KFC
KFC

KFC雞皇飯沽清 店員好心建議轉蘑菇飯 男食客回應超野蠻!|飲食熱話

飲食

廣告

KFC食唔到雞皇飯野蠻食客發爛渣,店員被屈落錯柯打!有於知名炸雞連鎖店返工的網民,於FB社團發文分享自身經歷,西客不但屈店員落錯柯打,更因吃不到雞皇飯而要轉蘑菇飯時,即發爛渣:「阿姐!你知唔知我對蘑菇敏感呀?」態度極為惡劣!

KFC無雞皇飯轉蘑菇飯 野蠻西客發爛稱對蘑菇敏感

在香港這個高壓城市,從事服務業的員工很多時都被當作發洩對象,西客無理取鬧時有發生。近日有網民於「西店Hi客之道 Hispitality Secret」社團發文分享與西客的奇趣對話及經歷,西客要求加薯蓉後再取消,但到收錢時卻投訴店員沒有落單 ,反口覆舌卻老屈事主落錯柯打。孰料一波未平,西客柯打的雞皇飯賣完,事主唯有跟他道歉並建議西客改為柯打磨菇飯,西客卻態度惡劣地說:「阿姐!你知唔知我對蘑菇敏感呀?你叫我轉蘑菇飯我點食呀!」事主面對此等西客非常無奈。

KFC 店員告知西客無雞皇汁,建議他或可改為柯打蘑菇,西客即發爛渣:「阿姐!你知唔知 我對蘑菇敏感呀?」
店員告知西客無雞皇汁,建議他或可改為柯打蘑菇,西客即發爛渣:「阿姐!你知唔知 我對蘑菇敏感呀?」(圖片來源:《愛回家之開心速遞》 截圖)

西客不接納多個方案 網民:佢唔係西客係傻人

事主向上級請示後,遵從指示向西客表示「唔好意思呀先生,我哋依家真係無雞皇汁,你下次路過嚟囉返好唔好呀?」該名客人寸嘴地回答:「小姐,你知唔知我住邊呀!」事主估計他是想表達住得離店舖好遠,不方便來取回 ,唯有再建議「轉一份細薯格同埋4隻雞中翼畀你好唔好?」,卻料不到西客竟會回答:「算了,你哋照畀個蘑菇飯畀我。」滿是黑人問號的事主還未回過神來,即被目擊全程的同事問倒:「唔係話佢對蘑菇敏感咩?點解最後又肯轉蘑菇飯?」

KFC 有在連鎖快餐店工作的職員分享自身奇遇,西客落柯打時反口覆舌,卻屈店員落錯柯打,面對此等西客,職員表示非常無奈。
有在連鎖快餐店工作的職員分享自身奇遇,西客落柯打時反口覆舌,卻屈店員落錯柯打,面對此等西客,職員表示非常無奈。(圖片來源:[email protected] kfchk截圖)

帖文一出引來眾多網民留言:「呢單應該係傻人發現案」、「我覺得佢有少少癲, 多過西」,亦有同是餐廳員工的網民指「諗起試過有客話vegetarian選擇少,佢係vegan,點知最尾叫咗炸魚薯條」,世事認真無奇不有。

KFC 食花生網民有神來之筆的回應:「我對貧窮好敏感,私人送多個磨菇飯畀我,咁就唔怕敏感啦」
食花生網民有神來之筆的回應:「我對貧窮好敏感,私人送多個磨菇飯畀我,咁就唔怕敏感啦」(圖片來源:[email protected]西店Hi客之道 Hispitality Secret」社團截圖)
KFC 有網民表示西客有可能是帶回家畀屋企人食。(圖片來源:Facebook@西店Hi客之道 Hispitality Secret」社團截圖
有網民表示西客有可能是帶回家畀屋企人食。(圖片來源:[email protected]西店Hi客之道 Hispitality Secret」社團截圖

關鍵詞
飲食熱話
圖片來源:《愛回家之開心速遞》 截圖、[email protected] kfchk、[email protected]西店Hi客之道 Hispitality Secret」社團截圖

最新吃喝玩樂資訊