Google食譜2020 Top 10!章魚小丸子+400次咖啡齊上年度搜尋排行榜 港人搜尋第1位…|網絡熱話

【Google食譜Top 10】Google最新公佈左2020年嘅搜尋排行榜,由於疫情關係香港人多咗時間留喺屋企煮食消磨時間,所以今年「Google 10大港人熱爆食譜搜尋」的競爭非常激烈!未知係咪因為無得去旅行嘅關係,所以多個外國食品都榜上有名,如日本的章魚小丸子、印度的烤餅、韓國的400次咖啡等等。看來大家真係好想好想去旅行。而今年大受歡迎的氣炸鍋料理中嘅「氣炸鍋蛋糕」更勇奪第2名!不過第1名卻由一匹黑馬跑出!

撰文:Mila|圖片來源:新假期資料庫、Instagram、Mr. Cheesecake 官方網站、Youtube截圖、網上圖片|資料來源:Google

2020年度港人Google食譜Top 10!

Google食譜第10位. 芝士麻糬波波

芝士麻糬波波,可算係歷久不衰嘅烘培寵兒,因為材料簡單,亦不需要用到打蛋器這類複雜的廚具,十分容易整,而且又好味,無論係同朋友烘培樂,定係作為親子活動都一樣咁啱!

想自己整,食譜看此:芝士麻糬波波食譜!零失敗神還原連鎖店成品 外脆內軟 激濃芝香|懶人廚房

Google食譜第9位. Mr. Cheesecake

東京 Mr.Cheesecake 被譽為係「日本第一美味」的芝士蛋糕,開業僅兩年就成為日本的人氣甜點王,次次一出爐即搶購一空。Mr.Cheesecake深明疫情對大眾的影響,所以公開左簡易版食譜,讓大家可以係屋企自己試整黎食。雖然同原裝版有少少出入,但總算可以頂一頂癮。

食譜按此

Google食譜第8位. 印度烤餅

你未必鐘意印度,但係印度烤餅你一定鐘意。蒜蓉印度烤餅、芝士印度烤餅 、印度烤餅配Butter Chicken,配上一杯印度香料茶,真係諗起都流口水。印度烤餅變化多而且香口美味,向來不乏捧場客,難怪能成為上榜的食譜之一。

Google食譜第7位. 苦瓜汁

相信有好多香港人都當台灣係後花園,以前去台灣仲多過去長洲,無得去台灣飲苦瓜汁,唯有飲住苦瓜汁遙想去行夜市嘅日子。我都好想快啲有得去旅行啊!

Google食譜第6位. 400 次咖啡

韓國大熱的400次咖啡,係疫情期間紅極一時。由於其用料簡單,整出黎又靚,令大家都爭相整返杯黎影相Post IG。因此,大家想打卡的熱情就將400次咖啡推左上榜。

想打到手軟,食譜可看此:韓國超人氣「400次咖啡」自家製DIY教學+變奏版抹茶/士多啤梨Latte!超綿密奶蓋+香濃牛奶|懶人廚房

Google食譜第5位. 爆谷

為了做好防疫措施,相信大家都少左去戲院睇戲,寧願留係屋企睇Netflix。不過如果想係屋企都想營造去戲院睇戲嘅感覺,爆谷就一定係不可或缺嘅元素。睇一套戲又用唔晒啲時間,為了Kill Time索性連爆谷都自己整埋。

Google食譜第4位. 章魚小丸子

唔知係咪因為大家太掛住日本,想整一整章魚小丸子一解思鄉之愁;定係因為疫情關係多左時間留係屋企,所以拎返之前賣落但未用過嘅Bruno章魚燒烤盤出黎玩,令章魚小丸子的食譜今年榜上有名。

Google食譜第3位. 牛奶饅頭

可能疫情關係令到大家都少咗出去食早餐。畢竟早上嘅時間係分秒必爭,想食得健康又快捷便利,饅頭就不失為一個很好得選擇。所以牛奶饅頭這款簡單的菜式就成為了今年排行榜的第3名!

Google食譜第2位. 氣炸鍋蛋糕

氣炸鍋可算是今年廚具的大熱!因為實在太方便了,氣炸鍋食品亦愈出愈多!隨住氣炸鍋嘅普及,氣炸鍋食譜亦成為網民搜尋的熱門項目,其中氣炸鍋蛋糕就脫穎而出,成為本年度排行榜第2名!

懶得整,都可以把現成的蛋糕拿去氣炸! 例如好好味的莎莉蛋糕!即睇:氣炸鍋食譜合集!9款新手必試菜式:避風塘雞翼+爆芝火腿西多士+香脆炸雞+回鍋肉|懶人廚房

Google食譜第1位. 醉鴨舌

勇奪第1位的食譜竟然係一道涼盤小吃─醉鴨舌!?真係估你唔到!醉鴨舌製法其實不難,只係要準備的配料比較多。能成為搜尋榜的第1位,相信一定有不少愛好者。本年度的排行榜的第1名由醉鴨舌呢匹黑馬跑出!

撰文:Mila|圖片來源:新假期資料庫、Instagram、Mr. Cheesecake 官方網站、Youtube截圖、網上圖片|資料來源:Google

即睇更多:雪米糍完美食法!手殘女都整到 只需3樣材料識食一定係咁食!|網絡熱話

即睇更多:759必買9件氣炸鍋雪藏食物!長期缺貨Pizza+韓國氣炸薯粒熱狗+超好食BBQ雞翼|網絡熱話

最新吃喝玩樂資訊