7折以上食盡超過30間高級餐廳！用World及World Elite Mastercard®輕鬆Book位+食完自動埋單

Sep 27 2021

咁耐冇得去旅行搞到好頹，食嚟食去都係嗰幾間餐廳？想試新嘢又想享受高級美食？係時候發掘隱世餐廳，邊歎美食，邊歎靚景！

只要你有World及World Elite Mastercard信用卡及扣帳卡，就可以過過「旅行癮」！用全新餐飲預訂平台book位，就可享Mastercard嘅專屬餐飲優惠，用7折以上價錢食到超過30間隱世高級餐廳！喺網上輕鬆book完位，食完仲可以自動過數埋單，勁方便！

咁多間高級餐廳入面有米芝蓮法國餐廳，仲有秘魯菜、西班牙菜、印度菜等呢啲平時好少食到嘅菜式。呢啲餐廳仲有唔少靚位可以畀大家打卡，啱晒想一次過打卡食好嘢嘅你！

多間隱世餐廳畀你發掘精選菜單可享約7折以上優惠

呢個全新餐飲預訂平台有2款優惠，分別係精選菜單優惠同電子優惠券。Book位嗰陣可以睇下啲嘢啱唔啱食，揀定精選菜單優惠，如果揀咗電子券，埋單嗰陣餐廳就會自動計埋折扣，毋須出示實體voucher。到大家食完埋單嗰陣，仲會自動過數，一站式訂位+揀菜單/voucher+埋單全部做晒，幫大家慳返好多時間！

以下為大家揀咗幾間特別嘅高級餐廳，大家不妨參考下：

位於中環嘅品同傳統粵菜館好唔同，室內裝修充滿時代感，餐廳仲設有bar枱同一個巨型酒櫃。鍾意飲酒嘅你，仲可以另外叫埋由法國直送嘅葡萄酒，邊嘆靚酒邊食粵菜。而家用呢個全新餐飲預訂平台提供嘅精選菜單優惠，就可以用7折價錢食到品嘅精選菜單，有雲霧鮑魚、百花釀竹笙等好打卡able嘅精緻粵菜。

日本菜、西餐呢啲大家就食得多，但相信好少人食過秘魯菜！ICHIU主打新派秘魯菜，啱晒鍾意試新嘢嘅你，餐廳環境都同秘魯一樣充滿綠色元素，餐廳仲有個室外小花園俾大家打下卡。

用全新餐飲預訂平台嘅精選菜單優惠，就可以用7折以上嘅價錢食到好特別嘅BISTEC、煉奶蛋糕、XOXO Chicken等菜式，想知道食落係點，就要試過先知啦！

落地玻璃配上新式裝修，仲有埋Bar枱，一睇完全唔似傳統印度餐廳。Gunpowder Indian RestoBar提供「IndiSum」系列小食，好食得嚟又可以畀大家打卡。餐廳仲有提供cocktail，既可以幫大家解辣，又可以畀大家同朋友chill下。

用Mastercard嘅專屬優惠，就可以用8折價錢（即係HK$200）買到價值HK$250嘅電子優惠券，超級抵啊！

睇到以上優惠同服務係咪覺得好吸引，好想快啲探索下隱世餐廳？下面即刻教你點用！

首先，你要喺優惠頁面登入賬户，再喺右上角撳「我的銀行卡」，添加並儲存World及World Elite Mastercard 信用卡及扣帳卡。

然後，你只要去「精選菜單」或「電子優惠券」嘅頁面，撳入心水餐廳，揀想book嘅日子、時間、人數，揀返指定嘅Mastercard卡，再撳「預訂及支付」，就可以成功預訂！成過個程喺一個網站就可以即刻做晒，夠晒方便！

想快啲一次過揀心水餐廳，順便book位畀錢？快啲試下用呢個全新餐飲預訂平台發掘隱世餐廳，約埋朋友一齊用優惠價錢去chill去食好嘢啦！

(Presented by Mastercard)

關鍵詞