日本葡萄酒
日本葡萄酒

#JFOODO 日本葡萄酒 中式X西式X日式餐廳搭配 品嚐秋季時令日本葡萄酒盛宴

飲食
大受歡迎嘅 JFOODO 日本葡萄酒搭配活動–夏季喺一片熱潮之下告一段落,相信唔少人都體驗到日本葡萄酒同唔同國家菜式嘅完美配搭。唔單止係日本菜,有冇諗過原來來自日本嘅紅白酒,同廣東菜或者西餐都可以擦出漂亮火花呢?由10月4日起,JFOODO 日本葡萄酒搭配活動-秋季,將會延續夏季熱潮正式展開!秋季嘅合作餐廳數目比夏季更多,令大家可以品嚐更多唔同款式嘅配搭。我哋喺一眾參與餐廳入面特別揀咗幾間畀識飲識食嘅你,一齊睇吓下面嘅check list揀間心水餐廳,歎返餐美食 Crossover 日本葡萄酒啦!



龍圖閣海鮮飯店

尖沙咀嘅龍圖閣開業已有十年,主打鑊氣小炒同手作菜式,仲會每日向艇家搜羅新鮮捕獲嘅海鮮,務求每位食客都感受到最新鮮嘅本地風味!餐廳以酒精度較低且帶甜嘅HOKKAIDO WINE 「Otaru Tokusen Niagara」,配搭由肉質更紮實嘅星斑製成「水煮星斑」,可以減低水煮魚嘅辛辣感覺!利用MANNS WINES「 Kobo no Awa Koshu BRUT」嘅清爽口感同優雅氣泡,突出招牌菜「生炒蠔鬆生菜包」嘅鮮味,同時令味蕾感覺更清新!MARUFUJI WINERY 「Rubaiyat Koshu Sur Lie」嘅順滑Creamy口感,同每日新鮮捕獲嘅九肚魚一拍即合,望落平凡嘅「椒鹽九肚魚」原來一啲都唔簡單!

店鋪詳情:
地址: 九龍尖沙咀漆咸道南17至19號「麼地道交界」帝后廣場一樓全層
電話號碼: 2817 1671
營業時間: 11:30 – 24:00
返回目錄



海雲天

坐擁無敵海景嘅海雲天就派咗「燒汁煎帶子皇」做代表,燒汁味濃而稠,帶子肉厚帶鮮。配合Asahimachi 「Yamagata Delaware」葡萄酒入面香桃同鮮杏子嘅成熟香氣,入口輕柔而酸度突出,同帶子嘅質感相當平衡!

店鋪詳情:
地址: 紅磡德豐街20號九龍海逸君綽酒店2樓
電話號碼: 2996 8459
營業時間: 11:00 – 22:00
返回目錄


全記海鮮酒家

位於香港西貢嘅全記海鮮酒家連續多年榮獲米芝蓮「全香港最佳食府之一」嘅殊榮。肥美嘅海鮮琳瑯滿目,料理手法亦五花八門,滿足唔同食客嘅喜好!全記今次仲會以三道招牌菜「椒鹽瀨尿蝦」、「古法椒鹽鮑魚」同埋「上湯焗龍蝦」配搭 3款日本葡萄酒!

Château Jun 嘅「Château Jun Koshu」酒體豐盈,令「椒鹽瀨尿蝦」表面更加可口,明朗嘅酸度亦令瀨尿蝦份外鮮甜!Grace Wine 嘅「Gris de Koshu」 清脆嘅酒體同酸度中和「古法椒鹽鮑魚」嘅油膩感之餘,仲令椒鹽更加香口! 酸度均衡嘅Grace Wine 「Grace Rosé」有士多啤梨等等嘅果實香氣,口腔稍為冷凍過後,再嚐嚐「上湯焗龍蝦」,龍蝦肉自然更爽脆鮮甜!

