雞蛋仔
雞蛋仔

【荃灣】嘩!7月人頭 雞蛋仔 可愛定可怕先?

飲食

廣告

雞蛋仔 可以有幾新奇呀?抹茶紅豆紫薯OREO味我乜都試過,最多係 雞蛋仔 中間加埋雪糕夾注,做個冰火二重奏。下?有新嘅超可愛得意BB級人頭 雞蛋仔 ?唔係呱?食人頭?七月流流就咁應節?好,我哋立即請特派記者去試下味,影下相打卡先。

Blogger窮遊poortravellers試味

窮遊poortravellers: 呢間鋪係荃灣開咗無耐,見到門面好靚又有精品賣就吸引咗入去,去到仲見到個咁Cute既雞蛋仔,二話不說買番底食!

#雞蛋仔($16),今日有原味同花生味,即整既關係都要等下先有得食,慢工出細貨麻,整起粒粒都有好可愛既公仔樣係上面,有爸爸媽媽仔仔女女,即拎相機影番輯相,食落去係外脆而且內軟,入面既餡食落好Rich濕潤度又岩岩好,花生味有淡淡花生香,原味亦食到蛋香,1號比較中意食原味,食落其實有d似澳門既金錢餅,黎開呢頭可以試下。
大家唔好向恐怖方面諗其實幾得意

窮遊指數:8/10
好味指數:7.5/10
(記者Owen) 好,我就試下唔向恐怖方面諗,買兩底試下先。

親身落場試食人頭雞蛋仔(爸媽仔女)

記者去到荃灣愉景新城商場的分店買雞蛋仔,發現該店原來係以家庭公仔做主題的優閒cafe,非一般賣雞蛋仔的小店。人頭雞蛋仔係佢地獨家產品,每日都會有不同味道,除有基本原味之外,更會有咖啡/花生醬/朱古力/綠茶味道。記者當日買的是原味及朱古力味,其中朱古力味非常有驚喜,因為雞蛋仔內有朱古力粒,令朱古力味大大夫升,非一般市面在雞蛋仔底汁混入朱古力的做法。

記者O與人頭 雞蛋仔 激情鬼臉四格

好啦,買完 雞蛋仔 番公司,望實個 雞蛋仔,都覺得有少少毛管棟,一家大細爸媽兄妹齊哂係到,重要一粒粒扯出來食, 咬人頭播,都幾人驚,所以記者就做番幾句對白配合下先。

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按扭下揀選「搶先看」,搞掂!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..