8度海逸酒店聖誕新年聚會＋拍拖必去！@Miss Sunny

聖誕新年一向係香港人重視嘅節日，亦係同親朋好友大玩特玩、食好西嘅好時機，而我Miss Sunny最鍾意就係食自助餐，可以試晒海鮮凍盤、各國美食、甜品，啱晒乜都想試嘅我！最近知道8度海逸酒店已經預備咗一系列豐富自助餐同afternoon tea，再加上超值節慶住宿優惠，同大家一齊慶祝聖誕同新年！

一家大細：聖誕自助晚餐驚喜禮品＋表演

8度海逸酒店自助餐一向性價比高兼食物選擇多，而今次聖誕及新年限定自助餐，除咗一如以往，有齊精選海鮮拼盤、現煮檯、烤肉檯、日式天婦羅、刺身同甜品區外，於指定日子，仲會有和牛刺身、即開生蠔、波士頓龍蝦、大蝦、海螺、青口，烤肉檯將提供燒特級牛肉及脆皮豬腩。喺12月24、25、26及31日，仲額外每人有一客芝士焗蘇格蘭帶子。話明聖誕大餐，點少得有應節食物，燒火雞、燒火腿、朱古力樹頭蛋糕、朱古力慕絲餡餅等任君選擇。除此之外，餐廳仲安排咗一系列表演、攤位遊戲、音樂表演同聖誕禮物，大人有得食、細路有得玩，同屋企人過就啱晒！

精彩節慶活動

12月24日：聖誕老人派禮物、攤位遊戲、小丑氣球及魔術表演，兒童合唱團報佳音(自助晚餐限定)

12月25及26日：聖誕老人派禮物、攤位遊戲、小丑氣球及魔術表演

12月31日：小丑氣球及魔術表演，除夕倒數

同場加映，除咗有自助晚餐外，於指定日子仲有齊自助早午餐、下午茶同宵夜自助餐時段任你揀，同樣有齊多款美食，例如避風塘炒雪花蟹腳、香煎三文魚配意式香草汁、白酒忌廉汁青口、香草烤羊扒、燒春雞等，甜品亦有聖誕朱古力樹頭蛋糕、英式鬆餅、焗迷你法國軟芝士撻、皇牌芒果拿破崙等。唔好以為唔係晚餐就會慳皮啲！就運早午餐同宵夜自助餐一樣有精彩表演同禮物。

精彩節慶活動 – 聖誕自助早午餐

12月25及26日 : 聖誕老人派禮物、攤位遊戲、小丑氣球及魔術表演

精彩節慶活動 – 宵夜自助餐限定

12月31日：小丑氣球及魔術表演，除夕倒數及現場音樂演唱(宵夜自助餐限定)

拍拖：星空下嘅聖誕及新年西式晚膳套餐

想靜靜地過個浪漫嘅二人世界？Miss Sunny就推薦你哋去試下位於酒店二樓嘅池畔廊及花園茶座，喺星空下品嚐大廚精心設計嘅五道菜式晚餐，包括海鮮拼盤(生蠔、雪花蟹腳、海蝦及海螺)、焗松露牛肝菌濃湯、香煎脆皮鵝肝伴蘋果同埋芝士焗蘇格蘭帶子。另外主菜可以揀火雞配蜂蜜火腿伴金巴利汁、扒肉眼伴雜胡椒汁或烤三文魚伴香檳忌廉汁，當然唔少得皇牌芒果拿破崙或自製朱古力布朗尼伴雪糕做甜品啦！