靚湯火鍋
靚湯火鍋

海景私竇│歎零味精住家 靚湯火鍋 @Dining娜

飲食

廣告

(Presented by 18鍋)

Photo:二彤

一啖不加味精、好似阿媽煲嘅住家靚湯,飲落去舒服療癒,最能征服火鍋達人嘅胃口。私房火鍋店18鍋所有湯底都係零味精嘅住家湯,加上大廚每日用新鮮靚料,鮮熬嘅 靚湯火鍋 湯底尤其鮮甜細緻。食店仲會供應鮮魚同海鮮活劏刺身,海鮮迷最Like。由於店主熱愛打邊爐,所以店舖選址銅鑼灣臨海位置,坐擁180度維港海景,環境相當舒服,自然成為唔少食客嘅火鍋私竇,每逢節日都會預訂包場打邊爐。

靚水炮製零味精住家 靚湯火鍋

由於店主自己不時都喺18鍋同朋友打邊爐,所以對湯底嘅製作尤其執著。總廚聰哥任職打邊爐師傅已有十二、三年,熬煮嘅 靚湯火鍋 湯底非常到家,著重選用新鮮靚料,所以唔落味精啖住家湯一樣鮮甜,全部湯底都可以飲,大家不妨先飲湯後火鍋。

店主深信飲好水令人健康,所以湯底高成本用咗電解還原水熬煮,每啖湯入口清純細滑,與別不同。

海鮮湯底大家食得多,但人氣湯底辣味野菌花蛤蟹鍋,加入了辛辣風味感覺好唔同,亦好啱呢個涼涼哋嘅時候食,特別暖胃。呢個湯底由海鮮辣湯煮成,再將新鮮膏蟹、花蛤煮到剛剛熟,加入炒香嘅野菌,一啖湯就飲到唔同層次嘅海鮮、配料真鮮味。除咗大中小辣,唔食辣的朋友亦可以揀唔辣版本。

辣味野菌花蛤蟹鍋 8/膏蟹、8/肉蟹(只限預訂)<br srcset=
靚湯火鍋 首選必食,海鮮辣湯加入3款炒香嘅珍菌,再放入新鮮膏蟹同花蛤提鮮,鮮香撲鼻!” width=”1200″ height=”800″ /> 辣味野菌花蛤蟹鍋 $328/膏蟹、$288/肉蟹(只限預訂)
靚湯火鍋 首選必食,海鮮辣湯加入3款炒香嘅珍菌,再放入新鮮膏蟹同花蛤提鮮,鮮香撲鼻!

至於另一招牌熱選水佬魚仔鍋,總廚會視乎時令揀選4種海魚,務求熬出最鮮香嘅魚湯。師傅透露,今期佢用咗九棍魚、門鱔等鮮魚,貪其魚味濃郁;再加埋豆腐、番茄、黃豆等熬煮3個鐘,質感香滑、味道濃郁似豆漿,飲完好似有大量蛋白質注入皮膚咁,我Dining娜最Like!

水佬魚仔鍋 8<br srcset=
嚴選多種海魚炮製,今期用上九棍魚、門鱔,加入豆腐、番茄、黃豆等熬湯3個鐘,濃郁細滑,質感似豆漿!” width=”800″ height=”1200″ /> 水佬魚仔鍋 $228
嚴選多種海魚炮製,今期用上九棍魚、門鱔,加入豆腐、番茄、黃豆等熬湯3個鐘,濃郁細滑,質感似豆漿!

日日新鮮私房火鍋

店主同總廚最重視食材新鮮,由於18鍋專做預訂私房火鍋,所以接到柯打後,總廚每朝會親自去街市揀選當日用嘅生猛海鮮、靚牛肉、當造食材等新鮮靚料,無論係湯底抑或火鍋配料都食到最鮮嘅味道。

最欣賞18鍋嘅係,小小店舖依然堅持每日供應多款時令活魚、海鮮刺身,都係由總廚每朝去街市嚴選,每日新鮮靚海產包括紅鱲魚、石蚌、立魚、章紅魚等活魚刺身,亦有龍蝦、象拔蚌、牡丹蝦等刺身,全部即叫即劏,生猛鮮甜。

海鮮拼盤 時價<br srcset=
大廚每日由街市挑選最靚海鮮,日本大元貝、南非6頭鮑、紐西蘭蟶子皇、海中蝦都係今期推介。” width=”848″ height=”1200″ /> 海鮮拼盤 時價
大廚每日由街市挑選最靚海鮮,日本大元貝、南非6頭鮑、紐西蘭蟶子皇、海中蝦都係今期推介。
紅鱲魚活劏刺身 時價<br srcset=
18鍋每日都有時令活魚供應,即叫即劏,紅鱲魚刺身肉質厚實,口感爽脆。” width=”1200″ height=”817″ /> 紅鱲魚活劏刺身 時價
18鍋每日都有時令活魚供應,即叫即劏,紅鱲魚刺身肉質厚實,口感爽脆。

每日搶靚牛、刀工令牛肉加分

除咗各款海鮮,店主同總廚連牛肉都會親自去街市精心挑選,不假手於人,因為佢哋話肉類放得耐就會走味,呢度出品嘅每樣食品都咁一絲不苟,佩服!

