私房菜
私房菜

【茶記尋味】三代傳承茶記變 私房菜 @Dining娜

飲食

廣告

(Presented by 忠記 )

Photo:Wyman

唔好以為我Dining娜只會食貴價嘢,其實只要好食嘅,一樣會令我幫襯,連茶記都會係我杯茶。1間食店能夠令我一去再去,除咗食物吸引之外,仲有嗰份人情味。有次1個住銅鑼灣嘅朋友介紹我去佢由細食到大嘅茶餐廳忠記,裝修雖然簡單,但係食得出真材實料,家常菜式有種樸實味道,令人有返屋企嘅感覺,自此我就成日帶朋友嚟飯敘。原來呢間茶餐廳由阿爺年代開始,三代傳承做咗超過50年,早前更差點面臨結業。由渣甸坊女人街鐵皮屋輾轉搬到依家嘅渣甸中心,就開始兼做 私房菜 ,menu仲有8款選擇添。

茶記都吃到 私房菜 滋味

忠記多年來專做茶餐廳食品同小菜,估唔到新增 私房菜 都幾有驚喜,既有傳統古法菜,亦有創意菜式,例如古法家鄉鹽甑雞、三宮皇朝三味燻蛋、和風芥末汁海膽桶蠔、北海道海膽糖芯帶子等等,心思、工夫、靚料齊晒。

第3代主理人陳達龍表示,幾十年來儲落一班家庭客,每逢過時過節都鍾意嚟幫襯,所以就決定做 私房菜 ,推出後反應都好好。 私房菜 6位起就可以預訂,每位只係$332 – $480就食到11道菜,銅鑼灣嚟講好抵食。

延續經典味道與老店情味

忠記過半數嘅食客都係熟客,有唔少更係由細食到大,食到依家5、60歲都有。大家最懷念嘅係佢哋嘅早餐、奶茶、火腿煎蛋、沙甸魚飯,當中包含住不少兒時回憶仲有人情味,所以即使忠記搬到新舖,都將唔少經典味道,例如三餸飯、炸雞髀等 茶記 美食延續保存。

創新川日fusion

近年忠記多咗一班後生食客,所以大廚都加入咗唔少fusion菜式,例如無骨口水雞稻庭撈丁/烏冬,將四川名菜配上撈丁或烏冬,配搭新穎。另外,和風系列就有芝麻汁(如招牌海南雞絲冷麵)同稻庭烏冬(如牛舌韓式泡菜湯烏冬)系列,OL同學生哥就最like!

3大識食hashtag

兒時幫襯開嘅茶記一定令人留下那些年嘅美好回憶,忠記由食物到人情味,都有呢股魅力,就算區外客食過1、2次都可以感受到。佢哋新增嘅 私房菜 亦相當貼心,預早提出要求,例如鍾意素菜,忠記都可以喺菜單上調整。

#茶記 #私房菜 #三代傳承

忠記咖啡屋私房菜
地址:銅鑼灣渣甸街50號渣甸中心9樓(港鐵銅鑼灣站F1出口)(顯示地圖
電話:2577 2242
備註:不設加一,收現金、八達通及信用卡
facebook:忠記咖啡屋 Chung Kee Café

 

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..