尖沙咀K11 MUSEA Velo Italian Bar&Grill推$298半自助餐 任食燒牛扒+凍海鮮+11款甜品|自助餐我要
尖沙咀K11 MUSEA Velo Italian Bar&Grill推$298半自助餐 任食燒牛扒+凍海鮮+11款甜品|自助餐我要

尖沙咀K11 MUSEA Velo Italian Bar&Grill推$298半自助餐 任食燒牛扒+凍海鮮+11款甜品|自助餐我要

尖沙咀K11 MUSEA的 Velo Italian Bar & Grill最近推出半自助餐,只需$298就食到,有得任食燒西冷、燒春雞、凍海鮮、甜品、前菜等,陣容豐富。不夠飽,亦可加錢叫埋主菜,有10款選擇,如波士頓龍蝦意粉、烤三文魚、薄餅等,大胃王去到必定能夠食餐勁!

撰文:Rice|圖片來源:Rice、TL

尖沙咀 Velo Italian Bar & Grill推$298半自助餐

放假最開心當然是睡到自然醒,再約埋三五知己齊齊歎返個靚早餐才是最Perfect。位於尖沙咀K11 MUSEA的 Velo Italian Bar & Grill最近推出半自助餐,由11點開始供應到3點,可任食2小時。菜式選擇方面十分豐富,前菜有12款沙律及凍肉,凍海鮮區更有凍蝦、青口、蟹腳、翡翠螺4款,海鮮排列整齊,密密食密密Refill,鮮味十足!食完海鮮,就可到Live Station區,有食肉獸至愛的燒西冷牛扒及燒春雞,特別是牛扒燒得粉嫩,外沿焦香,內裏肉汁豐腴Juicy。再澆上以牛骨熬製一日的燒汁,更惹味。單看牌面已夠飽肚回本,但記得要留肚食甜品,選擇也有11款,Brownie、朱古力撻、松露芝士蛋糕、布丁、英式鬆餅等,甜品迷必定雙眼發光。

尖沙咀 Velo Italian Bar & Grill最近推出半自助餐,室內座位坐得寬落,夠舒適。
尖沙咀 Velo Italian Bar & Grill最近推出半自助餐,室內座位坐得寬落,夠舒適。
一進門口已是海鮮區及甜品區,排列整齊,很是吸引。
一進門口已是海鮮區及甜品區,排列整齊,很是吸引。
凍海鮮有4款,凍蝦、青口、蟹腳、翡翠螺,款款鮮味,海水味濃。
凍海鮮有4款,凍蝦、青口、蟹腳、翡翠螺,款款鮮味,海水味濃。

10款主菜!波士頓龍蝦意粉+烤魚+薄餅

大胃王若嫌不夠飽,只需最平$328就可享用自助餐區及包一款主菜,有10款可選,推介波士頓龍蝦番茄意粉,酸甜微辣,龍蝦結實彈牙;油封鴨髀油香肉汁緊緊鎖在裏油,油香四溢; 薄餅做得薄身,帶麥香。餐牌每2星期便會轉換一次,部份菜式需要加錢。若加$198,則可2小時任飲紅白酒及汽泡白酒。

波士頓龍蝦番茄意粉(需加)意粉彈牙微辣開胃。
波士頓龍蝦番茄意粉(需加$98)
意粉彈牙微辣開胃。
慢封鴨髀皮脆肉嫩,肉汁Juicy。
油封鴨髀
皮脆肉嫩,肉汁Juicy。
Pizza Margherita薄餅薄身,食落帶酸甜番茄香。
Pizza Margherita
薄餅薄身,食落帶酸甜番茄香。
加8可2小時任飲紅白酒及汽泡白酒。
加$198可2小時任飲紅白酒及汽泡白酒。

 

  • 意式半自助早午餐
  • 供應日期:即日起至另行通知
  • 供應時間:11am-3pm
  • 價錢:星期一至五 $298/位、 自助餐加一款主菜 $328/位(部份菜式需額外加錢);星期六及日$328/位、自助餐加一款主菜 $368/位

最新吃喝玩樂資訊