深圳排隊生乳梳乎厘Fufuland進駐香港！8款口味 鬆化軟綿＋空氣感十足
廣告
大陸超人氣梳乎厘專門店Fufuland落實進軍香港，首間分店將會選址元朗！Fufuland憑著鬆化軟綿、蛋香濃郁的梳乎厘獲得眾人喜愛，成為深圳排隊名店，門市人龍不斷，更是港人北上必買美食之一！首間香港分店預計將於暑假開幕，以後在香港都可以食到啦！
大陸必食梳乎厘Fufuland進駐香港
大陸梳乎厘Fufuland近年來大受食客歡迎，成立短短兩年便極速擴張，分別於蘇州、上海、深圳、廣州、福州等各地開設分店，人氣急升，更有不少港人特意前去一嚐其滋味！Fufuland主打生乳梳乎厘，即叫即製，梳乎厘漲卜卜，空氣感十足，口感輕盈富蛋香！口味方面選擇多，有8款味道，包括開心果、雪覆士多啤梨、雙層芝士蛋糕、海鹽Oreo等，當中糯米舒梳乎厘更深受眾人力捧，價錢由¥16起，值得一試。另外雪糕系列同樣是必食，推介梳乎厘雪糕、北海道牛乳雪糕、抹茶雪糕等，甜品控不能錯過！
Fufuland人氣不容小覷，門口經常都大排長龍，就算是平日更要排足高達1小時，相當誇張！而最近Fufuland宣佈將會進駐香港，選址元朗新商場Yoho Mix元點，暫未有確實營業日期，網傳將會於暑假期間開幕，不少港人都表示期待！
- 餐廳：Fufuland
- 地址：元朗朗樂路1 號Yoho Mix元點
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：小紅書@ fufuland
