少女最愛! Patisserie French Angel 出馬卡龍千層蛋糕
少女最愛! Patisserie French Angel 出馬卡龍千層蛋糕

少女最愛! Patisserie French Angel 出馬卡龍千層蛋糕

情迷法國追求浪漫嘅少女,見到呢款馬卡龍千層蛋糕實心都軟埋!網店Patisserie French Angel推出5款口味嘅馬卡龍加拿破侖千層蛋糕,口感非常豐富。外脆內軟嘅馬卡龍夾住酥脆嘅拿破侖,配上吉士忌廉及大量水果,tasty!店主仲要喺法國藍帶廚藝學院畢業,今次可以平民價都享受到高級蛋糕!

Patisserie French Angel 首創巨型馬卡龍蛋糕

網店提供芒果、藍莓、士多啤梨、朱古力香蕉、紅桑子5款口味,馬卡龍薄脆之餘,又唔會好膩,甜度適中,仲有拿破侖同吉士忌廉,酥脆又creamy,口感十足!蛋糕面唔單止有超過10個馬卡龍,顏色鮮豔,有金箔點綴,望落去非常高貴。

呢款蛋糕價錢都只係$240至$300,計返坊間一個馬卡龍都要十幾廿蚊,夾夾埋埋都買到一個馬卡龍蛋糕,仲要係非常足料!

馬卡龍加拿破侖千層蛋糕
馬卡龍加拿破侖千層蛋糕(官方圖片)

芒果馬卡龍千層蛋糕(4吋$240;5吋$270;6吋$300)

法式芒果馬卡龍千層蛋糕(4/5/6吋$240/$270/$300) 中間配上香草mousseline cream、芒果及果醬
芒果馬卡龍千層蛋糕(4/5/6吋$240/$270/$300)(官方圖片)

 

朱古力香蕉馬卡龍千層蛋糕(4吋$240;5吋$270;6吋$300)

法式朱古力香蕉馬卡龍千層蛋糕 (4/5/6吋$240/$270/$300) 中間配上朱古力mousseline cream及焦糖香蕉
(官方圖片)

紅桑子馬卡龍千層蛋糕(4吋$270;5吋$300;6吋$330)

patisserie french angel_rasberry
(官方圖片)

用料講究.黑朱古力松露蛋糕

話明法國甜品,材料都係要法國品牌。一個朱古力蛋糕好唔好味,好取決於用咩朱古力。呢間舖就選用法國朱古力老店Weiss的朱古力,口感柔滑,雖然朱古力濃度高,但亦唔會有澀味。市面上好多朱古力蛋糕都採用比利時朱古力,若果想有新嘗試,可以試下呢款朱古力松露。

呢款64%黑朱古力熱情果香蕉蛋糕,除了有朱古力松露,入面嘅蛋白海綿蛋糕都係用法國weiss可可粉製成,每層蛋糕都塗滿了用香蕉煮成嘅醬,然後蛋糕與蛋糕之間會夾一層熱情果忌廉。

DSC02284 copy
1磅$240;2磅$480(官方圖片)

大膽嘗試.榴槤咖啡慕絲蛋糕

少女都可以鍾意食榴槤嘅啫!人哋鍾意朱古力就有朱古力蛋糕,我鍾意榴槤都要有榴槤蛋糕。不愛榴槤者慎買,事關蛋糕中間雖然只係放咗一層薄薄嘅榴槤慕絲奶油,但味道濃郁,食起嚟非常香滑……加埋當中的咖啡慕絲,就好似飲咗杯榴槤咖啡。

貓出王榴槤咖啡慕士蛋糕 1磅$320;2磅$640
貓出王榴槤咖啡慕士蛋糕 (1磅$320;2磅$640)
(官方圖片)

一人浪漫.士多啤梨馬卡龍餅

唔想要king size馬卡龍,但又想買個大少少嘅,可以考慮一人份量馬卡龍餅。中size馬卡龍嘅好處就係餡料除咗cream,仲會有新鮮水果同果醬,簡直係馬卡龍千層蛋糕縮細版。

士多啤梨馬卡龍餅 $30
士多啤梨馬卡龍餅 $30(官方圖片)

皇家享受.伯爵茶千層蛋糕

應該唔少女都嚐過伯爵茶嘅香味,令人難以抗拒。試過LadyM嘅伯爵茶千層蛋糕,都可以試下呢款伯爵茶蛋糕。雖然冇咁多層,但口感依然豐富,有淡淡嘅伯爵茶味,一點都不膩。

伯爵茶歌劇院$30
伯爵茶歌劇院$30

清新口味.青蘋果焦糖慕絲

以上都係一啲較濃味嘅蛋糕,如果想食清新啲,呢個慕絲蛋糕相對上較醒胃。帶微酸嘅青蘋果配上焦糖,兩者中和酸甜度,恰到好處,所以唔會好滯。加上係慕絲蛋糕,入口即溶,整個配搭非常新鮮。

青蘋果焦糖慕絲蛋糕$30
青蘋果焦糖慕絲蛋糕$30

Patisserie French Angel

網站:http://www.patisseriefrenchangel.com/
訂購方法:Whatsapp63336071(蛋糕必須2前天預訂)
期間優惠:所有件裝蛋糕買十一件送一件(優惠期1/3/2016 – 1/6/2016)

最新吃喝玩樂資訊