Pizza
Pizza

PizzaHut搞放題?128蚊瘋狂食 Pizza

飲食

廣告

香港任食風氣成市,終於連 Pizza Hut都忍唔住搞返個放題玩下。近日 Pizza Hut就宣佈喺7月搞個限定任食優惠,128蚊有4款小食、6種 Pizza 加飲品任飲!聽完係咪想即刻落PizzaHut食餐勁呢?等等先,因為暫時得旺角銀城分店有得任食咋,千萬唔好去錯屋企附近嗰間呀!

呢一刻相信大家會提出一個問題,「老老實實,任食食啲咩先?」精明的各位當然想知係咩小食同咩 Pizza ,就算放題都要知抵唔抵食嘛!依家即刻話你知有咩款式!

4款小食包括:意式迷你腸、炸雞捧、肉丸、原味/辣味雞翼

6種 Pizza (不可轉批底):超級至尊(厚批)、烤雞至尊(厚批)、海陸精選(厚批)、超級夏威夷(芝心批)、香辣透惑(厚批)、千島海鮮(厚批)

可能你會話成個批2個人都未必食得晒,唔使擔心,因為Pizza係續件上,而且有個半鐘比你慢慢食!不過慢極都只係得個半鐘,因為今次優惠只設兩個時段,第一個係晚上6時至7時半,第二個係晚上8時至9時半。記者認為今次著數都幾大挑戰,因為呢間旺區的食店平時已經大排長龍,今次著數隨時惹來一班「可以食過萬蚊、叫154碗白飯」的朋友,喺門口齋等都飽。

還有提一提,如果有會員金卡仲可以打個9折,計計埋埋,係咁易食4件Pizza,再係咁易係幾隻雞翼,飲料杯汽水都算ok抵啦!

價錢:$128一位,需收取加一服務費
供應時間: 星期一至五,公眾假期除外,晚市 2 個時段適用: 晚上6點至7點半或晚上8點至9點半
分店地址:旺角西洋菜南街2A-2H號銀城廣場3/F
訂坐電話:2143 5818

延伸閱讀:

【巨型 芝士 漢堡包】輕鬆小熊陪我食Lunch @ The Diner

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..