人氣麵包店CASABAKE聖誕限定造型麵包！聖誕帽/蝴蝶結/月亮造型酥皮麵包

CASABAKE聖誕限定造型麵包

人氣麵包烘焙店CASABAKE推出4款聖誕限量造型麵包，賣相最有聖誕氣氛一定是聖誕帽造型丹麥酥，分別是士多啤梨忌廉芝士口味和流心開心果口味。官方特別研究出兩款可以加熱的餡料，同時建議客人一定要加熱先食(可以先品嚐帽頂的忌廉再加熱)，客人可以用165度氣炸鍋或焗爐焗大約3分鐘，食落就會酥脆又流心！

在 Instagram 查看這則貼文新假期 Weekend Weekly（@weekendweekly）分享的貼文

蝴蝶結牛角酥！

賣相最華麗一定是蝴蝶結牛角酥，外層以牛油層層摺疊的牛角酥麵糰焗製，再扭成蝴蝶結造型，出爐後金黃酥脆、層次分明，再用天然紅菜頭粉增添一點紅色聖誕氣氛！配上流心芝麻豆腐鴛鴦餡，芝麻香濃，質感幼滑；豆腐流心則較清爽柔和，有淡淡豆香與奶香，超滿足！

月亮吉士牛角酥！

另一款月亮吉士牛角酥運用反貼皮酥皮工藝，扭成月亮弧度，整個丹麥酥都超級酥脆。同樣建議客人先加熱，用氣炸鍋底焗爐160度3分鐘，先至夠脆卜卜！外層採用層層牛油酥皮，焗至金黃鬆脆，內餡為香滑吉士忌廉，微微流心，甜度適中帶蛋香。