嗜牛族嚟到18鍋就有口福喇,因為有多款唔同部位選擇,包括手切頸脊、頸邊肥牛、牛𦟌、本地牛白肉、牛小排、牛柳粒等。有啲部位供應量少或難買,例如金錢𦟌(即牛𦟌)、牛白肉等,都要識人先可以攞到靚貨,所以師傅每日都要去「搶貨」!

上左起:韓國極品霜降牛柳粒 8、本地雪花牛𦟌 8、牛頸脊 8<br srcset=
牛柳粒肉質軟腍;金錢𦟌爽口鬆化;牛頸脊肥瘦適中、有咬口,不同部位各具特色。” width=”1200″ height=”800″ /> 上左起:韓國極品霜降牛柳粒 $238、本地雪花牛𦟌 $228、牛頸脊 $328
牛柳粒肉質軟腍;金錢𦟌爽口鬆化;牛頸脊肥瘦適中、有咬口,不同部位各具特色。

識食牛嘅朋友都會揀手切,手切同機切牛肉最大分別係前者有咬口得多!原來聰哥刀工亦非常了得,佢會小心拿捏各種牛肉部位嘅紋路嚟落刀,以確保切到最理想嘅軟腍、細緻口感,同時灼後食到香濃嘅牛脂油花。落刀稍有偏頗,牛肉就會過韌,所以有靚牛都要遇到超卓嘅解牛師傅。

手打蟹籽蝦丸、梅菜香菇豬肉丸、黑松露墨魚丸、汕頭手打牛丸<br srcset=
每日新鮮全人手打,每粒手打丸均由九成鮮肉同新鮮食材製成,真材實料,爽口彈牙。” width=”1200″ height=”800″ /> 手打蟹籽蝦丸、梅菜香菇豬肉丸、黑松露墨魚丸、汕頭手打牛丸
每日新鮮全人手打,每粒手打丸均由九成鮮肉同新鮮食材製成,真材實料,爽口彈牙。
上海韮菜餃、紫洋葱餃<br srcset=
前者嘅韮菜同豬肉比例係8:2,韮菜味濃,有霸氣,豬肉就用半肥瘦,口感極佳;而後者嘅紫洋葱同豬肉比例就各佔一半,紫洋葱味道夠香又夠甜,女生大愛,兩款都係美味健康之選。” width=”1200″ height=”800″ /> 上海韮菜餃、紫洋葱餃
前者嘅韮菜同豬肉比例係8:2,韮菜味濃,有霸氣,豬肉就用半肥瘦,口感極佳;而後者嘅紫洋葱同豬肉比例就各佔一半,紫洋葱味道夠香又夠甜,女生大愛,兩款都係美味健康之選。

私竇歎180度維港海景

由於店主一班好友都係熱愛打邊爐嘅同道中人,開設此店都係因為「私心」,可以有個私竇畀大家歎火鍋,又係傾偈、飲酒、開party嘅聚腳點。

18鍋地方唔算好大,但勝在好有住家feel,感覺寧靜cozy。呢度主打做預訂私房菜(約佔九成),客人可以自己tailor made菜單,例如海鮮加牛,又或者全牛宴等;客人亦可提出「筆值」由店主構思發辦又得!

要讚嘅仲有佢哋可以睇到180度無敵維港海景,睇煙花一覽無遺,包場開party打邊爐最正!而且店舖位置幾有私隱度,好多明星、歌星都會幫襯。

18鍋對到正維港,望住呢個海景打邊爐、飲酒最正,放煙花更是一覽無遺!
18鍋對到正維港,望住呢個海景打邊爐、飲酒最正,放煙花更是一覽無遺!

好多幫襯過18鍋嘅朋友,都想喺屋企開火鍋party,但又怕麻煩、唔想買嘢唔想洗,呢度都有外賣預訂, 靚湯火鍋 湯底、配料、醬料全部直送到屋企,正!

烚時精選

‧ 零味精靚水煲湯:唔止用新鮮海鮮、靚料,仲用高成本嘅電解還原水熬湯,加上零味精,火鍋湯底特別鮮甜。
‧ 每日新鮮入貨:海鮮、牛肉、蔬菜等,每朝都由師傅去街市揀時令食材,烹調嘅湯底同配料都保留真鮮味。
‧ 180度海景:打邊爐同時欣賞無敵大海景,仲可以睇煙花,係理想嘅火鍋party私竇!

18鍋

地址:銅鑼灣告士打道229-230號宇宙商業大廈18樓(顯示地圖
電話:2116 1198

Whatsapp訂座電話:6996 4148
備註:須預訂,另設外賣預訂(須1日前預訂);設加一,收現金及信用卡。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..