聖誕大餐食乜好? Kim’s Spoon 75cm韓式鐵板 1++級韓牛肉眼扒~芝士炒雞肉
撰文：Joan、攝影：Issac
&feature=youtu.be
Kim’s Spoon：空運濟州1++級韓牛 75cm長鐵板大餐
旗艦店佔地4,000呎，分成Café、Fine dining 和 BBQ區域，各區裝修雖稍有不同，但三區都可share點菜，所以入座時只需決定燒烤與否便可。新店最吸引的，是加入了濟州韓牛菜式，牛肉每星期3次空運直送，新店限定的有2呎半長的鐵板長器大餐，一Set有齊炒雞肉、炸雞、薯條和一款自選肉類，份量夠6個女仔share！Set內的肉類可選香蒜豬腩肉和BBQ豬肋骨，亦可選最高級1++、200g韓牛肉眼扒，燒起來鮮甜富嚼勁，20/12起限量供應100份，韓牛fans，衝啊！
韓式食法是凍食的，所以鐵板不是熱辣辣上枱，但下面有蠟燭座熱，辣炒雞肉、半溶芝士、韓式豉油炒雞肉、炸雞和薯條，韓牛肉眼扒是1++級，油花超靚，啖啖有油脂甘香。兩款炒雞用去骨雞髀肉，分別用上自家製甜辣醬和韓式豉油醬汁炒，吃時可蘸上半溶的Mozzarella芝士，芝士混和了牛奶和忌廉，奶香濃郁。
Set內的肉類如果不選韓牛，可選香蒜豬腩肉和BBQ豬肋骨，都是$388，幾抵食。
人少少亦可試下短版，同樣有兩款炒雞肉、半熔芝士、薯條和沙律。
飲品大大杯，顏色鮮艷，另有一jar的cocktail可以開心share。
BBQ區：韓牛拼盤一次食勻三部位
烤爐用離子燒烤爐，熱力夠同時油煙較少，不怕食到一身臭味。BBQ 最吸引的有1+級韓牛拼盤，$498可以食到三款韓牛，沒有下任何調味，燒至半熟，包你食到濃郁牛味。
韓牛有牛骨肉、西冷和牛柳，另有牛舌，韓牛有韓國政府發出的證明，肉類不經調味，可食到最純正濃郁的牛味。
用荷蘭原條豬腩肉，四色分別是原味、綠茶、香草和咖喱，綠茶和咖喱粉是韓國貨，香草是摩洛哥Rosemary，有order才會灑上調味粉。
Fine Dining區：軟腍燜韓牛尾
Fine Dining區的同樣有韓牛菜式，有韓式燜韓牛尾、韓牛尾湯、芝士雞蛋卷等食物。
新店限定，韓牛牛尾先預先預醃一晚，再用韓式豉油、糖等4-5小時，牛尾軟腍入味，帶微甜，醬汁用來撈飯一流！
韓國雞蛋煎好後鋪上紫菜和包入Mozzarella芝士及香腸，蛋滑夠厚，好有口感。
Café區：$50有找韓式炸雞set
Café區的下午茶幾抵食，最平三十幾蚊都有交易，有韓式滋味拼盤、傳統湯麵和紫菜卷等選擇。
有辣炒年糕、紅薯粉絲、炸雞或餃子，炸雞用雞髀肉，用韓式甜辣醬和糖漿醃製，香甜酥脆，年糕同樣用自家醬料煮成，微辣煙韌。
豬骨湯底配上韓式幼麵，再加入刨成絲的牛肉、蛋、泡菜、翠肉瓜和紫菜，下午茶的份量較少，男仔未必夠吃呢。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
