|18區掃食|街坊力撐 土瓜灣 7大必吃食店
|18區掃食|街坊力撐 土瓜灣 7大必吃食店

|18區掃食|街坊力撐 土瓜灣 7大必吃食店

沙中線未開通,土瓜灣特色食店已經開到一街都係,今日一次過為你精選5 間街坊老店和2間話題新店,趁假期plan下路線,一次同Friend食盡 土瓜灣 !Are you ready?

1. 王大陸都來 Burger店歎手工啤

這間剛開業數個月,主打漢堡和海鮮的小店,區內少見!雖然食物價錢在區內算中高價位,但夜晚仍然爆場,只因漢堡、拼盤都大大份,除返開都抵食既,一個人邊食得晒?而且店內仲有多款craft beer,快啲call 齊班 friend 嚟飲酒吹水啦!老闆都話王大陸都嚟過!男神食過鋼鐵魔鬼牛堡都話正,少女們重唔過嚟朝聖?

w3
我叫徐太宇 吃漢堡給你看~(國語腔~)
A1
鋼鐵魔鬼牛堡 $58 另加$10配洋蔥圈、飲品(午餐) 手打牛肉肉汁豐盈,入面更混和了洋蔥粒,配埋芝士、番茄及沙律菜等,大滿足!
A2
茄茸辣汁大蝦意粉 $68(午餐) 用上整隻虎蝦,非常爽彈,醬汁有加辣椒煮過,食落微辣好惹味。順帶一提,店內大部分海鮮是可持續發展,抵讚!
A3
雙重芝士焗薯條 $52 薯條粗切,配埋熱辣辣芝士,送酒一流!
A4
Craft Beer $38~48/樽 店內有多款craft beer,諗唔掂飲邊款亦可叫店員幫你決定神秘款式,包你有驚喜。

A5

A6

No.9
地址:土瓜灣馬頭角道28號金都豪苑地下9號舖(顯示地圖)
電話: 2352 6999
營業時間: 12mn-11pm

2. 又邪惡又人氣 芝士紫薯熱狗

只要有紫薯,香港人就會癲!加埋芝士,會更喪!這間小食店開了年幾,專賣熱狗和港式小食,熱狗可以選不同腸仔,例如司華力腸及芝士,另外更有豬頸肉,另外更可要紫薯餡同熱溶芝士鋪面,熱溶芝士混和了Mozzarella同Cheddar cheese,芝味香濃,OMG!一定要趁熱食,邪惡到咁,唔怪得有咁多學生哥排隊等食啦!

G1
法蘭薯熱狗 $30 熱狗入面有紫薯餡,好香甜~~再放法蘭克福腸及一大pat熱溶芝士,食晒成條都夠飽肚。
G2
紫薯餡就係腸仔下面,成條熱狗都有滿滿的紫薯嫁!
G3
熱熔芝士白魚蛋 $30/10粒 熱溶芝士added!煙韌魚蛋配上自家製芝士醬汁,彈牙惹味!我可以KO一碗。

G5

榮幸小食檔
地址:土瓜灣 馬頭圍道187號B地舖(顯示地圖)
營業時間:11am-9pm

3. 餃子迷必到 老店拿手煎餃

區內著名老店,憑自家包製的餃子和雲吞在 土瓜灣 屹立近三十年,未食過這間,別自稱餃子迷!餃子一共四款口味,雖然可揀煎餃或湯餃,但街坊都推介煎餃!三鮮餃、韭菜餃最受食客歡迎,晏啲去可能會賣晒,牛肉餃、白菜冬菇餃和菜肉雲吞亦好味,蘸上充滿蒜味的臘八醋, 食齊四款都唔過份!

B1
煎餃雙拼(三鮮餃、韭菜餃各5粒) $30 韭菜餃好多人點,香濃菜味食一隻絕對唔夠喉。
B2
招牌三鮮餃內有豬肉、蝦肉及韭黃,皮身較厚,煎得好香脆,口感不錯!
B3
菜肉雲吞 $19 唔食煎餃亦可點湯餃或雲吞,每粒雲吞皮薄到見到入面菜頭豬肉餡,勁大粒囉~
B4 copy
雞絲涼麵 $31 濃香熱豆漿$7 冬天咁凍都要食!雞絲份量慷慨又條,直頭是雞肉!雞肉、青瓜、蘿蔔配上大量麻醬,一點也不膩滯,Must try!豆漿是純正豆香味個種,一啲甜味都無嫁,可以另外加糖。

B5

巧興麵食店

地址:土瓜灣 安徽街7號嘉信大廈地下(顯示地圖)
電話: 2334 9137
營業時間: 10am-10pm(星期二休息)

4. 地上最強鳳爪排骨飯

土瓜灣 街坊無人唔識呢度的鳳爪排骨飯,食足廿幾年仍然唔厭,究竟有咩吸引力呢?盅飯在蒸籠內,熱辣辣,排骨大大件,大盅有7~8舊,肥瘦適中,啖啖都好香甜;鳯爪超惹味,夾起不會骨肉分離;飯亦蒸得軟腍,配肉汁一同吃,簡直人間天堂!仲要廿五蚊有找,去邊搵?嫌唔夠喉亦可加豉油,不過記者就覺得唔加都已經好正啦!另外小菜套餐、點心亦同樣高水準!

