中老來得B男星

55歲杜德偉

九十年代紅極一時,曾經同吳君如、名模周汶錡拍過拖,2012年杜德偉與年輕24年嘅攝影師女友李曉冰結婚,婚禮有老死梁朝偉做兄弟、岳父50歲同自己同齡夠晒 話 題。16年兒子 Alex Junior出世時,杜德偉已經年屆55歲,近年搖身一變成慈父更自爆一直同老婆努力追多個。

郭富城、劉德華過半百做老竇!盤點8位圈中老來得B男星

51歲黎明

黎明05年與名模樂基兒愛得轟烈、並於08年喺美國秘婚,可惜終告離婚收場。黎明離婚後感情一直未有著落,直至18年貼身助手陳泳儀(Wing)突然被揭出入黎宅,身光頸靚更頂著巨肚疑似已經懷有六個月身孕。黎明隨後出 po 親證「 兩個曾歷離婚的人,有機會在一起是緣份 」,同年四月女兒出世,51歲做爸爸。

黎明女兒面圓圓及單眼皮,樣子激似老竇。
黎明女兒面圓圓及單眼皮,樣子激似老竇。

49歲鄭嘉穎

曾經與當家花旦佘詩曼、周麗淇拍拖卻不願公開戀情,16年卻因為合作劇集被年齡相差22年嘅港姐冠軍陳凱琳收服,迅速公開戀情更反常態頻晒恩愛。18年結婚後陳凱琳三年抱兩先後誕下 Rafael 及 Yannick兩個兒子,而鄭嘉穎首次做老竇時已近半百。

郭富城、劉德華過半百做老竇!盤點8位圈中老來得B男星

49歲蘇永康

99年人稱 「阿公」嘅蘇永康與新加坡女友馮麗清結婚,四年後離婚更搞到不歡而散,14年與任職時裝行業嘅女朋友馮翠珊再婚,今次同聲同氣志趣相投終於開花結果,17年三月,49歲蘇永康喜獲麟兒,取名Jazz。

郭富城、劉德華過半百做老竇!盤點8位圈中老來得B男星

51歲黃澤鋒

19年51歲黃澤鋒升格做老竇未算出奇,最意外係老婆陳麗麗亦在51歲做媽媽,高齡懷孕堪稱圈中之絕。年過半百成功懷孕,兩公婆尤其係太太備受妊娠濕疹困擾陀 B 期間受了不少苦,好在去年七月順利剖腹誕下女兒小黃妃,如今15個月肥肥白白又精靈。

郭富城、劉德華過半百做老竇!盤點8位圈中老來得B男星

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地