pizzahut Pizza Hut
pizzahut Pizza Hut

Pizza Hut香港推佛跳牆Pizza! 薄餅外賣都得 新年盆菜最佳代替品:海參+花膠+素翅 內附記者試食報告|開你個箱|新品速遞

飲食

香港Pizza Hut都出佛跳牆Pizza!話說台灣Pizza Hut最近頻頻推出創新口味Pizza,引起台灣人試伏外,更成功引起海外人注意!今次香港Pizza Hut仿效台灣,與本地海味專門店「斤両」合作推出佛跳牆Pizza,而且是新春限定,趁著疫情,是代替盆菜的不二之選。記者率先為大家開箱試食,並為Pizza評分,即睇呢個Pizza值幾多分啦!

Pizza Hut 香港限定佛跳牆薄餅 外賣速遞都有得食!

台灣Pizza Hut最近動作多多,推出多款2022年虎年必食創意批,例如摘星佛跳牆比薩、一圓好運龍蝦干貝比薩、威士忌牛排干貝比薩等等,一度引起回響,多人為佛跳牆Pizza開箱試伏,有人認為中西合壁很衝擊,有人說道食不完可以用來煲湯,有網民笑言這款Pizza一定激死所有意大利人!

pizzahut Pizza Hut最近的Pizza很有創意﹐台灣Pizza Hut於2022年1月推出佛跳牆Pizza,反應極好!
Pizza Hut最近的Pizza很有創意,台灣Pizza Hut於2022年1月推出佛跳牆Pizza,反應極好!(圖片來源:[email protected]必勝客 Pizza Hut Taiwan)
pizzahut 用料有小鮑魚、干貝、排骨酥、鳥蛋、海參、魚皮、香菇、筍乾、芋頭、mozzarella芝士、葱花辣椒等。
用料有小鮑魚、干貝、排骨酥、鳥蛋、海參、魚皮、香菇、筍乾、芋頭、mozzarella芝士、葱花辣椒等。(圖片來源:[email protected]必勝客 Pizza Hut Taiwan)
pizzahut 這款佛跳牆批對台灣人來說,十分衝擊,但感覺不錯!
這款佛跳牆批對台灣人來說,十分衝擊,但感覺不錯!(圖片來源:[email protected]雲爸的3c學園)
pizzahut 台灣售價為9大概0),有網民覺得價錢有點貴。
台灣售價為台幣$999(大概港幣$280),有網民覺得價錢有點貴。(圖片來源:[email protected]雲爸的3c學園)

如今輪到香港啦!香港Pizza Hut聯乘海味專門店「斤両」,來個「你出Pizza我出料」的合作,推出新春限定「玩轉佛跳牆批」,由1月27日至2月9日供應。用料與台灣有些不同,台灣用上等小鮑魚、珍味干貝、海參、排骨酥等;而香港沒有原隻鮑魚,轉為獨門秘製鮑魚汁、澳洲白石婆海參、金龍魚膠、雲南宣威火腿、花菇、素翅等。沒有鮑魚,也有花膠頂上,同樣吸引!

pizzahut 玩轉佛跳牆批9套餐升級價為)香港Pizza Hut趁著新年前首次推出佛跳牆批,限定日期為1月27日至2月9日。
玩轉佛跳牆批$239(套餐升級價為港幣$68)
香港Pizza Hut趁著新年前首次推出佛跳牆批,限定日期為1月27日至2月9日。(圖片來源:新假期編輯部)
pizzahut 今次批內的海味均由斤両供應,包括有金龍魚膠、澳洲白石婆海參、雲南宣威火腿、極品花菇,風散素翅,雞肉、mozzarella芝士及斤両的獨門秘製鮑魚汁。
今次批內的海味均由本地海味店斤両供應,包括金龍魚膠、澳洲白石婆海參、雲南宣威火腿、極品花菇,風散素翅,雞肉、mozzarella芝士及斤両的獨門秘製鮑魚汁。(圖片來源:新假期編輯部)

8位同事試伏報告 分數竟然好參差?

記者在開賣前率先收到玩轉佛跳牆批,並請來5位記者,以及《新假期》德高望重3大茶水部元老試食。身為食盡天下美/劣食的新假期記者,究竟呢個Pizza吸唔吸引到佢哋呢?即睇試食報告及評分!

