九龍灣泰菜
九龍灣泰菜

抵食回本! 九龍灣泰菜 火鍋放題 送咖喱龍蝦 @Dining娜

飲食

廣告

(Presented by Siam Al Fresco Dining)

Photo:二彤

我Dining娜食過無數火鍋放題,放題花款確實愈玩愈多,但係將泰菜同火鍋合二為一嘅泰式火鍋放題坊間唔算多,滿足晒又鍾意打邊爐又鍾意食泰國嘢嘅朋友。 九龍灣泰菜 餐廳Siam Al Fresco Dining嘅半自助火鍋晚餐自從舊年推出之後,反應極好,今年再度登場,呢個半自助放題原來只限冬日限定㗎。

啱啱推出嘅龍蝦火鍋放題性價比極高,單係每位入座即送半隻泰式咖喱龍蝦(每隻$388),經已回本!由於有泰廚坐鎮,所以由火鍋湯底、前菜、甜品等,都好有地道風味。列入咗我嘅Foodie List嘅原因,仲有佢哋另設戶外露天座,坐喺開揚嘅環境下歎火鍋都幾有泰國度假feel!

泰式咖喱龍蝦(每位送半隻)配蒜蓉法包<br srcset=
師傅嚴選肉質厚實嘅龍蝦,以黃薑粉、黃咖喱、椰漿、蛋白等炒香,香料味道滲透蝦肉,惹味醒神。” width=”987″ height=”1200″ /> 泰式咖喱龍蝦(每位送半隻)配蒜蓉法包
師傅嚴選肉質厚實嘅龍蝦,以黃薑粉、黃咖喱、椰漿、蛋白等炒香,香料味道滲透蝦肉,惹味醒神。

九龍灣泰菜 歎正宗泰式湯底

嚟到Siam,大部分人都叫招牌冬蔭公湯底,鍾意食辣嘅我當然唔執輸啦。佢哋嘅冬蔭公湯依足傳統做法,用咗香茅、南薑、檸檬葉、辣椒膏等煮成,最後加入花奶即刻令湯底香滑好多,辛辣風味地道得嚟亦容易入口,總廚話可以先飲湯後打邊爐,一鍋兩食,我班鍾情於泰菜嘅姊妹都話正!

冬蔭公湯底<br srcset=
跟足傳統做法,湯底以香茅、南薑、檸檬葉、辣椒膏等煮成,最後放入花奶,辛辣與香滑俱備。” width=”1200″ height=”753″ /> 冬蔭公湯底
跟足傳統做法,湯底以香茅、南薑、檸檬葉、辣椒膏等煮成,最後放入花奶,辛辣與香滑俱備。

除咗冬蔭公湯底,自選湯底仲有椰汁雞湯、泰式清湯、紫菜豆腐湯選擇,總共4款,如果想雙拼,都只係加$28!

Siam嘅出品有水準得嚟,風味又正宗,原來因為有兩位泰國師傅坐鎮。泰菜主要走曼谷風格,口味地道而大眾化,好似冬蔭公湯、咖喱等辛辣菜式都唔會過辣,幾啱香港人口味。連食材都喺泰國食材店舖入貨,難怪食得出細緻有層次嘅泰式風味啦!

椰汁雞湯底<br srcset=
雞湯加入香茅、南薑、椰汁和青檸等炮製,椰香濃郁,湯底仲有草菇同車厘茄,口感豐富。” width=”940″ height=”1200″ /> 椰汁雞湯底
雞湯加入香茅、南薑、椰汁和青檸等炮製,椰香濃郁,湯底仲有草菇同車厘茄,口感豐富。

任食多款前菜小食甜品

再睇睇有咩食,先講火鍋配料,回本推介有海蝦、美國肥牛、日本豚肉片。再去自助泰式前菜、甜品Bar睇下,泰式前菜同甜品選擇都幾多,經典如燒豬頸肉沙律、醃酸辣鳳爪沙律、泰式青木瓜沙律等頭盤,仲有傳統泰式甜品:芒果糯米飯、泰式千層糕、椰汁糕、斑蘭千層糕、牛奶布甸等,全部都係任食!

