【18區掃食】地膽推介 黃大仙 7大抵食小店

黃大仙 有求必應,想搵抵食小店,地膽一出,可說是得心應手。除了詠藜園、友記等老字饕,還有一眾街坊小店開到成行成市。今日就跟地膽一齊食盡黃大仙!

大磡村車仔麵 必食招牌三寶

廿年前大磡村都未拆,友記已經在鐵皮屋下賣車仔麵。雖然環境改變了,但其味道仍然keep 得住。必點招牌三寶:鬆軟清香的柚皮、爽脆水魷,還有罕見的鮮甜螺肉,想加餸的話,建議肥美的豬腸和腍軟入味的蘿蔔。鐘意食辣的,可選紅咖喱汁,辣次餘還帶麻,十分惹味。店內幫襯的大部分都是熟客,跟姐姐有傾有講,很可能是由大磡村幫襯到現在的Die hard fans。

 

 

 

友記

地址: 黃大仙 鳯凰新村銀鳯街5號鳯凰村大廈地下 (顯示地圖)
電話:2328 8109
營業時間:星期一至日7:30am-7:30pm

少年食神撐燒味老店 $19叉燒豬仔飽

鳳凰新村一帶地膽,無人不識英都的燒味,不少都是由細食到大。茶餐廳最出名的是叉燒,塊塊半肥瘦,口感鬆軟。另外還有蛇羹、糯米飯、小菜等供應,就連少年食神都有讚好,當然要試下啦。

 

 

 

英都燒味廚房

地址:黃大仙鳯凰新村雙鳯街20號地下 (顯示地圖)
電話:2329 7275
營業時間:星期一至日6:30am-10pm

後巷小店 抵食四式串燒

要數這區的人氣店,這間串燒一定榜上有名,晚晚都有不少街坊聚集,拮吓串燒,飲吓啤酒。店舖隱身在崇華街內一條巷仔,串燒因應不同食材,配撘4款不同調味,好似雞翼會用蜜糖燒、雞皮用鹽燒、牛脷用照燒汁調味、羊肉配孜然粉。試過真係好味,尤其是雞皮、墨魚咀,調味出色,最重要是大大串、價錢平,大部分不用15蚊一串,款式又夠多。

 

 

原燒

地址:黃大仙鳯凰新村崇華街44號地下 (顯示地圖)
電話:2321 3866
營業時間:12nn-12mn
備註:設加一

$36大大盒 花彫醉豬手
賣麻辣菜的店鋪近年開了不少,這間新開小店雖然裝修簡陋,但多款麻辣涼菜也做得出色,尤其是麻辣肚絲和鴨舌。醉小食也吸引,滷得十分入味,酒味香濃。

 

 

高士麻辣燙
地址:黃大仙環鳯街5B號地舖 (顯示地圖)
電話:9148 4648
營業時間:星期一至日12am-11:30pm

30款榴槤甜品 竟然做埋炸両!

榴槤甜品很多糖水店都有得食,但這間竟然做出超過30款來!!榴槤拿破崙、千層蛋糕、pancake、雪糕、雪米糍,連炸両都有!全部都是用馬來西亞D24榴槤肉做,味道濃郁,榴槤迷必要朝聖。

 

 

 

糖川甜品
地址:黃大仙鳯凰村銀鳯街16號地下 (顯示地圖)
電話:2326 6603
營業時間:星期一至四 3pm-12mn
星期五至日3:30pm-1am

老港風味 懷舊油渣麵

沙田坳道小巴站旁邊,現在還有一堆小寮屋,當中有幾間檔無名小店,除了車仔麵,還找到這間買少見少的油渣麵,檔內還有自家製的韮菜餃和涼茶,無論環境或食物,都很有舊時大磡村的風味。

 

 

地址:黃大仙沙田坳道小巴站旁邊的小寮屋 (顯示地圖)
備注:油渣麵約12:30後供應

即叫即握壽司 $12海膽軍艦

平價壽司開到成行成市,但大部分都是一早以機器做好。這間平價街坊小店,收你幾蚊件卻是即叫即整!大部分壽司如象拔蚌、瀨尿蝦和三文魚都只係$5/件,三文魚子和鰻魚也是$8,海膽軍艦都只賣$12。

 

 

超幹線刺身
地址:黃大仙鳳凰新邨銀鳳街1號E舖 (顯示地圖)
電話:2325 7339
營業時間:星期一至日3:30pm-1am
延伸閱讀
【18區掃食】三角公廁搵食 尖咀七大$100有找推介
【18區掃食】太子區醫肚必備!7大好食餐廳推介
【18區掃食】沙田踩單車 蜜汁龍鬚+糯米糍

最新吃喝玩樂資訊