德高望重3大茶水部元老 又名美魔女「牛頭角hotcha」

評分:10分

食評:最滿意花膠及一束束「魚翅」(其實是素翅),大塊兼抵食,冬菇海參也煙韌。醬汁鹹甜交雜,甜味居多,但食不出是鮑魚汁。十分足料,二百多元食到花膠,抵到爛。

pizzahut 3位茶水部元老「牛頭角hotcha」,大讚Pizza足料抵食,食個不停口!
3位茶水部元老「牛頭角hotcha」,大讚Pizza足料抵食,食個不停口!(圖片來源:新假期綿輯部)
pizzahut 素翅金黃剔透,好大束,絕不是只有一至兩條而已。
素翅金黃剔透,好大束,絕不是只有一至兩條而已。(圖片來源:新假期編輯部)

男同事1「食神唐牛」

評分:3.8分

食評:望落去好足料,但食落與普通Pizza分別不大。佛跳牆應該有好濃湯頭味,但食第一啖得鹹味,有食一件已經好飽的錯覺,感覺菠蘿Pizza會好食啲。原先想畀4分,0.2分扣在花膠有點韌。

pizzahut 男同事「食神唐牛」略為失望,Pizza不夠佛跳牆湯頭味道。
男同事「食神唐牛」略為失望,Pizza不夠佛跳牆湯頭味道。(圖片來源:新假期綿輯部)
pizzahut 花膠勁大件,不過感覺太韌。
花膠勁大件,不過感覺太韌。(圖片來源:新假期編輯部)

男同事2「食女狂魔手」

評分:6分

食評:咬一啖足料到跌出來,粉絲(素翅)量多,整體太鹹,是芝士的鹹味,素翅味道最好食,味道較淡能中和鹹味。

pizzahut 男同事2「食女狂魔手」覺得整體Pizza太鹹。
男同事2「食女狂魔手」覺得整體Pizza太鹹。(圖片來源:新假期綿輯部)

女同事1「屯門飢餓女」

評分:7.5分

食評:Pizza用料豪氣,菇味濃郁,海參爽口,食得出是佛跳牆Pizza,有創意!這款Pizza新年搞搞新意思,代替盆菜也不錯!唯一個人喜好,希望可以加菠蘿消滯。

pizzahut 女同事1「屯門飢餓女」是唯一估得中Pizza是佛跳牆口味,認為想法創新,值得加分!
女同事1「屯門飢餓女」是唯一估得中Pizza是佛跳牆口味,認為想法創新,值得加分!(圖片來源:新假期綿輯部)

女同事2「牛頭郭可盈」

評分:2分

食評:聞落很看,似芝士包味,入口芝士有種「好漿」感覺,口感一般。未食到菇已經滲出大量菇味,因為個人不喜愛中西合壁,加上不吃菇,所以感覺奇怪,不會再吃。

pizzahut 女同事2「牛角郭可盈」自己本身不喜愛中西合壁,十分傳統!
女同事2「牛角郭可盈」自己本身不喜愛中西合壁,十分傳統!(圖片來源:新假期綿輯部)
pizzahut 花菇切得細粒,不過足夠重味。
花菇切得細粒,不過夠重口味。(圖片來源:新假期編輯部)

女同事3「增肥魔童」

評分:8分

食評:芝士味濃郁,有拉絲感覺,表面足料,入口都幾夾。可以買這個Pizza化替盆菜,反正盆菜料都齊全,小眾食團年飯時可以試試!

pizzahut 女同事3「增肥魔童」正打算介紹親朋戚友新年食佛跳牆Pizza,代替盆菜。
女同事3「增肥魔童」正打算介紹親朋戚友新年食佛跳牆Pizza,代替盆菜。(圖片來源:新假期綿輯部)

平均分7.1,總結如下:

  • 大部分人讚芝士味濃郁,汁底鹹甜交雜,不過尚未有人食得出有鮑魚汁味
  • 最多人讚為素翅及海參,味道淡淡地,中和芝士膩感剛剛好
  • 唯一要改善的是花膠過韌
  • 整體鹹了一點,創意分搭救,有改善空間。

想聽更多評語,即上Facebook睇「開你個箱」試伏片啦!

  • Pizza Hut
  • 分店按此
  • 電話:2330 0000
  • 開售日期:1月27日至2月9日
  • 價錢:港幣$239
  • Facebook專頁:pizzahut.hk

圖片來源:新假期編輯部、攝影:Tony、[email protected]雲爸的3c學園、[email protected]必勝客 Pizza Hut Taiwan

最新吃喝玩樂資訊