森美
森美

回家|森美重遊葵盛西邨感觸落淚 竟惹網民負評狠批肉酸

影視娛樂

廣告

本月初剛踏入49歲的森美童年於葵盛西邨長大,TVB一連十集的特備節目《回家》每集邀來不同的演藝界嘉賓或名人,以單元故事介紹全港各區特色公屋,回味充滿人情味的「屋邨生活史」,第一星期的嘉賓就有來自葵盛西邨的森美。

《回家》森美重遊葵盛西邨

森美成長於葵盛西邨,父親任職消防員,曾就讀聖方濟愛德小學以及名校聖士提反書院、喇沙書院和新亞書院等學校,會考以25分(1A5B)畢業進入中大。森美笑稱成條葵盛西邨都係「自己屋企」 ,去到屋邨每一處均能撞到老友。

回家 森美街童上身,回到成長地完全沒有陌生感覺!
森美街童上身,回到成長地完全沒有陌生感覺!(圖片來源:TVB《回家》節目截圖)
回家 森美同一班街坊打成一片。
森美同一班街坊打成一片。(圖片來源:TVB《回家》節目截圖)

「以前喺東村食意大利粉已經覺得快樂,依家你要去意大利先覺得快樂」、「最好味唔係雪條,而係呢度嘅人情味」

回家 森美去買雪條。
森美去買雪條。(圖片來源:TVB《回家》節目截圖)
森美 回家 又買埋雞尾包。
又買埋雞尾包。(圖片來源:TVB《回家》節目截圖)

分享「籮柚夾雞尾包」大法嚇親街坊

對昔日時光暢所欲言的森美除了大談頑皮史外, 更搞笑地分享了獨特的「籮柚夾雞尾包」食法,搞笑的他大街大巷拿著新鮮出爐的雞尾包起勢坐扁,並大談提升好味秘訣,令現場街坊笑至合不攏嘴。

森美 回家 「籮柚夾雞尾包」,係童年嘅智慧!
「籮柚夾雞尾包」,係童年嘅智慧!(圖片來源:TVB《回家》節目截圖)
森美 回家 起勢坐扁!
起勢坐扁!(圖片來源:TVB《回家》節目截圖)
森美 回家 更加好味。
更加好味。(圖片來源:TVB《回家》節目截圖)

獲贈「金絲貓」與小朋友鬥一番

製作組每集均會向嘉賓獻上「回憶小心思」,首個星期的嘉賓謝君豪及森美分別獲贈「武林秘笈」及「金絲貓」,森美更拿著小時候恨到流晒口水的「金絲貓」,與現居葵盛西邨的小朋友「熱鬥」一番,不少小朋友見到森美「玩虫虫」雖嚇至高聲尖叫,但又躍躍欲試!

回家 森美向今時今日的屋邨小朋友介紹「金絲貓」的玩法,新一代都感到非常新奇!
森美向今時今日的屋邨小朋友介紹「金絲貓」的玩法,新一代都感到非常新奇!(圖片來源:TVB《回家》節目截圖)
森美 回家 「金絲貓」這蜘蛛科生物,不織網而擅跳躍,通常顏色鮮艷,性兇猛好鬥,本名叫做「豹虎」,係八十年代小朋友的消閒玩物。
「金絲貓」這蜘蛛科生物,不織網而擅跳躍,通常顏色鮮艷,性兇猛好鬥,本名叫做「豹虎」,係八十年代小朋友的消閒玩物。(圖片來源:TVB《回家》節目截圖)

森美回憶湧上心頭感觸落淚

森美在重踏昔日玩樂之地時,提到自己在𨋢口位置踢波踩單車的經歷,忽然回憶畫面湧上心頭,本來一臉喜悅的他瞬間感觸落淚:

回家 走入屋邨的走廊,想起成長點滴,森美感觸落淚!
走入屋邨的走廊,想起成長點滴,森美感觸落淚!(圖片來源:TVB《回家》節目截圖)
森美 回家 在屋邨走廊、電梯口踢波踩單車,係好多屋邨小朋友的回憶!
在屋邨走廊、電梯口踢波踩單車,係好多屋邨小朋友的回憶!(圖片來源:TVB《回家》節目截圖)

