DONKI
DONKI

DONKI壽司師博戴手套整壽司!西客嫌唔夠專業出帖圍爐 遭網民炮轟|飲食熱話

飲食

廣告

日本師傅整手握壽司,通常都不戴手套,不過近來疫情橫行,不少壽司店師傅都會戴上手套,近來就有位網民睇唔過眼,覺得戴手套整壽司不夠專業,在Facebook「香港壽司刺身關注組」發帖,張貼了2張攝於銅鑼灣Donki 1/F 鮮選壽司的相片,相中壽司師傅正戴著手套整壽司,樓主發文:「小弟見識少,第一次見人帶手套包壽司。」發文引來大量網民留言批判樓主是西客,覺得師傅「帶又死唔帶又死」,究竟應唔應該戴手套呢?大家又點睇?

DONKI壽司師博戴手套唔夠專業?原因係……

樓主在Facebook「香港壽司刺身關注組」發帖,上載攝於銅鑼灣Donki 1/F 鮮選壽司的相片,相中師傅正戴著手套整壽司,樓主似乎大感不妥,發文大呻:「小弟見識少,第一次見人帶手套包壽司」。並在帖文留言中表示:「壽司本身不應該帶手套做」,覺得戴手套造壽司不夠專業,皆因米粒不單會黏在手套上,雙手因隔著手套而不夠敏感,握出來的壽司飯會鬆散:「壽司米會黐住手套,師傅亦感覺唔到米粒鬆緊,即使呢度啲壽司飯係機做,但係好鬆散,難用筷子夾起。」樓主覺得該店人均消費為$300,手法應更專業:「如果係『爭鮮』我唔會覺得奇怪,不過呢度成差唔多$300一個人,唔應該係咁。」

DONKI 樓主發文:「小弟見識少,第一次見人帶手套包壽司。」
樓主在銅鑼灣Donki壽司店拍照後發文:「小弟見識少,第一次見人帶手套包壽司。」(圖片來源:香港壽司刺身關注組截圖)
DONKI 樓主覺得不戴手套才是最正宗。
樓主覺得不戴手套才是最正宗。(圖片來源:新假期編輯部)
DONKI 樓主留言解釋戴手套造壽司為何不專業。
樓主留言解釋戴手套造壽司為何不專業。(圖片來源:香港壽司刺身關注組截圖)

網民狠批樓主「西客」

帖文引來大量網民留言,不過似乎大家都不大同意樓主的說法,反駁其實有不黐飯的手套:「有壽司專用手套唔會黐住飯㗎,好多外賣店同放題店都會帶啦!」而且覺得就算人均消費$300也不算好貴:「300蚊好貴咩????」不少人覺得戴手套根本無問題,一點也不出奇:「有乜問題」、「都係乾淨衛生啲啫,你話佢擔住口煙就值得討論啦」、「戴手套握壽司有幾奇?戴安全套握壽司就真係值得出個post討論下」。

DONKI 網民不覺得壽司店有問題,反而狠批樓主是「西客」。
網民不覺得壽司店有問題,反而狠批樓主是「西客」。(圖片來源:《愛回家》劇照)
DONKI 網民:「都係乾淨衛生啲啫,你話佢擔住口煙就值得討論啦」。
網民:「都係乾淨衛生啲啫,你話佢擔住口煙就值得討論啦」。(圖片來源:《行運一條龍》劇照)

網民反而覺得樓主是「西客」:「香港通稱『西客』」,而且「你講得啱頭5個字」的留言竟然比原帖的like數更多,意指樓主真的見識少,狠批:「睇完樓主 message, 終於知道香港點解咁多麻煩人」、「放鬆啲啦香港人,戴手套又話唔傳統,無戴一陣又有人出嚟話衛生問題,唔好再做西客喇,人哋戴手套都要阿吱阿咗,唔通你覺得唔戴手套會好食好多? 冇人挾持你入去食家ma」。

DONKI 戴手套握壽司並不出奇。
戴手套握壽司並不出奇。(圖片來源:香港壽司刺身關注組截圖)
DONKI 香港好多麻煩人。
香港好多麻煩人。(圖片來源:香港壽司刺身關注組截圖)

戴vs唔戴,戴左都未必衛生?!

不少網民都為師傅感到無奈,覺得師傅「戴又死唔戴又死」,無論怎樣都會有人挑剔:「唔戴手套又會走另一條麻煩 L 出嚟話佢唔戴手套」。大多數人都覺得戴手套會衛生點,尤其是這種平民壽司店:「我自己覺得高檔壽司當然唔應該帶手套,但呢類走大眾路線就應該帶。」更有人上載了一張脫皮乾燥的手,留言:「我唔帶手套包壽司既話!您夠唔夠膽食(我唔係做飲食業)」筆者看到都心慌慌!

不過又有人覺得戴手套有機會更不衛生,唔係呀嘛?!原因在於「戴手套仲唔衛生,師傅唔會好敏感咁feel到隻手有無污糟野,戴手套都會少左洗手戴住周圍掂再去整壽司,件壽司食完真係延年益壽」、「唔用手套起碼會有個意識要洗手,用咗手套係洗手嘅意識都無,因為根本唔覺隻手污糟」不過有網民突破盲點,覺得衛生與否在於師傅個人的衛生意識:「唔帶手套就唔會摸其他嘢?要亂摸嘢冇衛生本身係人嘅問題,係都要賴手套,不如賴安全套啦」。

DONKI 唔戴手套先夠專業?
唔戴手套先夠專業?(圖片來源:新假期編輯部)
DONKI 戴手套又唔一定衛生?
戴手套又唔一定衛生?(圖片來源:unsplash@Epicurrence)
DONKI 戴手套竟然有機會更不衛生?!
戴手套竟然有機會更不衛生?!(圖片來源:香港壽司刺身關注組截圖)
DONKI 媽呀!好驚呀!我唔想食有皮壽司呀!
媽呀!好驚呀!我唔想食有皮壽司呀!(圖片來源:香港壽司刺身關注組截圖)

網民:咁嘅價錢,要求唔好咁高啦!

網民就覺得相片中的壽司店其實都很大路,價錢平民化,樓主要求無謂咁高:「食鮮選都咁高要求?」、「對人有要求既時候,望下自己比緊幾錢食一碟壽司先啦」不要以為自己身處日本壽司店,或是在吃高檔的Omakase:「你估真係日本匠人整比你食咩」、「小弟見識少,第一次見人食Donki但以為自己去左Omakase。發現於香港壽司刺身關注組」、「屌唔講以為邊間omakase十幾廿蚊一碟貨仔」。

DONKI 壽司之神出馬的話,當然不用戴手套啦。
壽司之神出馬的話,當然不用戴手套啦。(圖片來源:香港壽司刺身關注組截圖)
DONKI 日本匠人比較信得過?
日本匠人比較信得過?(圖片來源:香港壽司刺身關注組截圖)
DONKI 平民壽司,不要要求咁多?
平民壽司,無謂要求咁多?(圖片來源:香港壽司刺身關注組截圖)

關鍵詞
飲食熱話
圖片來源:新假期編輯部、[email protected]香港壽司刺身關注組、《愛回家》劇照、《行運一條龍》劇照

最新吃喝玩樂資訊