C1
鳳瓜排骨飯(大) $24 地膽極力推介,排骨醃得入味,而且超鬆軟!鳳爪唔會骨肉分離,香甜肉汁滲晒落飯粒,一定要食!!
C2
沙薑雞飯配是日例湯 $38 雞肉好嫩滑又大份,配埋無味精靚湯,好食又抵食。C5

明珍美食小廚

地址:土瓜灣落山道1B舖地下(顯示地圖)
電話: 2713 6679
營業時間:5am-11:30pm

5. 《大時代》取景地人情味糖水檔

經典劇《大時代》之前重播,有無留意到劇中這間糖水舖呢?邵仲衡與李麗珍就是在此吃糖水,這間舖仔屹立了32年,本來只賣舊式甜品,如芝麻糊、綠豆沙、合桃糊等,做做下就賣埋車仔麵、魚蛋、牛雜等小食。價錢平,而且用料十足,魚蛋、紅豆沙都加了陳皮煮製;芝麻糊自家磨製,啖啖心機,老闆娘仲成日同食客打牙骹,加咗人情味係好食啲既!

D1
芝麻糊 $15 芝麻自家磨製,質感濃稠,甘香味滿溢,日日過嚟食一碗,靚過李麗珍無難度。
D2
合桃糊 $20 香滑細緻,食到尾都Keep住糊狀,抵讚!
D3
陳皮魚旦、魷魚、東風螺 $6/串 多款小食都是$6,魚旦食落有陳皮香味,配埋秘製靈魂沙嗲汁,香而不辣,非常惹味!
D4
《大時代》第11集,邵仲衡與李麗珍就是在此吃糖水,有唔少人都衝往套劇過嚟嫁!D5

甘露甜品

地址: 土瓜灣 美景街 50 號(顯示地圖)
電話: 2363 3835
營業時間:1pm-12:30am

6. 地道原味小食店 軟心雞蛋仔

開店十幾年,賣的不是花巧野,而是原味雞蛋仔及格仔餅,但都咁受歡迎,點解?因為超好食囉,雞蛋仔食落脆卜卜,但入面有超正軟心內餡,綿綿密密口感仲有香濃的蛋香味,唔怪得街坊食完個個讚!整完每底雞蛋仔都會用風扇吹一吹,令到個皮脆啲。雖然不設即做,但記者買到個底都喺暖笠笠嫁~另有格仔餅、魚蛋、牛雜等小食,值得一試!

E1
雞蛋仔 $11 一食不得了,脆卜卜,配埋軟心內餡,回味啊!
E2
入面唔喺空心嫁,呢個價錢超抵食!
E4
睇見都流口水~~~
E3
格仔餅 $11 每底都可以加煉奶、砂糖及花生醬,超好食!

E5小食部

地址: 土瓜灣 馬頭圍道216號地下C舖(顯示地圖)
營業時間:12nn-10pm(星期日休息)

7. 街坊餅店 Q彈水晶球甜品

這家麵包店睇落平平無奇,但一望門口個雪櫃,嘩!啲甜品勁靚囉!一粒粒圓滾滾的雪菓子,係咪好似水晶球呢?而且勁大粒,外皮超Q彈,芒果雪菓子除了有新鮮芒果,還有忌廉、海綿蛋糕,一啖咬落去勁滿足!師傅話每日即整,無加防腐劑,兩日內要食晒啦!另外糯米糍都好受街坊歡迎,有芒果、抹茶等口味,同埋少見的黑糖花生口味,必食!

F1
芒果雪菓子、木槺雪菓子 $20/2個,$11/個 圓碌碌賣相好cutie,薄薄的糯米皮內包著芒果/木槺、忌廉和海綿蛋糕,食落超級煙韌。
F2
見唔見到有幾大Pat cream呢?超足料嫁!
F3
抹茶糯米糍 $7/個(前左)、芒果糯米糍 $5個(前右) 糯米糍有多款口味,一樣有水準,而且價錢平過個啲乜洲糯米糍多多聲。
F4
黑糖花生糯米糍 $7/個 痴線嫁!花生勁足料,好似塞咗成粒花生糖落去,配埋黑糖外皮,味道出奇地夾。

F5

新星飽餅店

地址:土瓜灣 譚公道80號A2地下(顯示地圖)
電話:2250 7099
營業時間:6am-8pm

延伸閱讀:
美味「髀」賽!全港8大邪惡炸雞髀地圖
【18區掃食】三角公廁搵食 尖咀七大$100有找推介
bookwwbanner_generic-1024x536

最新吃喝玩樂資訊