原來森美兒時試過喺屋邨街市走失、唔見咗阿媽,佢又重回舊居嘅樓層,一度感觸落淚。森美更憶起當年浪漫暗戀青蔥史,以前每日早上坐巴士,成日偶遇一個女仔,森美笑指當時同自己講「如果聽日仲見到呢個女仔便主動表白」,結果第二日對方真係出現,不過有個男仔同佢一齊返學!「其實應該早啲,可能早啲講,個男仔就冇機可乘。」

森美笑說:「大個再諗起,可能嗰個係佢阿哥呢!而家記住唔好放棄任何機會,就算有男仔出現都好,同自己講『係佢阿哥』,然後行埋去喺男人面前(同女仔)講『我而家追你,佢係你阿哥』。」森美鼓勵而家青春少男大膽示愛,切勿錯過表白嘅機會。

有網民狠批:小小嘢就喊苦喊忽

不過森美感性的一面就有人讚有人彈,有網民表示:「感性嘅人,都好難係衰人」,有網民就話:「男人太感性就是肉酸,小小嘢就喊苦喊忽」等等,亦有網民重提森美曾經有次在節目睇見一個好靚的風景都睇到喊,話希望老婆在身邊陪他一齊睇,證明他本身個人一向都係好感性。

回家 森美 森美唔介意重提自己曾患抑鬱症。
森美早前上「熊館」接受熊仔頭訪問,重提自己曾患抑鬱症,更自爆未斷尾。(圖片來源:YouTube@FHProductionHK影片截圖)

相關文章:森美上「熊館」自爆抑鬱唔斷尾 舉中指做回自己

重溫森美隔空發表愛妻宣言 感觸流下男兒淚

森美一向很少公開談及太太,皆因太太Veronica(陳雅嫻)是圈外人,希望保護家人。不過在無綫節目《森美旅行團》中,森美曾罕有講出愛妻宣言,仲感動到流下男兒淚!連心穎都忍唔住話:「好Sweet啊!」

回家 森美
該集節目講到森美同心穎體驗S.U.P(立式划槳)課程,沿著北十間川小運河,划到東京晴空塔看日落,還幸運地遇上雙彩虹的意外驚喜!超・級・浪・漫!(圖片來源:TVB《森美旅行團》截圖)

森美心穎遇上雙彩虹

森美試玩前,還教大家追女仔:「追女仔時不要只整天想著要送物質的東西,最好是送她一段經歷,因為人對於物件的記憶力很短暫,但對於經歷的記憶卻很長!」不知森美又送過幾多段經歷給太太呢?

森美 回家 日落加上雙彩虹,兩人當時都感嘆為何伴侶不在身邊!
日落加上雙彩虹,兩人當時都感嘆為何伴侶不在身邊!(圖片來源:TVB《森美旅行團》截圖)

森美感性發表愛妻宣言

體驗過後,森美更難得感性地發表愛妻宣言:「如果那一刻是跟太太來的話,我會很開心,我心裡想假如下次再同太太來的話,我未必會再這到這個日落,見得到日落,又未必可以見到彩虹,所以我覺得,愛情總是對方不在你身邊的時候,你才會發現自己其實很需要她。」說著說著,還感觸到流下男兒淚:

森美 回家
(圖片來源:TVB《森美旅行團》截圖)
森美 回家
(圖片來源:TVB《森美旅行團》截圖)

回家 愛妻號森美自嘲野獸 結婚廿周年罕有放出與太太合照閃 森美:用一張簡單的相片,交換再多走二十年
森美曾在結婚廿周年時,罕有放出與太太合照放閃。(圖片來源:IG@sammy903)
回家 森美 森美嫂Veronica的社交平台上只有少量與女兒的合照。
森美嫂Veronica的社交平台上就只有少量與女兒的合照。(圖片來源:IG@veronica_chan_hk)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:TVB《回家》節目截圖、YouTube@FHProductionHK影片截圖、TVB《森美旅行團》截圖、IG@sammy903、IG@veronica_chan_hk資料或影片來源:原文刊於東方新地