另外,汽水、啤酒亦係任飲,天氣涼涼哋,我Dining娜有暖笠笠推介:Siam自創嘅香芒甜薑,將薑茶加入芒果汁,微辣暖胃,飲落好舒服!

火鍋配料拼盤<br srcset=
火鍋放題配料選擇幾多,有海蝦、美國肥牛、日本豚肉片、紮肉、蝦丸、鯪魚滑等,非常新鮮。” width=”1200″ height=”771″ /> 火鍋配料拼盤
火鍋放題配料選擇幾多,有海蝦、美國肥牛、日本豚肉片、紮肉、蝦丸、鯪魚滑等,非常新鮮。
任食自助泰式前菜、甜品Bar,前菜、沙律、甜品選擇多。
任食自助泰式前菜、甜品Bar,前菜、沙律、甜品選擇多。

地道泰式前菜、熟食

若嫌火鍋放題仲未滿足到食泰國嘢嘅慾望,可以另外柯打泰菜,例如生蝦刺身、粉絲蟹煲、明爐烏頭魚等。

泰式生蝦刺身 8<br srcset=
選用海蝦,鮮甜味突出;亮點喺秘製生蝦汁,由青辣椒汁同蒜蓉等混成,微辛香口,為生蝦提鮮。” width=”1200″ height=”785″ /> 泰式生蝦刺身 $108
選用海蝦,鮮甜味突出;亮點喺秘製生蝦汁,由青辣椒汁同蒜蓉等混成,微辛香口,為生蝦提鮮。
粉絲蟹煲 時價<br srcset=
以薑、蒜、黑椒,仲有大廚自家調配嘅辣汁煮粉絲,各具層次嘅香料味道滲透其中,再放上肉蟹或膏蟹一齊焗,蟹肉鮮甜惹味。” width=”1200″ height=”804″ /> 粉絲蟹煲 時價
以薑、蒜、黑椒,仲有大廚自家調配嘅辣汁煮粉絲,各具層次嘅香料味道滲透其中,再放上肉蟹或膏蟹一齊焗,蟹肉鮮甜惹味。
明爐烏頭魚 8<br srcset=
將新鮮烏頭蒸煮後,放入香茅、南薑、檸檬葉等,再加入清湯、泰式鹹酸梅略煮,令魚肉提鮮,泰式風味出眾。” width=”1200″ height=”796″ /> 明爐烏頭魚 $188
將新鮮烏頭蒸煮後,放入香茅、南薑、檸檬葉等,再加入清湯、泰式鹹酸梅略煮,令魚肉提鮮,泰式風味出眾。

九龍灣泰菜 享受泰國度假Feel

除咗食物味道,Siam連環境都畀人泰國度假feel!佢哋室內環境唔算大,不過座位間隔舒服;而戶外就有露天座,坐喺外面吹住涼風打邊爐,感覺幾寫意!火鍋放題5:30pm就開始,早啲嚟食,仲可以感受下秋日陽光嘅尾巴!

室內以落地玻璃設計,枱與枱之間有空間感;戶外露天座環境開揚,打邊爐兼傾偈最啱。
室內以落地玻璃設計,枱與枱之間有空間感;戶外露天座環境開揚,打邊爐兼傾偈最啱。

烚時精選

‧ 送回本龍蝦:泰式咖喱龍蝦每隻$388,食火鍋放題入座即送半隻,已回本有突!
‧ 泰廚坐鎮:總廚係泰國師傅,有多年烹調泰菜經驗,供應嘅泰菜走曼谷風格。
‧ 開揚露天座:趁秋意濃有涼風,推介坐戶外歎火鍋,傾偈一流!

Siam Al Fresco Dining

地址:九龍灣宏照道33號國際交易中心2樓3號舖(顯示地圖
電話:2790 3288
龍蝦火鍋放題:星期一至五5:30pm-7:30pm $168/位、7:45pm-9:45pm $178/位;星期六、日及公眾假期每位加$18(大小同價)
備註:設加一,收現金及信用卡。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..