【18區掃食】佐敦發現 $50爆瀉鐵板扒+港版老天祿
日本過江拉麵 濃香魚介豚骨湯底
剛於12月開業的拉麵店，於日本有8間分店，店內有日本師傅坐鎮，招牌魚介豚骨湯底每日用大量豬骨加日本直送的魚介、蔬菜，以猛火熬足 12 小時，是日本店多年秘方，湯頭濃郁鮮味。麵條有1.5mm直幼麵及1.25mm幼麵選擇，落單時可選擇硬度。
熊拉麵
地址:佐敦白加士街8號地舖(顯示地圖)
電話:2567 2777
營業時間:11:30am-3pm, 6pm-10pm
港版老天祿 十幾廿蚊有交易
開業半年嘅本地廣東滷水店，格局似足台灣老天祿，滷味放埋喺玻璃櫃內任君選擇。有近廿多款滷味及少量涼拌菜式，大路的有鴨舌、金錢肚、雞髀等，最特別有鮑魚仔同牛腩。價錢唔太貴，雖然明碼實價寫足幾錢斤，不過想買少少都唔使逐斤買，買十零廿蚊都可以。即場食嘅可以幫你叮，外賣嘅會額外跟一碟滷水汁，而且都喺用膠盒裝，直接放入微波爐叮非常方便。店員都好nice，唔知咩好食可以叫佢地幫忙推介，亦都可以試味。
滷店
地址:佐敦上海街120號地舖(顯示地圖)
電話:2251 9383
營業時間:12nn-11pm
非一般抵食茶記 $32醉雞湯麵
Lunch Time時間好多上班族都過嚟食，貪呢度價錢平又大大份，最多人你任你點粉麵餐，一麵配一款車仔麵餸，最平都係$28，加多幾蚊$32餐仲可以揀醉香雞、醉香蝦、無錫排骨等，仲送埋餐飲，去邊搵！仲有勁抵食鐵板撈麵餐，雜扒餐都係$50，份量仲堆到成個山咁滿瀉晒，不過繁忙時間可能要等耐少少。
大觀麵膳
地址:佐敦文苑街29號地下B舖(顯示地圖)
電話:5572 9436
營業時間:11:30am-11pm
韓式快餐店 鐵板芝士炸雞
一望舖頭藍白相隔牆身，非常舒服，入到去亦有多張寛闊大枱。餐廳由韓國人開設，行埋收銀點餐後返埋位等叫number，嘢食整好之後就自己拎餐埋位。芝士雞最吸引，用熱辣辣鐵板上枱，折骨雞肉整成圓滾滾雞粒，炸後後加入韓式甜醬與芝士同焗，食落好惹味，仲可以整到拉絲效果～
Isaak’s
地址:佐敦柯士甸道19-23號永發大廈地下5號舖(顯示地圖)
電話:2701 6609
營業時間:11am-11pm
大隻爆膏麵包蟹 重量級海鮮燒物
這家開了幾個月的燒物店，以時令海鮮燒物做主打，海鮮夠鮮味之餘又大份。其中燒麵包蟹，蟹蓋都有返咁上下份量，而且又多蟹膏，就咁燒都已經夠晒鮮味。另外一款德國豬肉腸，好似「水蛇春」咁長，夠晒份量！
竹一燒
地址：佐敦白加士街7號康寧大廈地舖（顯示地圖）
營業時間：星期一至日：12:00-00:00
電話：2659 9976
老餅出沒 $3.5酥皮蛋撻
見到呢間舖頭舖名都知佢夠old school，區內包餅老舖，童年回憶嘅麵包西餅呢度都可以見到，朱古力三角西餅、大件蝴蝶酥同皮旦酥等等，沙翁、老婆餅都可以係到搵到，幾蚊就有交易。舖頭後面就喺廚房，師傅密密手，keep住有新鮮出爐麵包。
三藩市餅店
地址:佐敦庇利金街 61號地下(顯示地圖)
電話:3422 3667
營業時間:6am-11pm
$18糖水 秘速上枱
街坊成日食嘅糖水店，專賣港式糖水，芝麻糊綠豆沙涼粉等基本嘢有齊，仲有啲懷舊系列花生麥米粥，同雙拼甜品，碟碟足料，仲要$20有找，基本上落單後糖水秒速上枱，超快手！
糖不甩 $15 糯米超煙韌，芝麻同糖落得唔孤寒。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
