荃灣Daily 13$1任食雪糕＋雪米糍放題 10款口味！隱世工廈海景Cafe 必食名古屋蒲燒鰻魚蛋包飯｜自助餐我要
廣告
荃灣一間「Daily 13」的文青Cafe，以不同$1任食優惠成功跑出，得到眾多人關注。今個8月餐廳推出晚餐加$1任食雪糕及雪米糍放題，多達10種口味狂掃。面對著無敵大海景再食番幾球雪糕，心情特別舒暢！
撰文：艾菲｜圖片來源：Daily 13
Daily 13 $1任食雪糕放題！
位於荃灣工廈的「Daily 13」，經常推出$1任食優惠，例如$1任食芝士蛋糕、$1任食青口等。在炎炎夏天的8月下，推出$1任食雪糕及雪米糍，只要食客凡於晚市享用Set Dinner，加$1便可以升級為任食雪糕。想輕食點，惠顧1款食物或飲品加$13都可以任食雪糕。當中的口味超過10款，必食當然是曲奇及綠茶味，前者曲奇啖啖香脆，後者的濃郁綠茶味後勁回甘！除了常見的口味外，另有豆腐、紅豆、黑加侖子、蘋果等！
雪米糍方面，香芋味是值得推薦，外層皮薄兼有香芋的清香，雪糕餡香醇綿滑！
Set Dinner主食推介：手臂長鰻魚蛋包飯
餐廳的晚市主食也絕不遜色，其中超IGable的招牌名古屋蒲燒鰻魚蛋包意大利飯，鰻魚足足有記者手前臂長，份量驚人！配上巨量的木魚碎及紫菜，層次多重！另一款蒜香辣椒蜆肉意大利粉配軟殼蟹也相當惹味，酥脆的軟殼蟹，咬落爆汁。而意粉飽滿分明，香辣味慢慢浸出，很過癮！主食可以加$68升級至Set Dinner，可享有廚師推介小食、迷你櫻花濃蝦湯及是日精選甜品，再加$1任食雪糕，包你摸著肚皮飽肚離場！
鰻魚食落滑身入味（圖片來源：Daily 13）
原隻的軟殼蟹炸得金黃酥脆（圖片來源：Daily 13）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
