Uber Eats隱藏優惠公開！餐廳獎賞計劃＋獨家優惠碼 新用戶減$100
新冠病毒疫情又嚴重返，唔少人都開始Work From Home，再加上政府禁止晚上堂食，用App嗌外賣嚟醫肚絕對係方便又快捷之選。想嗌外賣嗌得精明啲，就梗係要識用盡唔同優惠啦～最近就發現Uber Eats有隱藏餐廳奬勵優惠，成日嗌外賣嘅話可以慳唔少㗎！睇到文末仲有新假期獨家優惠碼送比你，新用戶首次下單即可減$100，即睇詳情！
餐廳隱藏優惠 嗌夠指定次數即送優惠
好多外賣App都淨係會推出免運費又或者其他折扣優惠，而Uber Eats嘅隱藏優惠—餐廳獎勵計劃，只要喺有登記嘅餐廳嗌滿指定次數，就會有唔同嘅優惠獎賞，部分餐廳最高仲可以慳到$50㗎！
不過Uber Eats入面咁多餐廳，點先知邊間餐廳有參與獎勵計劃？只要見到餐廳右上角有紫色鑽石圖案，就代表佢有參與獎勵計劃。想更加方便快捷咁睇晒所有餐廳嘅話，大家只要喺「搜尋頁面」選擇「餐廳獎勵」(Restaurant Rewards)，就會一次過顯示晒所有參與餐廳㗎喇～呢個隱藏餐廳獎勵計劃啱晒成日喺同一間餐廳嗌外賣嘅朋友，勁快就可以儲夠指定次數換優惠呀！
即嗌即用 超方便功能睇盡所有優惠
Uber Eats大大話話都成逾千間餐廳，要搵邊間餐廳有優惠咪好麻煩？咁你就錯啦！只要喺「搜尋頁面」選擇「最新優惠」(Latest Deal)，就可以一眼睇晒所有餐廳嘅即嗌即用優惠，無論係免送餐費優惠碼定滿額折扣優惠都可以一目瞭然，咁就唔使盲舂舂咁周圍搵餐廳優惠啦！
新假期獨家優惠碼「WWNEW」 新用戶限定減$100
見到Uber Eats咁多優惠係咪都心動呢？一於趁而家要成日嗌外賣嘅時期登記做會員，再用埋新假期獨家優惠碼即可享$100折扣優惠！由即日起至2020年8月31日，Uber Eats新用戶只要輸入優惠碼「WWNEW」，首單外賣即享$100減免優惠！不過要注意，大家一定要喺付款前輸入優惠碼先可以享用優惠，而$100折扣只限於減餐費，用戶須支付送餐費及其他有關費用。
