A4紙箱焗雞
A4紙箱焗雞

A4紙箱焗雞 超嫩滑! 就地取材3步輕鬆完成

飲食

廣告

天氣轉涼,又到了燒烤的季節。唔想次次都燒魚蛋、腸仔、牛扒?今次為大家介紹新玩意,以 A4紙箱焗雞 ,簡單易整,而且肉質超嫩滑,比起一般煮法更可口。立即教大家3個簡單步驟,便可焗出一隻5星級的雞,令整個BBQ即時升呢。

撰文:Mandy|攝影:Katie

A4紙箱焗雞 3個步驟簡單完成

今次介紹的 A4紙箱焗雞,做法超簡單,而且所需材料亦不多,只要有A4紙盒、炭、錫紙、燒烤叉以及主角:雞!(冰鮮雞已可)

(圖片來源:新假期編輯部)

1. 預先把雞醃好

正所謂打邊爐最重要是爐,A4紙盒焗雞最重要當然是雞!如果想入味一點,建議可以預早把雞醃好,醃料方面就視乎閣下口味而定。

A4紙箱焗雞
(圖片來源:新假期編輯部)

以燒烤叉撐起整隻雞,記得要以交叉方向撐開雞脾、雞翼位置。

A4紙箱焗雞
(圖片來源:新假期編輯部)

2. 處理A4紙盒

以錫紙鋪好紙盒內部,紙盒以及盒蓋都要鋪上錫紙。記得要密鋪成個紙盒,否則便有機會令紙盒著火。

A4紙箱焗雞
(圖片來源:新假期編輯部)

於紙盒的四角,各剪一個約3吋的開口,用作放置燒烤叉。

(圖片來源:新假期編輯部)

於A4紙盒的盒身刺出幾個小洞,讓空氣流通。

(圖片來源:新假期編輯部)

3. 焗雞!

把燒紅的炭放進A4紙盒內,記得要先把炭上的火弄熄,否則便會變成燒雞,而非焗雞了。

(圖片來源:新假期編輯部)

把燒烤叉卡在紙盒4角的坑內,穩定雞隻位置。

A4紙箱焗雞
(圖片來源:新假期編輯部)

蓋上盒蓋後,計時30分鐘。

(圖片來源:新假期編輯部)

期間可以開盒1-2次,反轉雞隻,確保兩面均勻受熱。

(圖片來源:新假期編輯部)

30分鐘後,可以檢查雞隻是否熟透,熟透便可以「拆件」開餐了!以A4紙盒焗雞,由於受熱比較均勻,令肉質非常嫩滑,比起普通燒雞好味得多!

螢幕快照 2016-10-15 上午12.33.46 copy
(圖片來源:新假期編輯部)

下次燒烤時,不妨多帶一個A4紙盒,再就地取材,30分鐘就可以品嚐到一隻超美味的焗雞,讓附近的人羨慕一下。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..