肥媽
肥媽

2分鐘自製朱古力蛋糕! 肥媽3大潮流食譜

飲食

廣告

真・寒流來襲,離開個被窩都要「憑我徹底的勇氣」,何況係出門口?留喺屋企又唔一定食杯麵、或者叫外賣嘅!肥媽同6號嘅飲食節目《食平dd》間中都有好介紹,唔出街一樣可以食好嘢!當中有微波爐朱古力蛋糕、超人氣芝士撻同韓式芝士豬肋排,全部易整又好食,事不宜遲,即刻睇下點整!

1.食暖dd!2分鐘微波爐朱古力蛋糕

 

女仔無論幾飽、幾唔想郁,都一定要食甜品。哩個朱古力蛋糕,放入微波爐2分鐘就搞掂,超易整,啱哂懶人同怕凍唔想郁嘅朋友仔!

 

材料

自發粉…………….3湯匙
砂糖…………….3湯匙
可可粉…………….2湯匙
牛奶…………….2湯匙
菜油…………….2湯匙
雞蛋…………….1隻
花生醬
榛子醬
棉花糖

做法

1. 將自發粉,砂糖,可可粉,牛奶,雞蛋攪拌
2. 將菜油和花生醬攪拌
3. 將蛋糕中間挖空,加入適量棉花糖或榛子醬
4. 用微波爐高火加熱兩分鐘

2. 自製人氣芝士撻

 

 

冬天咁凍,唔想企喺條街排芝士撻?咁不如試下自己整!怕肥嘅朋友仲可以因應自己口味,落少d糖。

材料

撻皮材料:

杏仁粉…………….50克(篩粉)
幼鹽…………….1克
雞蛋…………….30克
低筋麵粉 200克(篩粉)
牛油…………….125克
糖霜…………….60克

芝士餡:

忌廉芝士…………….120克
Parmesan芝士粉…………….25克

RICOTTA CHEESE…………….80克
砂糖…………….40克
鮮奶…………….100ml
蛋…………….1隻
雲呢拿油…………….1/4茶匙

做法

1. 將低筋麵粉,糖霜,杏仁粉,牛油,幼鹽,雞蛋攪成麵糰,之後用保鮮紙包好放入雪櫃雪一小時。
2. 拿出將麵團搓平,放入撻模後用叉於麵團上弄出小洞。
3. 用焗爐以180度焗10分鐘 。
4. 將忌廉芝士於室溫中攤軟,加入Parmesan芝士粉、Ricotta cheese 同砂糖一齊攪勻。

5. 用細火煮熱牛奶,將攪勻的芝士加入攪拌,再倒入撻模。
6. 用焗爐160度8至10分鐘。

3. 韓式芝士豬肋排

 

甜品唔夠飽肚?咁一定要試下整韓式芝士豬肋排,炒埋一鑊就食得,喺屋企都可以輕易到韓國嘢!

材料

豬肋排
洋蔥
芝士碎
豐水梨

調味料

韓式辣醬
韓國醃醬

做法

1. 將梨汁及調味料一齊醃豬肋排。
2. 將豬肋排落鑊炒香。
3. 最後加芝士碎煮溶。

以上圖片來源:陸浩明facebook

延伸閱讀:

識揀一定揀小儀?TVB新劇剩女小儀(A餐)對女神高海寧(B餐) | 愛情食物鏈

坤哥帶你食好西!5大好西餐廳指南

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..