Viennetta千層雪糕出焦糖脆餅味＋朱古力味！2款全新味道 破格出大波浪版本

撰文、攝影：艾菲｜圖片來源：Viennetta HK、香港雪糕關注組

Viennetta「焦糖脆餅味」＋「朱古力味」千層雪糕全新2款口味！

便利店率先發售$35/盒

「Viennetta雪糕甜品，一層層的香滑雪糕，加一層層的香脆朱古力，每一片都令你無法抗拒。」這把磁性旁白聲，加上懷舊經典廣告片，勾起一眾80、90後的童年回憶！自去年Viennetta的3款經典口味雪呢嗱、香橙及薄荷味回歸香港後，這款雪糕再次捲起一場熱搶潮，人人打卡搶購試食，再次證明Viennetta在雪糕界地位！事隔一年終於有新口味啦！分別為焦糖脆餅及朱古力味，由Circle K便利店特價發售，9月6日至9月12日仲要至抵價$35一盒！

消息一出，已經引來不少網民的興趣，並表示：「終於唔洗再食橙味的朱古力，很期待！」也有雪糕迷已經率先一試，覺得兩者都有驚喜！

記者試食朱古力及焦糖脆餅味！

今次記者率先試這2款口味，從包裝上2款都沿用過往的畫風，打開後同樣有托盤盛裝著千層雪糕。

焦糖脆餅 破格傳統大波浪紋！

賣相：焦糖脆餅從橫切面看，整個雪糕感覺沒有以往厚身，相對較扁。打破了傳統的細波浪設計，採用大波浪紋做成，再加上表面的雲呢嗱雪糕所佔比例也較多，導致千層效果不夠突出。

味道：食落後果然不出所料，夾層的烘焙焦糖脆片略少，口感單一。幸好表面的焦糖脆餅粒粒充足，香口脆身，焦糖味濃烈，加分！整體感覺稍甜，大波浪紋破壞了原有的千層口感，少許失望。

朱古力味有驚喜！完全食不停口

賣相：在6月推出的朱古力味，是傳統的細波浪紋，配上層層的朱古力脆片。而今次這款三重朱古力味內夾雜了朱古力雪糕、白朱古力雪糕及朱古力脆脆。

味道：用刀切下已經聽到清脆「擦！」一聲，聲音好治癒！食落夾層間至少有3至4塊朱古力脆片，口感滿分，童年回憶即時湧現，食到當年多層的效果，好滿足！整體味道，白朱古力味相對偏淡，朱古力雪糕濃而不膩，整體感覺十分好，會再Encore！

• Viennetta 焦糖脆餅及朱古力口味
• 售賣點：Circle K （部分分店發售）
• 優惠日期：9月6日至9月12日
  價錢：原價$50；優惠價$35
• Facebook專頁：Viennetta HK