Omakase素食者點算？要求壽司全走魚 日本VS香港 處理手法大不同｜飲食熱話

素食者食Omakase 要求壽司全走魚？

近日網民在Facebook「香港 Omakase おまかせ關注組」討論區發帖，樓主直接向討論區內的Omakase廚師提出疑問，「想問下會點對付啲客上嚟食壽司Omakase但又唔食魚嘅客呢？真心唔明可以點出！」帖文一出，即惹起討論區內網民熱烈討論「食Omakase要求壽司全走魚的要求」是否合理，有網民直造「見過客人食素，師傅整到俾佢」、「我都試過帶素朋友去食，有幾間都肯做，用菇+菜+蛋做各種料理都不錯」，但亦有網民指出「身邊有個朋友其實唔like魚生，有同店方講唔係好食魚，但食貝類、蝦類、同八爪魚魷魚之類，但店方完全冇理，照出同其他人一樣的。」服務態度差劣。

更多詳情：蔡瀾狠評「Omakase當客人是笨蛋」一語道出 香港廚師發辦之重點

網民：唔食魚去食壽司，不如去茶樓飲茶咪算囉

不少網民留下辛辣的評論：「其實廚師發辦嘅定義唔係廚師安排咩？ 如果自知乜都敏感乜都唔食，我唔會去食Omakase，我覺得咩全走魚個啲係唔尊重」、「去清真寺食豬肉咁嘅心態」、「壽司唔係剩係得魚，但唔食魚就咪鬼去餓媽家姐喇，去茶樓飲茶咪算囉」及「這樣的客人需要考慮自己是否適合去吃壽司」等留言，認為「呢啲人嘅來意多少都有心刁難店家」，更見過有店家會「請客人過主」，寧願唔做西客生意。

訂位前做好溝通 處理問題是師傅責任

當中有網民以日本和香港食Omakase的經驗作比較，「好多留言都話係咪唔食魚去食omakase就係搞事、刁難，當然如果你唔食生野但係又去食壽司係有啲極端，畢竟壽司大部分都係生食。預約之前問過店家，可以轉走魚咪預約，唔得咪唔食，唔使覺得一定係搞事嘅」、「好嘅餐廳都會首先係訂位時問清楚左客人禁忌，就知道自己接唔接到呢份單，溝通好應對方案，亦未嘗不可」。

有討論區的資深網友更表示「唔食魚，都有好多其他嘢可以整嘅啫，只係你唔諗，唔係冇。魚生以外，大把嘢可以整」、「類似嘅問題唔係第一次，今次只係唔食魚都仲可以甲殼類、軟體類、肉類、玉子同素菜類，如果極端嘅就真係食素，前提都係唔好要求計過價錢，而且最好訂位前同溝通好」，相信只要店方和客人事前溝通好菜單上所作的更改，機靈的料理師傅能夠有充足時間備料、做好準備，絕對可以讓客人吃得稱心滿意！