Club ONE 會所一號$148點心放題 任食36款 避風塘龍𧄌腩＋口水雞 送花膠碗仔翅＋心太軟｜自助餐我要
廣告
Club ONE 會所一號推出午市點心放題，可任食36款小菜及點心，當中包括口水雞、臘味、乾炒牛河、流沙包等，選擇豐富，現時只需$148/位就能歎到，指定3間分店供應，大家可Bookmark低，同屋企人一齊歎靚茶！
撰文：Rice｜圖片來源：Club ONE 會所一號
Club ONE 會所一號推$148午市點心放題
點心放題近年十分受歡迎，平日飲一餐茶，逐碟柯打，埋單每人起碼二、三百元，今次Club ONE 會所一號則推出午市點心放題，只需$148就能歎到36款小菜及點心，前菜有口水雞、雞絲粉皮、叉燒等開胃小食；想食點暖笠笠菜式，點心則有鹹水角、粉果、流沙包、豆苗餃等熱賣點心。另有多款暖胃小菜及粉麵，如酸甜開胃的菠蘿咕嚕肉、黃金滑嫩的黑松露元貝炒蛋、粒粒乾身的金柱蛋白炒飯、惹味香濃的乾炒牛河等，絕對飽肚。現時每位入座即送墨魚籽原隻鮑魚酥、椰皇灌湯餃、杏汁白肺湯或花膠濃湯碗仔翅、 雪山叉燒包及朱古力心太軟，激抵啊！
點心放題食物推介！叉燒＋咕嚕肉
焦香燶邊，叉燒入口鬆化。
入席即送！花膠碗仔翅＋鮑魚酥＋心太軟
碗仔翅滿滿膠質，吃罷還會黏著嘴巴。
- ClubONE「天天放題」
- 供應日期：即日起至另行通知
- 供應時間：
- 愉花園 午市 11am-2pm、下午茶 2pm-4pm
- 博藝會 午市 11:30am-2pm、下午茶 2:15pm-4:30pm
- 維港皇宴午市 11:30am-2pm、下午茶 3pm-6pm
- 價錢：
- 星期一至五 $148、星期六、日及公眾假期 $168
- 備註：
- 1.只適用於堂食，不設外賣及攜走
- 2.另收茶芥及加一服務費 （以正價計算）
- 3.菜式如有任何更改，或停用期，或個別菜式售罄，恕不另行通知
- *如有任何爭議，ClubONE 保留最終決定權
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
