香港JW萬豪酒店蟹宴自助餐！4小時任食：英國麵包蟹／蟹腳／龍蝦＋肉眼扒
JW萬豪酒店10月限定蟹宴自助晚餐 9大自助區！
JW咖啡室的蟹宴Buffet返嚟啦！10月1日至10月31日期間，自助晚餐6pm-10pm可以任食多達10款大閘蟹和蟹粉菜式，更共有9大自助區域，分別有冰鎮海鮮區、刺身壽司區、凍肉區、沙律吧、熱葷區、片皮鴨及燒味區、即煮粉麵區、肉食區、甜品區。自助餐的焦點當然不少得海鮮區，每日會供應6-7款時令冰鎮海鮮，款式包括龍蝦、海蝦、英國麵包蟹、菲律賓藍蟹、加拿大珍寶蟹、鱈場蟹腳等，款款均很新鮮，肉質彈牙鮮甜。
自助餐季節推薦：10款凍蟹＋蟹粉菜式
蟹季當然要食盡所有蟹的菜式啦！由行政總廚黃致銓師傅（Tony Wong）帶領的專業廚師團隊將各地優質鮮蟹匠心炮製成一系列滋味佳餚，當中凍蟹供應4款：英國麵包蟹主要食其鮮甜橙黃蟹膏、加拿大珍寶蟹則以肥美鮮甜蟹肉為亮點、菲律賓南蟹體型較細但是肉質彈牙鮮甜、加拿大鱈場蟹腳則食到啖啖蟹肉。凍蟹仲可沾上海鮮醬和泰式辣醬，食起來更加惹味。
除了凍蟹外，還有其他蟹粉菜式供應，當中蟹粉小籠包相信是最能吸引港人。選用大閘蟹肉和蟹粉，混合新鮮豬肉製成一籠籠的一口小籠包，鮮甜多汁。花雕雞油蒸蟹亦同樣出色，以微醺花雕酒搭配香氣十足的雞油，吊出蟹肉甜味的同時，配上河粉更能掛滿精華。另外還有金銀蒜蒸蟹、煎蟹餅、湖南炒辣蟹、焗釀蟹蓋等菜式，相信可以滿足到蟹控的胃口！
Live Station大廚即切香烤牛扒＋即包片皮鴨＋刺身壽司區
現場除了自助區，當然少不了大廚即席主理的live station。肉食方面供應香草羊扒和香烤牛扒，粉嫩肉心十分嫩口而且調味恰好，絕對值得encore！片皮鴨亦是JW咖啡室的著名自助區域，由大廚即場切鴨，再以薄薄餅皮包有烤鴨、甜麵醬、青瓜和京葱，一口食落去有多重口感！仲有刺身壽司，如三文魚、油甘魚、吞拿魚、甜蝦帶子、北寄貝、赤貝，亦有火焰壽司和魚生丼等。
近50款熱葷／凍肉／甜品款式
同時還有多款熱盤選擇，回本之選必食厚切花膠、燴海參鮑魚、燴鴨掌、炒蝦、蒸龍躉等，亦有熟食炒粉麵飯。凍肉推介3款三文魚和西班牙火腿，鹹香惹味。
JW 咖啡室10月蟹宴自助晚餐
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
