大整蠱
大整蠱

大整蠱│阿Bob心臟有事玩飄移 見假總理on fire飛撲救火 一額汗:好彩冇心臟病發!

影視娛樂

廣告

無綫改革後新節目之一的《大整蠱》,首播已經大製作,扮錄影慈善籌款節目,搵特技人扮總理,製造出飛車、爆炸及著火場面,而被整主角就是阿Bob林盛斌。出名轉數快識執生的阿Bob果然臨危不斷,坐上飄移快車鏡頭前扮鎮定,見到假總理著火竟先拖走馮盈盈,再撲上前除西裝救人,不過事後網民指阿Bob通過波仔,今次真係搵命博……

撰文:東方新地│圖片:TVB電視載圖

阿Bob
阿Bob咁精靈,估唔到會再次被大整蠱。
阿Bob
無綫搵來兩位特技人扮總理。

阿Bob再成為整蠱對象

《大整蠱》節目第一集就整蠱阿Bob,阿Bob被整蠱早有前科,他在13年《玩嘢王》被一場假婚禮整蠱過之後,竟然成為人氣婚禮司儀,並在同年賺了2千萬,於是無綫決定捲土重來,再次整蠱Bob。無綫將整蠱行動特別包裝成籌款節目環節,由阿Bob與馮盈盈擔任主持,見證兩位總理以高難度飄移和甩尾賽車籌款。

阿Bob
去年港姐亞軍陳楨怡坐上假總理的車飄移,點知飛甩口罩又大叫不適,未能繼續參與拍攝。
阿Bob
監製要搵人頂,上車飄移,阿Bob與馮盈盈二選其一,阿Bob拍心口爭住頂。

阿Bob得個樣

先有陳楨怡扮飄移後感到不適,臨時拉伕由阿Bob頂上,由於特技人故意扮唔熟手,Bob嚇到全程面容扭曲,非常搞笑,一落車即話自己其實好驚飄移甩尾。

阿Bob
阿Bob其實非常緊張,幾個下巴出晒來。
阿Bob
假總理最後炒車撞旗。

馮盈盈上前問候

阿Bob曾經因心臟有事入院通波仔,今次在不知情下要坐車飄移,其實風險甚高,拍檔馮盈盈雖然是幫兇,但她亦驚阿Bob心臟負荷不到,其間曾上前問候。

阿Bob
阿Bob終於講出心底話。
阿Bob
馮盈盈驚佢心臟有事,阿Bob仲死撐話通過波仔咋嘛!

救完盈盈再撲火

後來,兩位假總理挑戰飄移保齡球比賽,其中一名總理的車輛突然冒煙,總理更因賽車著火而成為火人,更一步一步走近舞台。阿Bob見此即時護住馮盈盈叫佢「走呀!」,又大叫報警、拿滅火筒救火等等。阿Bob見馮盈盈嚇到腳軟跪低,即時將她拖到安全地方,跟住再除去西裝外套向「總理」身上撲火。

阿Bob
見總理身上著火,阿Bob叫大家「走呀!」
阿Bob
阿Bob一心拖走馮盈盈,不過混亂中反而把她拉倒在地上。

變成救人英雄

阿Bob雖然非常慌張,但他依然落力救火救人,總理身上的火被撲熄後,他即上前慰問,更緊張到爆粗。

阿Bob
阿Bob仍然緊張「總理」的安全,上前慰問又叫人遞上食水降溫,當他見到攝製隊仍然繼續拍攝,一度出言阻止…
阿Bob
最終由馮盈盈揭盅被大整蠱,阿Bob見到大大張Banner寫上:「我真係整蠱你」時,嚇到呆足十幾秒。
阿Bob
阿Bob深陷險境,嚇到飆晒冷汗,事後只抽到20蚊的愚人利是。

網民擔心阿Bob

無綫大整蠱阿Bob雖然大成功,不過網民睇完就覺得件事後果可以好嚴重,因為阿Bob心臟曾經有事,而阿Bob亦有回覆網民,阿Q的他還說好彩冇心臟病發。

阿Bob
網民叫阿Bob要小心。
阿Bob
阿Bob親自回覆網民。
阿Bob
另外,有網民睇到阿Bob危急下拖跌馮盈盈,阿Bob仲笑指馮盈盈對腳畀佢搞到損晒!

睇吓阿Bob點樣被大整蠱

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地