Porterhouse母親節Brunch放題！任食即開生蠔＋狂掃和牛＋凍海鮮＋Gelato雪糕｜自助餐我要
廣告
Porterhouse是中環蘭桂坊人氣扒房，推出的Brunch自助餐大受歡迎，當中可任食和牛、烤肉、生蠔、凍海鮮、甜品等，一聽便知道是食肉獸的天堂！即使在母親節，餐廳Brunch自助餐也沒有特別加價，維持每位$480就歎到，美食加媽媽笑容，抵晒！母親節還未想到哪慶祝，不妨考慮下！
撰文：新假期編輯部｜圖片來源：新假期資料室、官方圖片
中環蘭桂坊推任食Brunch 母親節不加價$480/位
Weekend brunch是近來趨勢，而位於蘭桂坊的Porterhouse，這間打正旗號賣靚扒的扒房，推出的Brunch很抵食，採全自助形式，所有食物都放在一字形長吧枱上：單是前菜冷盤已有10多款，芝士都約有四、五種，還有自選的沙律呢！至於凍海鮮就吸引，有齊開邊波士頓龍蝦、龍蝦鉗、鱈場蟹腳、翡翠螺、新西蘭青口、加拿大蜆、大蝦等，望上去都鮮美吸引。另外還有即開生蠔，質地爽甜，正！
必吃烤雞＋慢煮和牛牛舌
打正旗號是食肉獸自助餐，重頭戲當然是各式烤肉，每星期供應不同。最推介法國烤雞及澳洲和牛牛臀腰肉。烤雞指明用1.5kg 的法國雞，吃起來啖啖肉，不嚡不韌，又帶少少煙燻風味。至於豬腩，肥瘦相間，先醃一日，再風乾一 日，令外皮香脆。重點推介的牛腰肉，先以濕式熟成，並慢煮10-11小時至三至四成熟，最後入爐以香草 15-20分鐘，肉質幼嫩，非常 juicy，極之搶手，難怪日銷廿多公斤。烤肉以外，亦有幾款熱盤：煮牛舌、肉醬寬條麵、泰式鱸魚。當中牛舌最好味，大廚將澳洲和牛牛舌慢煮6小時，再以自家醬汁慢慢燜煮，軟熟得來又保持 牛舌獨有的彈性。要留意，熱盤會不時更換款式。
先要慢煮10-11小時，當日早上再入爐烤香，牛肉非常軟嫩，又富肉香，可自選紅酒汁或青胡椒汁；前者香濃，後者惹味。
重1.5kg 的法國鷄，要預早兩日以香草、 蒜和煙紅甜椒粉等醃好，然後烤約半小時。雞肉鮮嫩入味，帶微微煙燻香味。
最後，別忘了留肚吃幾款甜品，蘋果批鬆化，肉桂香突出；而壓軸甜品Gelato亦很特別，選用意大利品牌Iscream，幼滑得來，質感濃厚，吃得非常滿足。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
