A Fun Store
A Fun Store

40%超濃抹茶雪糕! 自選濃度似足日本淺草 |尖沙咀有咩好食|

飲食

廣告

日本淺草甜品店出現「世上最濃郁抹茶雪糕」,同時販售7種濃度的抹茶雪糕,大受歡迎。既然咁「宇宙最強」,又點會無人效法呢!今年年初先開業嘅A Fun Store,主打甜品及雪糕,亦有其他小吃同飲品,仲有不同嘅精品雜貨。而此店店主亦從中偷師,自己試整咗唔同濃度嘅抹茶雪糕。

3種濃度抹茶雪糕

店內有10%、25%及40%三款抹茶濃度的雪糕。對於雪糕嘅香滑度、奶同茶嘅平衡及茶香濃郁度,就要一次過叫哂3種濃度嘅抹茶雪糕先比較到喇。除咗抹茶,仲有多款唔同口味嘅雪糕㖭呀!

一個人蛋糕

呢間店亦推出名為「自L私系列」的一個人蛋糕,可以自選配料配搭,揀4款配料加1款醬汁或果醬,畀你自己mix and match屬於你個人嘅蛋糕。佢哋話呢個自私蛋糕係以早年盛行的「自私的傘」為創作靈感,發揚一個人獨食一整個食蛋糕嘅精神。

店主話:「其實今次嘅設計完全來自我都有一把自私的傘,而呢把傘今時今日都係我個櫃裡面好好珍藏住。老實講我平時都會一個人食一個蛋糕,食唔晒放係雪櫃第二日又比人食左,我好嬲,所以決定做一個適合一人分量嘅蛋糕。」

一個人蛋糕分別有凍碰烏龍、柚子、、香蕉朱古力、玫瑰四種口味,另外有30款配料、12款醬汁同4款果醬畀你揀。由揀蛋糕味道到上面既配料同醬汁,都可以由你話事,由A Fun Store店員即場幫你完成,呢個蛋糕完全可以安撫一顆自私的心。

雪糕班戟

A Fun Store提供14款生果、4款日式戚風蛋糕、30款配料、12款醬汁及4款果醬任君選擇。每次可以揀4款配料加1款醬汁/果醬,可以配搭成多款不同嘅日式班戟組合。

輕鬆小食

除咗店鋪主打嘅甜品同雪糕之外,亦有一啲小吃同飲品同樣夠Fun!雖然話有playful嘅感覺,但製作飲品都唔係玩玩下,連梳打水都係店員親自炮製。

 

Monday blue? 飲杯充滿正能量滿滿汽梳打水啦!令平凡既水都變得不平凡,飲完個人都仙氣十足呀! #sodastream #sodawater #soda #mondayblue #bestdrinkoftheyear #hkig #ig852 #instafood #hkers #omg #water #health #bubble
Afunig(@afunig)張貼的影片 於 張貼


朱古力就食得多,但原來朱古力都有唔同種類同口味,A Fun Store就有平時少見嘅朱古力畀你試試。

店方奉勸諸位唔好食咁多花生,改食軟綿綿綿花糖朱古力爆谷。呢兩款爆爆谷係即叫即整,所以一般製作時間都要5-10分鐘,想食好西就要畀多少少時間同耐性。

精品雜貨

話明可以買嘢,當然唔少得精品同雜貨。例如有新奇造型蠟燭‬,仲有多款可愛嘅貼紙。

大家亦可見多款風格相近的品牌於店內寄賣,仲有消息指,店方將會舉行不同workshop讓大眾參加,有得食有得玩!

 

A Fun Store
地址:尖沙咀彌敦道100號The One 5樓 Kiosk 5A (顯示地圖)
營業時間:星期日至四:12nn-10pm;星期五至六:11am-11:30pm
電話:3188-5122

 

延伸閱讀:

抹茶控必買!日本便利商店限定抹茶零食五選@Matcha
重現澳門風味! 懷舊豬油蝦米撈麵 |太子有咩好食|

最新吃喝玩樂資訊