Hidden Agenda 變深宵食堂｜食串燒、打舖機、吹下水｜觀塘食乜好|
廣告
身為觀塘打工仔，搵食「艱難」，加上做得這一行，最早收工已是9點，選擇更少。最近Live House 場地 Hidden Agenda 變了深宵食堂轉賣串燒，營運時間更由晚上7點開到凌晨2點，啱晒一班OT夜鬼放工後輕鬆一下。店內更有兩部遊戲機免費玩，負責人阿和非常歡迎大家落去吹下水，傾下音樂。
撰文：Keith＠廿四孝暖男 ｜拍攝：him
Live House 變身工廈食堂
早前介紹過Indie Band Live House 場地 Hidden Agenda 被逼遷後，上年年尾落戶觀塘，但因申請不到娛樂牌照，惟有轉而申請飲食牌，兼賣熟食如炒飯及意粉，更有星球蛋糕。希望為大家提供一個聚腳地，讓獨立樂隊有地方宣傳自己的音樂，同時音樂愛好者有地方一聚，吃頓飯、傾傾音樂經。最近 Hidden Agenda 更改了營業時間，由中午開改至現時晚上7時至凌晨2時，明顯是為一班夜鬼而開，亦由剛開業的主食改為串燒輕食，下酒一流，OT完不妨試試。
最平$10/串 +自家煲下火涼茶
Hidden Agenda 的串燒分蔬菜、肉類及海鮮3種，例如燒韭菜、洋蔥、雞皮及海賊雞翼。款式較大路，但味道對版而且價錢不算貴，每天新鮮自家煲的糖水也只是$10，啱晒吃完串燒下下火。另外亦有飽肚的麵食如印尼撈麵，配上五香肉丁及炸午餐肉條，變成一道Comfort Food。要注意這裡未有酒牌，暫時只出售精品咖啡及糖水，如要下酒，店方歡迎客人自行購買。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
