聖誕食乜好｜Party壽司Set 入手攻略@Jetso文
人多必食Party壽司set 首選「大滿足壽司盛」
個人覺得最吸引一定係「大滿足壽司盛」，一盤40件，有晒三文魚腩、油甘魚、螺片、三文魚、赤海蝦、帆立貝、長鰭吞拿魚同蒲卷鰻魚，齋聽都feel到有幾豐富。每款有5件，人人都食到心頭好。20/12前落單，有9折，如果搵埋元気會員幫手最平可獲8折，慳足$85！計番會員價，當5個人食，最平每人除返都係六、七十蚊，就有8件，係咪好介紹先？
壽司如其名，大滿足呀！
（原價 $425，20/12或之前訂購，元気會員 $340、一般客戶 $382.5）
帆立貝夠大隻又厚身，脹卜卜，好肥美吧！
有三文魚及三文魚腩兩款，後者一定係必搶之選，入口魚油甘香，正！
再度發育男生 啱食「經典壽司卷物盛」
大堆人開Party預食物份量好緊要，女仔為主，胃口細，就可以食得精緻點，來個「極上刺身盛」就最好。二百零蚊，食到6款刺身，淺嘗最滋味，又唔怕太飽！相反如果男生多，仲要係第七期再度發育嗰款，就最好點「經典壽司卷物盛」喇！單是好有份量的三文魚加州卷都有8大件，仲有三文魚、熟帶子、北寄貝、蒲燒鰻魚、玉子咁，夾埋成32件，會員訂嘅話最平$217.6有交易，每件都係$6.8，抵食兼飽肚。
大大盤，32件，會員價都只係六、七蚊件，男生們盡情食吧！
（原價 $272，20/12或之前訂購，元気會員 $217.6、一般客戶 $244.8）
三文魚加州卷份量十足：玉子、蟹柳、青瓜、蟹子、三文魚，一啖食唔晒喎！
經典嘅北寄貝壽司，色澤鮮明，望見就想食。
怕悶要試 「派對卷物盛」
元気係特別多招牌壽司卷物的，我次次去都會食元気卷。今次見佢哋嘅「派對卷物盛」不但有元気卷，仲有芝士鰻魚卷，聽個名已經估到入口好creamy。另外仲有香甜鰻魚，同好香口嘅炸蝦卷𠻹！如果Party中有小朋友，更加要叫呢個set，因為有佢哋啱食嘅蟹柳卷同青瓜卷，咁就大人細蚊仔都可以齊齊歎喇！
包含多款招牌卷物嘅「派對卷物盛」都係二百零蚊就有50件，大人小朋友都啱食。
（原價 $272，20/12或之前訂購，元気會員 $217.6、一般客戶$244.8）
香甜鰻魚、creamy芝士同青脆青瓜，配搭極好。
用三文魚捲住三文魚皮同青瓜嘅元気卷，係好多人去元気開餐必食嘅招牌卷物。
蕨餅！蕨餅！蕨餅！ 重要的事要講3次
無論訂邊款，有兩件事一定要記住。第一，記得要喺20/12前網上落單，就有9折優惠；如果係元気會員，就有8折𠻹！第二件事，記得上網訂購揀優惠組合就等如加$88有埋「京宇治抹茶蕨餅」，每客有15件，咬開軟腍腍，仲有黑糖餡，甜而不膩，女仔最like。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
