HABITU誠品開新店 賣無印風和食 |太古城食乜好|

誠品在太古開分店，吸引不少人去湊熱鬧，除了睇書，裡面餐廳亦有睇頭。餐廳原來是habitu 集團，內裡有種熟口熟面的感覺，由室內設計、餐牌、以至餐具，都帶著濃濃的MUJI Caf 味道！餐廳主要供應家庭式料理，以定食形式上菜，味道樸素，重食材原味。每兩星期轉一次餐牌，定食包括一款前菜、主菜和一碗米飯。主菜和前菜各有至少6款選擇，還可追加味噌湯、甜品或飲品。另一特色是使用高營養食材，如加入糙米、藜麥的白飯。烹調選用低鈉初榨豉油、牛油果油、椰子油等，亦細心以椰糖取代經漂白加工的白糖。店內大部分蔬菜來自本地農場，南瓜沙律味道香甜，Creamy 幼滑。主菜杞子湯野菜肉卷，先將椰菜包裹肉碎，再以上湯燉熟，有杞子的甜和味醂的香。此外亦有七款冷榨果汁供應，最喜歡排毒果汁，以紅菜頭、甘筍、蘋果和薑榨成，微辣。食物健康之餘，環境亦舒適，坐下來歎茶，不錯。