$168歎7吋長巨型花膠扒 可能係全香港最平@ Dining娜
廣告
text: Dining娜 photo: Dick
(Presented by 御苑皇宴)
各位姐妹，我Dining娜雖然唔係美容blogger，但只要係女人，都會有貪靚嘅一面㗎嘛！最近我就收到風，話$168可以喺中菜廳食中式鋸扒，係花膠扒咁話！即係滋潤養顏，好黏口嗰隻，呀媽煲完會爭住食嘅呢～相信踏入夏天，大家嘅短褲背心都上晒陣啦，啲皮膚唔夠滑番點見人呀？講開中菜，雖然我平時唔算多介紹，但我都一樣好鍾意㗎，所以同場仲有幾款好味又抵食嘅推介畀大家，即刻睇下我嘅試食報告啦！
推介1：花膠扒伴花菰$168
係咪估唔到花膠都可以有牛扒咁大塊呢？其實花膠即係魚肚同魚鰾嘅製品，當中嘅高黏性膠體蛋白和黏多糖物質，有養顏活血的功效。師傅將浸過嘅花膠簡單咁用上湯打個芡汁，扣至收水，再用菜心同花菰伴碟，味道已經夠出色。
推介2：花膠海參花燉螺頭 $38/ 位
又一滋補推介，咁嘅價錢食碗糖水都未必得啦，莫講話滋補湯水！花膠功效唔多講喇，海參花其實係海參嘅腸同卵，有助抗氧化同清除自由基，加埋滋陰補腎嘅螺頭，大人細路都啱飲㗎～
推介3：「爆」膏蟹（薑蔥炒/風沙/曼谷炒） $108/ 斤
顧名思義，蟹肉蟹膏都真係多到爆！呢道菜除咗先天優勢外，當然仲有靠廚師嘅心機啦， 3款口味包括：清新鮮甜嘅薑蔥炒、惹味香口嘅風沙同店員力推嘅曼谷炒，濃郁醬汁用上茄汁、南薑、香茅同雞蛋等10種以上材料烹調，夠晒泰國風味！
推介4：五指山乳豬$148/ 半隻
選用嚟自海南島五指山優質豬場嘅乳豬，用秘製醬汁醃製，配合明爐燒烤，豬皮表面燒成芝麻粒形狀，夠晒鬆化！