店鋪詳情:
地址: 西貢海傍街53號地下 及 西貢萬年街87-89號地下
電話號碼: 2791 1195 / 2792 6938
營業時間:
海傍街11:00 – 24:00
萬年街 07:00 – 23:00
返回目錄


順德公漁村河鮮酒家

主打正宗順德菜嘅順德公每日都會挑選同烹調新鮮靚河鮮及各特色小炒俾客人。Suntory 「Japan Premium MBA」 呢支紅酒用Muscat Bailey A葡萄釀製,入口鮮甜嘅味紅色果實豐盈,酸度活潑,配搭「秘製少林檀香骨」之後,同後者嘅蜜糖甜味配合得好平衡。黑胡椒同豬肋嘅味道喺紅酒嘅果香幫助下,喺口腔慢慢咁滲出,變得更為複雜可口。餘韻就以悠長美味嘅紅色果實作結。

另一道菜式就係Suntory「Tomi No Oka Koshu」配搭「脆皮椒鹽鮮魷」。鮮魷用獨特炸漿處理,火喉恰到好處,使得鮮魷外表份外香脆惹味同清爽有層次嘅Suntory「Tomi No Oka Koshu」完美融合。將白酒稍作為冷凍後,冰凍嘅口感同靈活嘅酸度能夠中和辛辣感覺,魷魚嘅鮮甜就更加突出喇!

店鋪詳情:
地址: 佐敦偉晴街 24-26 號地下
電話號碼: 2332 0603 / 2332 8615
營業時間: 05:30 – 24:00
返回目錄


西式/各國菜式餐廳

Rustico

侍酒師Reeze Choi親自監修Rustico嘅日本葡萄酒搭配菜單,以果香豐富而且味道帶甜嘅Shirayuri Winery「L’ORIENT Sparkling Rosé Bailey A」配搭「伊比利亞黑毛豬燻肉」,令燻肉嘅油香昇華之餘,同時中和肉嘅鹹度,氣泡仲可以帶出清爽口感添!HOKKAIDO WINE嘅「HOKKAIDO Zweigelt 2019」就會配搭「西班牙燴牛肚」,酒嘅辛辣同香料味同辣肉腸醬汁嘅味道能夠互相提升兼加添層次。濃郁果香嘅Marufuji Winery「Rubaiyat Muscat Bailey A 」配搭「14天熟成法國鵪鶉」,濃厚肉香帶來迷人嘅味道,木桶陳釀嘅烤烘令香口薄脆嘅鵪鶉皮更加美味可口!喺Rustico,能夠一次過享受多款日本葡萄酒以及搭配菜單!

店鋪詳情:
地址: 九龍荔枝角長義街9號D2 PLACE一期地下G01舖
電話號碼: 2743-4511
營業時間: 12:00-15:00 ; 17:00-22:00
返回目錄


Bellevue Bar & Grill

擁有180度九龍區嘅城市美景Bellevue Bar and Grill,除咗提供熟成牛扒,佢嘅裝潢同時亦充滿動感嘅酒吧風,必能滿足顧客對美酒佳餚嘅要求。以其中一個熱賣菜式為例,「烤海鱸魚扒」肉嫩幼滑,外皮香脆而帶有烤香,油脂感豐富。同Lumiere 「Koshu Hikari」白葡萄嘅酒體融合,加上酒中嘅清爽酸度,能減去海鱸魚嘅油膩感,亦提升了魚嘅鮮味,令人回味無窮。

店鋪詳情:
地址: 旺角彌敦道558-560號譽發廣場23樓
電話號碼: 2386 0338 / 2386 0183
營業時間:
星期一至五: 12:00-15:00, 17:30-22:30

星期六至日: 11:30-16:00, 17:30-22:30
公眾假期 : 12:00-16:00, 18:00-22:30
返回目錄


Sky726

居高臨下嘅Sky726位於彌敦道726嘅頂層,飽覽旺角繁華嘅美景,係主打法國菜嘅空中餐廳。「香蒜鴨肉紅菜頭扁意粉」嘅香蒜惹味與鴨肉嘅嫩滑質感,配合Asahimachi 「Kashiwabara Vineyard Late Harvest Red Dry」酒中輕柔嘅酒體同柔和嘅單寧,感覺平衡。紅菜頭嘅鮮甜同酒中嘅果香甜味互相配合,加上扁意粉嘅口感,令菜式同酒之間多咗唔少層次。兩者互相映襯,十分推介大家一試。

