下午茶拼盤
下午茶拼盤

【3點3啦喂】山林道隱秘靚景Tea! $88勁抵食 下午茶拼盤

飲食

廣告

下午茶拼盤 通常都二百幾蚊起跳,食完都有啲肉赤。不過最近於尖沙咀發現了一個$88的二人下午茶拼盤,以鹹點為主,望落都幾抵食!餐廳還有落地大玻璃窗,可望著樹景邊食邊Hea,喺邊?即睇試食報告!

撰文、攝影:Joan

鹹點為主 下午茶拼盤 望樹景relax歎

餐廳在尖沙咀山林道附近,門口放了一個大牌子都是sell這個下午茶拼盤。拼盤於2:30pm供應,當日入座客人不多,只有三四枱,但每枱都有叫這個拼盤,餐廳平時點一份漢堡都要$120起跳,今次$88有這麼多選擇,連另一枱的男生都說非常抵食!

等了大槪10分鐘,拼盤便上枱,賣相非常精緻,有4個迷你漢堡、一盤薯條、一盒芝士通粉、巴馬火腿露荀卷及兩件朱古力牛角包。不過上枱後發現份量偏少,漢堡都是一口size,估計大胃女士們可能不夠share,男士們應該要KO整份才夠飽,不過都是$88啫。隨餐更附有兩杯飲品,可選檸檬茶、生果特飲、花茶和汽水等。

所有食物放在長木板上,賣相精緻,五款鹹食及一款甜點,更附有兩杯飲品,這個價錢,無得彈!

香草肉丸芝士小漢堡 其實這款都不當是肉丸,是漢堡扒才對,面頭有塊半融芝士,好吸引!

漢堡包兩邊都有加牛油烘香,不過一食就發現漢堡扒煎過頭,扒的兩邊完全過燶,味道有點澀!而且裡面沒有香草味,反而有些辣椒,所以味道帶少辣,整體來說有點失望。

 

焗芝士通粉熱辣辣,錫紙盒超辣手,通心粉夠軟身,但芝士味不太濃郁,如果你是芝士控恐怕不太夠喉!

巴馬火腿露筍卷賣相不太吸引,露筍放到好似巫婆手指。火腿片夠鹹香無筋,味道正常。

燒烤味薯條上枱時都是熱辣辣,而且每條薯條都均勻地撲上燒烤粉,好惹味,配上茄汁及酸忌廉醬汁。薯條就算放涼了都仍然脆身,不錯!

下午茶當然要以甜品作結,一人一件朱古力牛角包~

裡面有多層酥皮,一咬下去非常鬆化,而且酥皮面頭被朱古力完全覆蓋,一人一個唔夠喉!

菠蘿檸檬特飲,酸酸地幾開胃,而且凍飲都不用額外加$3,抵讚啊。

又或者可以選擇花茶,可惜不是用透明玻璃杯,看不到好粉紅的洛神花茶,無得呃like。

總括而言,食物質素只有漢堡有點失準,但款式和味道都對得住這個價錢,而且環境非常舒適,和朋友慢慢hea,在這裡悠閒過一個下午實屬不錯的選擇。不過留意返,下午茶拼盤只於星期一至五2:30pm-5pm供應,假日沒有供應的!(放平日人士/學生喜訊!)

Applegreen

地址:尖沙咀彌敦道172-174號太平洋大廈2樓2A舖(顯示地圖)
電話:2312 2488
營業時間:12nn-10:30pm
下午茶拼盤供應時間:星期一至五 2:30pm-5pm

另外元朗分店亦有供應

地址:元朗元龍街9號形點一期地下G10號舖(顯示地圖)

電話:2433 3711
營業時間:12nn-10pm
下午茶拼盤供應時間:星期一至五 2:30pm-5pm

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..