FoodPanda
FoodPanda

大埔友外賣慘變自取!步兵嫌近唔肯上樓 事主收信息後勁嬲 |飲食熱話

飲食

廣告

大埔友叫外賣慘變自取!香港有好多尊貴的打工皇帝,的士佬會揀三揀四過海唔去、太近唔去,意想不到竟然連送外賣的步兵都要揀客,怪責顧客「這麼近的距離不會自己去買」,大呻取餐送餐時弄得「全身大汗」,該名步兵更將外賣掛在共享單車上:「不要話我沒有良心,外掛在富盈門旁邊的共享單車,自己來取」,叫外賣最後變自取的樓主未食飯已一肚氣飽晒!

大埔友叫外賣慘變自取!FoodPanda步兵外賣嫌近 食物掛樓下單車

於Facebook群組「大埔 TAI PO」有網民發帖,內文只有一張圖片及「Foodpanda」這個字眼。事緣住在大埔寶湖花園的樓主因「唔想行」,就透過外賣平台柯打屋企樓下的日式料理,由於等了很久外賣還未送到,他打開外賣App才發現該步兵留言抱怨:「這麼近的距離不會自己去買?」,要他「全身大汗」地「從昌運中心跑過來」取餐送餐,擺明玩嘢的外賣員更將外賣掛在街上的共享單車上,「不要話我沒有良心,外賣掛在富盈門旁邊的共享單車,自己來取」,面對奇人奇事樓主也來不及反應嚇呆了。

FoodPanda 大埔友叫外賣慘變自取!
大埔友叫外賣慘變自取!(圖片來源:[email protected]大埔 TAI PO討論區截圖)

FoodPanda步兵:「這麼近的距離都不會自己去買?」 網民熱議:真正的「打工皇帝」

樓主最終外賣變自取,由原本因「唔想行」叫外賣,到最終是要走更遠的路去自取,無奈地只有向客服投訴,「拎咗個外賣,但有投訴,唔知foodpanda點處理」。據花生友網民分析:「條友埋怨係佢要由昌運行600-700米去寶湖拎餐,點知送返寶湖,佢去富盈門放低,估計係佢想返去大中附近繼續跑單」,網民一面倒地批評該外賣送遞員不負責任:「如果想落街買,我㩒自取啦。做咩要叫外賣」、「唔使比運費?咁俾錢做咩?」、「遠嘅送唔到,近嘅唔想送」,並建議這位真正「打工皇帝」最好「唔想送外賣應該留喺屋企做叫外賣嗰個」,網民更搞笑地呼籲「大家叫完外賣其實應該揸車去接個外賣仔返嚟!」

FoodPanda 網民建議該外賣員可以選擇唔接單。
網民建議該外賣員可以選擇唔接單。(圖片來源:[email protected]大埔 TAI PO討論區截圖)
FoodPanda 返工要敬業樂業,網民建議該外賣員可以辭職。
返工要敬業樂業,網民建議該外賣員可以辭職。(圖片來源:[email protected]大埔 TAI PO討論區截圖)
FoodPanda 叫外賣是需付運費,付款後得不到相關的服務,有網民建議樓主報警。
叫外賣是需付運費,付款後得不到相關的服務,有網民建議樓主報警。(圖片來源:[email protected]大埔 TAI PO討論區截圖)
FoodPanda 有同行表示不理解該名外賣員的做法。
有同行表示不理解該名外賣員的做法。(圖片來源:[email protected]大埔 TAI PO討論區截圖)
FoodPanda 有網民指叫外賣是迫不得已,原來外賣員「嫌近」是相當常見。
有網民指叫外賣是迫不得已,原來外賣員「嫌近」是相當常見。(圖片來源:[email protected]大埔 TAI PO討論區截圖)
FoodPanda 有花生友笑說叫外賣送離島,有海風吹包無出汗。
有花生友笑說叫外賣送離島,有海風吹包無出汗。(圖片來源:[email protected]大埔 TAI PO討論區截圖)

外賣平台投訴多 網民建議:貨到付款

於留言中網民對於外賣平台的投訴更是此起彼落,「試過嗌米線,成碗湯倒X晒,都唔X賠錢」、「上次連續倒瀉兩鑊嘢,我等咗2粒鐘都未食到嘢」、「試過嗌米線等咗三粒鐘,從此之後無嗌過foodpanda,客服人員無諗過處理」、「我果度係200號,佢去咗230號,一定係門牌嘅錯」,為此有網民建議:「玩到絕啲可以貨到付款,正常同外賣仔交收,Check真啲食物有無被郁過(最好叫外賣之前同餐廳攞Whatsapp)到左檢查有無少左,影比餐廳睇對數,啱就先比錢!」原來想吃餐安樂茶飯,要過五關斬六將,做香港人真係慘!

FoodPanda 有網民一樣因為外賣員的服務態度而表示一肚氣。
有網民一樣因為外賣員的服務態度而表示一肚氣。(圖片來源:[email protected]大埔 TAI PO討論區截圖)

關鍵詞
飲食熱話
圖片來源:[email protected]大埔 TAI PO討論區截圖

最新吃喝玩樂資訊