oasis 日本雜貨 廚具 零食 灣仔
oasis 日本雜貨 廚具 零食 灣仔

灣仔OASIS 3層高日本雜貨店!廚具+零食+藥妝+Café|灣仔百貨|

飲食

廣告

日本零食雜貨控注意,日本雜貨店OASIS,聖誕又有新搞作!於12月10日起新推聖誕限定日本威士忌雪糕,以日本竹鶴威士忌調成的糖漿,再配上香甜軟滑的牛奶軟雪糕,威士忌愛好者絕對不能錯過!同場亦推出豐富的聖誕晩餐和多款聖誕精品和零食。即睇詳情!

撰文:Sakura 攝影:Fion

聖誕限定 日本威士忌味軟雪糕

位於灣仔的O-ASIS佔地三層,集生活百貨、餐飲丶雪糕等於一身,其中底層salad & Juice bar,於12月10日起推出香港少有聖誕限定版,日本威士忌味軟雪糕,口感較輕柔的日本竹鶴威士忌貼近香港人口味,插上裝有威士忌滴管,可隨個人口味滴威士忌糖漿,帶有陣陣威士忌味香味,入口香滑的雪糕,混合清新的酒味,味道更為相得益彰。

聖誕大餐+紅絲絨玫瑰拿鐵

1樓O-ASIS Café於12月1日起,推出豐富的聖誕晩餐,大廚特意以火紅聖誕為主題,特別設計了多款期間限定的菜式,當中有海鮮飯、黑糖流心班戟及最吸睛的紅絲絨玫瑰拿鐵,一起歡度聖誕。

OASIS大型日本雜貨 3層大解構!

OASIS前身是同址的Lohas Pro,過去只有一層舖位,同樣主打日本進口雜貨,店家在當地有買手,貨品款式緊貼潮流,像新款零食每隔一個星期多便有貨到港兼上架!最近樓上兩層終於完成裝修,升呢後改名為OASIS,三層的日本雜貨究竟賣咩?

第一層:日本水果+沙律果汁輕食吧

日本水果人見人愛,不少朋友即使不到日本,都會到超市、果欄買來送禮自用。OASIS底層的 salad & Juice bar 就售賣各式時令水果,也有每日鮮製的沙律輕食,甚至採用靜岡出產有機抹茶製作的軟雪糕。

Salad吧也有時令水果製成的鮮榨果汁和特飲。

另有多款新鮮製作的沙律,可以Grab & Go作為午餐,專為附近的打工仔而設。

還有以日本牛乳和靜岡抹茶製作的雪糕,亦是底層Food Bar 的主打產品,質感濃稠,證明牛乳落得足,好Creamy,抹茶味也很甘甜。

第二層:日系 Café +日本零食、食材+酒類

上一段小樓梯,第二層則主打自家入貨、日本產地直送的食品,包括零食、冷凍食品、飲料,甚至一些日本酒都有得賣。

日本直送零食,絕對是OASIS的強頂,他們有駐當地買手,有甚麼大熱產品食材,往往在日本開售 7-10 日內便可速遞到港 ,緊貼潮流。而零食款式眾多,分門別類,整齊放在陳列櫃上,光是薯片都可以自成一區!

另有凍櫃,放有不少新奇少見的日式急凍食品。

另一邊會有Café,主打和洋西餐、咖啡店輕食,女生最愛的All day breakfast、芝士牛扒牛角包都有得食,最啱掃完貨坐低抖抖兼醫肚。

第三層: 包羅萬有!生活雜貨 必睇日本廚具+藥妝

再上一層!2樓主打日系生活雜貨,售賣的產品更多,由個人護理、精品擺設、廚具家品、至到嬰兒用品、寵物用品等都有,無論喜愛日式器物的文青們,抑或想買藥妝的少女們,甚至愛寵物的主人們,也有來這裡Shopping的理由!此層設多用途工作坊,定期舉辦各種特色工作坊,如茶道、煮食工作坊,更可以作包場活動使用。

另一邊主打日系和風的廚具,煮婦們見到一定心心眼,買到失控!

同場也有不少卡通主題的杯碟家品,小丸子、姆明、Hello Kitty、Line Friends應有盡有。

臨近狗年,店內另一邊就有柴犬系列的日用品,狗奴及柴柴Fans要買。

也有日系的酒杯酒具可供選購。

另一區就有大量廚具用品及煮食小幫手,連Tokyu Hands先買到的生果刀都買到!

再行入啲,又有另一個食品雜貨區,今次就主打杯麵、醬料、罐頭及即食意粉醬等類別,同樣看得人花多眼亂,樣樣都想買!

第二層的最盡處就有女生最愛的藥妝部,面膜、潤唇膏、染髮劑、洗頭水、沐浴露⋯⋯乜都有!女生們記得帶夠錢來!

也有小量文具,這款花瓣貼紙,去年櫻花版在日本買到斷市!這裡就有另外兩款花瓣版本。

也有寵物用品、寵物衣服、零食,各位奴才係時候買嘢孝敬家中主子了!

最後還有嬰兒用品,小餐具、口水肩、食物盒,甚至衫仔鞋仔都有得賣,啱晒各位家長。

O-ASIS
地址:灣仔莊士敦道141-147號D舖(顯示地圖
電話:2239 2511
營業時間:11am – 10pm
Facebook:OASIS Hong Kong

延伸閱讀:
【開倉掃貨】限時五日 灣仔家電3折起開倉!過百款大型電器家品:暖風機+雪櫃+焗爐+直髮夾 |灣仔開倉

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..