馬鞍山泳池餐廳
馬鞍山泳池餐廳

打破美食沙漠! 馬鞍山泳池餐廳 「重開」!!@大仁生活

飲食

廣告

朋友H找我:「馬鞍山泳池新開咗間Cafe, 一齊去試囉?」, 心想:「嘩!! 一邊嘆冷氣, 一邊食好嘢, 對眼仲可以睇靚女游水…正喎…梗係去啦!!」

馬鞍山泳池餐廳 新設計

「不過…睇靚女游水先嚟落雨, 唔通連個天都唔鍾意我?」老實說, 非常頹…幸好這間 馬鞍山泳池餐廳 食物很不錯.

我問店員:「E度係米新開呀?」, Kevin答:「2月我哋開咗一個禮拜, 不過因為當時未準備好,所以停咗2個月, 今個星期, 泳池重開, 咁我哋又索性一齊開」

這裡店員很好客, 東傾西講無問題, 只是他們全都不願上鏡…Kelvin:「E部單車係我踩返工嘅, 借你玩, 不過出面康文署唔畀踩喎」(公園都唔畀踩單車…變態)

食物方面…真心強烈推介…黑松露野菌炒意粉 $52. Kevin建議:「你聞下D黑露先食, 唔好嘥, 真係好香嘅」

最初會覺得黑松露不夠喉, 但當吃了3-4口之後, 你一定會被這碟炒意粉著迷. 超入味, 而且好食到停唔到口, 如果黑松露再多一倍, 100分啦!!

紐西蘭西冷(7安士) $62,Kevin:「E個係每日限量嘅, 我哋個廚話, 最好一口牛, 一口蕃茄, 再一口牛, 咁先會食到真正牛味.」

其實, 我一向都是一口牛塗大量茄汁,食法也差不多啦. 這份西冷的汁帶甜, 配上很腍的牛, 已經贏盡出面街不少餐廳.

黑松露芝士薯條 $58, 就是有少少失望, 同樣黑機露未算多, 而且最初我以為可以薯條拉芝…結果, 不是這回事.

Kevin:「我哋最初真係可以拉芝, 不過成本問題, 要賣到$70以上, 我哋E個位較難做到」(不如你Set兩款芝士囉, 一個貴可以拉, 一個平就係E個比較下, 邊個受歡迎吖)

食環境, 食氣氛…全天侯泳池景, 不得了, 有得睇, 有得食, 下次過來試下午茶應該更抵!!

CJ Cafe

地址:馬鞍山鞍駿街33號馬鞍山游泳池旁邊(顯示地圖
營業時間:1100-2000
聯絡電話:2661 3288

大仁生活facebook

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..