愛回家
愛回家

愛回家|張景淳突然宣布暫別劇組 「龔水戀」啱啱結婚就要分開?

影視娛樂

廣告

《愛·回家之開心速遞》日前一連三集上演龔燁(張景淳飾)以及熊若水(呂慧儀飾)的「龔水婚宴」,誰不知熱情過後,張景淳日前突然在IG宣布龔燁將會暫時離開劇組,蜜月都未度就玩分開,唔係啩?

文:東方新地|圖:IG@cheungstanley、東方新地圖片

啱啱先結婚⋯⋯(圖片來源:IG@cheungstanley)
啱啱先結婚⋯⋯(圖片來源:IG@cheungstanley)

張景淳深夜直播暫別劇組

張景淳日前突發在IG真播同網友傾偈,正當大家蜂擁而上去恭喜他與熊若水新婚之時,他突然自爆暫別劇組。事源有網友問龔水遲啲會唔會有生B嘅情節,按照一貫演員不劇透嘅作風,張景淳理論上大可以「開放式」回答,但今次佢竟然斬釘截鐵地說:「probably not(大概唔會)同埋龔燁遲少少會有一段時間休息。」其後有人追問情人節會否再有「龔水」的劇情時,張景淳再令網友失望:「應該唔會有……希望……希望可以快啲又見返。」

愛回家
(圖片來源:IG@cheungstanley)

及後又更正

長達超過一小時嘅直播,張景淳被問到是幾時重返劇組的問題,一律都答「唔知道」,而且語氣略帶無奈,亦冇交代原因,只係話:「我知道你哋好多人會好傷心,包括我自己,我希望一切都會得到解決,同埋盡快返嚟。」及後張景淳再接受傳媒媒訪問時就更正,表示「龔水」在農曆新年的劇情中會有主線,2月份亦有戲份,只是2月14日情人節後的集數仍未收到劇本,並強調沒有被調離組,呼籲大家耐心等待,而相關的IG直播片段亦已被移除。

原來係虛驚一場!(圖片來源:IG@cheungstanley)
原來係虛驚一場!(圖片來源:IG@cheungstanley)

受「遲到王」牽連

其實今次有關張景淳「暫別」令網民信以為真,或者與之前《愛回家》「遲到王」事件有關。早前有報道指,無綫高層曾勵珍(珍姐)聞得《愛回家》劇組經常有人遲到、工作懶散及顧住食嘢,消息更稱兩大「遲到王」矛頭更直指「龔燁」張景淳及「大小姐」林淑敏,令珍姐震怒,直衝錄影廠鬧爆其中一位「遲到王」。雖然張景淳事後否認遲到,但他到今亦未正式回應過是否被珍姐訓話,所以他自爆「暫別」《愛回家》,不難令人誤會兩件事有直接關係。

到底張景淳係咪「遟到王」呢?(圖片來源:IG@cheungstanley)
到底張景淳係咪「遟到王」呢?(圖片來源:IG@cheungstanley)
張頴康發最後通牒 唔怕得罪無綫 預告做唔到男一選擇離巢
TVB助理總經理(戲劇製作)珍姐曾勵珍。(圖片來源:東方新地照片庫)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:IG@cheungstanley、東方新地圖片資料或影片來源:原文刊於東方新地