2月、3月生日優惠│Encore 韓烤 滋味 @ Dining娜
2月、3月生日優惠│Encore 韓烤 滋味 @ Dining娜

2月、3月生日優惠│Encore 韓烤 滋味 @ Dining娜

Photo:Scott

唔知點解次次煲親韓劇,嗰期就會特別心癢想食韓國菜,最近條癮又發作,所以朋友一話約食飯,諗都唔使諗即揀 韓烤 。炑八算係我心頭好之一,一來佢哋嘅肉類優質,貨源同品質都有保證,二來鍾意呢度價錢夠親民,就算最頂級嘅韓牛都只需要幾百蚊就歎到,so far食過嘅朋友都覺得好滿意。

(Presented by 炑八韓烤)

我知道1月初時炑八喺黃大仙中心開咗新分店,所以特登去試下。黃大仙店成間裝潢都以淺色格調為主,牆上有好多同牛有關嘅圖畫,環境亦好闊落,坐得夠舒服。

黃大仙分店面積夠晒大又好多卡位,呢張相只係show咗其中一半空間。
黃大仙分店面積夠晒大又好多卡位,呢張相只係show咗其中一半空間。

3-4人份 韓烤 套餐

套餐包咗7款燒烤食材,分別有甕醃1++韓牛五花肉、特製護心肉、厚切五花腩、韓牛肩胛肉、LA牛骨、大八爪魚同韓國大蝦,夠晒大堆頭。另外仲有1份外脆內軟嘅魷魚泡菜煎餅,辣泡菜加埋有嚼勁嘅魷魚粒非常惹味,當然唔少得任添嘅自家製前菜、芝士粟米同埋泡菜蛋,韓式滋味十足,其他分店都有供應呢set套餐,最啱三五知己齊齊share!

食韓國菜必備前菜
食韓國菜必備前菜
韓牛套餐(3-4人) $785
韓牛套餐(3-4人) $785
睇到啲色澤同肉紋已經急不及待要燒嚟食
睇到啲色澤同肉紋已經急不及待要燒嚟食

追加濟州黑毛豬五花腩

由於太鍾意食五花腩嘅關係,我哋仲額外追加咗1份。炑八選用嘅係濟州島黑毛豬嘅腩肉,因為濟州島係個天然無污染嘅地方,豬隻可以喺優質環境下成長,所以肉質肥美有嚼頭,味道亦比較香濃。店員教路燒嗰時要先將4面燒脆封住肉汁,再剪開一件件燒至全熟,咁就可以食到最原汁原味嘅五花腩喇!

炑八厚切五花腩配特製韓國魚醬 $128
炑八厚切五花腩配特製韓國魚醬 $128

必點招牌菜

另外都推介大家試下醬油蝦、醬油蟹同炸雞,全部都係炑八嘅招牌菜。醬油蝦、醬油蟹都係韓國新鮮直送到港,真係啖啖都係正宗韓式風味,尤其醬油蟹鋪滿又鮮又甘香嘅蟹膏,撈埋醬汁同飯一齊食真係冇得輸!醬油蝦一樣都好鮮甜,隻隻都粗過又長過我手指,啖啖肉,正!

醬油蝦 $128(前)、醬油蟹 $198(後)
醬油蝦 $128(前)、醬油蟹 $198(後)

溫提:醬油蟹同醬油蝦都需要提早預訂

炑八原味炸雞 $88(半隻)/ $158(全隻)
炑八原味炸雞 $88(半隻)/ $158(全隻)

炸雞分別有原味、甜味或配搭芝士,味道就視乎個人喜好去揀,最重要係啲雞全部即叫即製,炸到脆卜卜,外面層脆漿唔厚,一咬開啲肉汁就流晒出嚟好juicy,不過要小心燙口。

2、3壽星優惠

炑八每月都會推出生日優惠,2月及3月生日壽星惠顧晚市或消夜可以免費獲贈韓牛1客,2至6位加送海帶湯同新推出嘅炑八豆粉年糕多士各1客,滿7至10位除咗以上食品,仲可以額外多份芝士炸雞添!另外仲免切餅費,兼可以得到生日相架1張同韓式生日歌配套,記得預早1日訂位同埋講明需要享用生日優惠呀!

炑八韓烤
網址:www.meokbang.com.hk

Facebook: meokbangbbq

最新吃喝玩樂資訊