店鋪詳情:
地址: 旺角彌敦道726號25樓
電話號碼: 2390 3889 / 2390 3088 / 6117 3103

營業時間:
星期一至五: 12:00-15:30, 17:30-22:00
星期六至日: 11:30-16:30, 17:30-22:00
公眾假期 : 11:30-17:00, 18:00-23:30
返回目錄


日式餐廳

T8 Japanese Cuisine

T8 Japanese Cuisine坐落中環蘭桂芳,主打日式Fusion菜同鐵板燒,同時享受季節新鮮刺身同日本進口海鮮、和牛!配埋作為「食中酒」、口味偏酸嘅Suntory 「Tomi No Oka Koshu」,完美日式美食享受等緊你去試!

店鋪詳情:
地址: 中環蘭桂坊15-16號協興大廈5樓
電話號碼: 2393 8133
營業時間: 12:00-14:30 ; 18:00-22:30
返回目錄


Beefar’s

店內環境寬敞,適合與三五知己一同享用日本鹿兒島和牛。葡萄酒同烤肉嘅配搭走Casual Style,今次配搭嘅Château Mercian, 「Hosaka Muscat Bailey A」有柔和草莓、果醬等芬芳果香,酸度亦都較高,可以中和烤肉嘅油膩感,令「上等牛肋肉」同「牛腰背肉」等油脂豐富部分嘅味道更上一層樓!

店鋪詳情:
地址: 尖沙咀金馬倫道8號The Otto酒店2樓
電話號碼: 2557 6286
營業時間:
星期一至五及公眾假期:11:30-15:00 ; 18:00-22:00
星期六及日:11:30-22:00

返回目錄


Ramen Cubism

呢間位於中環嘅新潮拉麵店,提供「炙燒和牛紫海膽冷麵」同日本葡萄酒嘅完美配搭。Shirayuri Winery嘅「L’ORIENT Sparkling Rose Bailey A」作為侍酒師推薦嘅品牌, 清新嘅氣泡有助中和海膽過剩嘅濃郁感。豐富嘅微甜果味可以同時激發海膽嘅鮮甜味同和牛嘅肉味,快啲嚟體驗下佢嘅威力啦!

店鋪詳情:
地址: 中環威靈頓街27-29號元益大廈地庫
電話號碼: 2399-0811
營業時間: 11:00-22:00
返回目錄



Umai 鵜舞

巧妙運用日本葡萄酒配搭三種唔同嘅新鮮貝類,菜單由侍酒師Reeze Choi親自監修。「薄切北海道粒貝」同埋「活北寄貝」配合Shirayuri Winery「L’ORIENT Katsunuma Koshu」享用嘅話,可以抑制貝類獨有嘅腥味,效果媲美擠上檸檬汁添㗎!「富山石垣貝」就配搭HOKKAIDO WINE 「HOKKAIDO Kerner」,後者嘅青檸同楊桃香氣仲有效激發出貝類嘅鮮味添!

店舖詳情:
地址: 荔枝角長義街9號D2 Place一期地下2號舖
電話號碼: 2743-8011
營業時間: 12:00-15:00 ; 18:00-22:00

返回目錄


Sushi Hakucho鮨白鳥

日本葡萄酒大使親自為餐廳嘅招牌Omakase菜單挑選最合適嘅日本葡萄酒,辛口嘅GRACE WINE「Cuvée Misawa Akeno Koshu」作為食中酒,令食物味道更突出;口感醇滑嘅辛口GRACE WINE「Serena Extra Brut(Sparkling)」採用同香檳一樣嘅瓶中二次發酵法製造,配合各種壽司享用嗰陣味蕾感覺隨即為之一振!

店鋪詳情:
地址: 尖沙咀棉登徑8號凱譽地下13號舖
電話號碼: 2109 1155
營業時間: 12:00-15:00 ; 18:00-22:00 (星期日休息)