文記車仔麵
文記車仔麵

深水埗文記車仔麵唔收現金惹熱議!網民怒斥:連八達通都唔收太過份!

飲食熱話

廣告

香港有不少餐廳都不接受電子支款,只收現金,但最近就有間車仔麵店舖完全反其道而行,只接受支付寶、微訊WeChat等支付方式,不過此舉則引來一眾港人的不滿,更怒轟店家連八達通都不接受,實在太離譜!

深水埗文記車仔麵唔收現金惹熱議!

位於深水埗的文記車仔麵為區內人氣食店,有不少食客支持,門市經常爆滿。不過近日就有食客發現餐廳貼出告示:「本店不接受現金付款,只接受電子支付(支付寶Alipay(香港)/微訊錢包WeChat Pay(香港)/Visa/Master/PayMe)敬請見諒」,此舉惹來事主的不滿同時於Facebook「香港茶餐廳及美食關注組」發帖大鬧:「文記車仔麵唔收現金,堅定流?違唔違法?」。

文記車仔麵
(圖片來源:Facebook@香港茶餐廳及美食關注組)
文記車仔麵
(圖片來源:Facebook@香港茶餐廳及美食關注組)

網民怒斥「唔再幫襯」

此帖有逾千名網民關注及留言討論,網民紛紛炮轟餐廳不收現金的行為令人非常不便,「姐係唔做街坊生意啦」、「即係唔俾孤寡老人家食」、「咁如果我食完,個袋得八達通同港幣,係咪會報警處理?已經犯左法?」。另有網民指可以接受不收現金,但就指連餐廳連八達通付款都不接受,實在有點說不過去,「八達通都冇?即係完全唔做香港人生意?」、「講明唔收cash都算,但係連八達通都唔收就真係」、「八達通都冇?好X過份喎 ,收皮啦」、「八達通吾收就那過了,香港人一定有一張八達通有啲多過一張添」、「我係老細都唔想收現金,埋數又有機會出錯,又有機會俾人穿櫃桶底或者打劫,不過佢冇八達通就爭啲,而家全香港有邊個冇八達通先?」。

文記車仔麵
(圖片來源:《新しい王様》劇照)

更有網民指餐廳參考大陸而只收電子支付方式,狠批「變大陸了」、「好學唔學學埋大陸人啲嘢」。有網民怒斥不會再光顧該間餐廳,「食過一次,唔會再幫襯」、「啱既因為冇香港人會幫襯」、「唔收現金!唔收八達通!我一定唔會去幫襯了」、「多謝告知,一定唔會幫襯」。

關鍵詞
飲食熱話
圖片來源:Facebook@香港茶餐廳及美食關注組、《新しい王様》劇照資料或影片來源:Facebook@香港茶餐廳及美食關注組