$100有找！4款抵食聖誕下午茶！

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Dec 22 2015

聖誕期間，出街食飯多數價錢都偏貴。想食平啲啲，同時又想有個靚環境休閒一下？得！介紹返，4間歎Tea-set餐廳，全部除返開一個人都唔駛$100。當中，有海景歎少女下午茶、與日本家品店crossover的下午茶、茶餐廳歎英式下午茶，仲有森林系鳥籠下午茶。雖然價錢平，但食物都有返咁上下水準，等大家可以在聖誕期間，有個靚環境，慢慢品嚐物有所值的下午茶。

1. 非常抵食！$99歎二人份量少女下午茶

聖誕流流，咁多聚會已經駛唔少錢，仍然想同朋友食下午茶？得！$99就食到二人份量下午茶，$99免加一，仲包每人一杯飲品，相比其他Afternoon Tea Set，是相對比較平的一間食店。你會問，咁平食物質素如何呢？記者試食後，認為用這價錢就能歎此下午茶，真的物有所值，即刻帶來試食報告！

食物款式：7款
－底層：三文魚pancake、朱古力焦糖布甸、英式鬆餅
－中層：雲呢拿黑芝麻碎雪糕、碎蛋牛角包
－頂層：士多啤梨馬卡龍、士多啤梨吉士撻

個人推介：
1. 朱古力焦糖布甸：布甸有蛋香，好滑，配上朱古力和焦糖，甜得來不太膩。
2.雲呢拿黑芝麻碎雪糕：黑芝麻味好香，配雲呢拿雪糕好夾，底層會有脆脆，增加口感。
3.三文魚pancake：三文魚算有鮮味，而這件鹹點是配上pancake，相比配上香脆的餅乾，口感上會有所不同。
4.英式鬆餅：眼看會以為好硬身，但吃下去其實比相像中鬆軟。

提提你：聖誕節還有特別版下午茶，只限星期六、日和公眾假期！

食物款式：8款
－上層：檸檬撻、芒果慕絲杯
－中層：朱古力撻、自家制牛奶雪糕、朱古力榛子蛋糕
－下層：小龍蝦漢堡、碎蛋沙律牛角包、煙三文魚熱香餅

Afternoon Tea Set詳情：
星期一至五：$99/2人，包一杯飲品，免加一。
星期六、日和公眾假期：$148/2人，包一杯飲品，免加一。
供應時間：14:00-18:00
備註：聖誕期間，星期六、日會有聖誕節特別版下午茶，$148/2人

Spade by Lassana
地址：油塘高超道38號大本型地下G28號舖（顯示地圖）
營業時間：星期一至五: 12:00-22:00；星期六至日及公眾假期: 09:30-22:00
電話：2346 0828

2. 又食又拎！家品店歎下午茶

歎三層架下午茶，食物有質素之外，環境舒服就更加分！A-1 Bakery Group旗下的Balencia與日本傢俬及生活用品品牌Francfranc合作，以Francfranc餐具做襯托，推出了三層架英式下午茶。而今次下午茶內的Valrhona朱古力車厘子慕絲蛋糕是新推出的甜品，口感幼滑軟綿，配埋杯咖啡就正啦！除了於舒服環境下歎下午茶，食完仲要有環保袋送，又食又拎，除返開每人又唔需要$100，抵食！